ازاى أعرف العربية بتاكل زيت ولا لأ؟!!!
السلام عليكم
كنت بعمل تشك للعربية كده ابص على الزيت وعلى زيت الفتيس وعلى الماية وشوية نضافة كده لقيت مستوى الزربت عند اللو وانا لما غيرتة قبل كده كان بين اللو والفل فزودت زيت يجى كده ربع لتر او اقل شوية فهل ده طبيعى ؟!!والمفروض لو فية بخر او فاقد للزيت يبقى الكمية اد ايه ؟علما بأن بستخدم موبيل XHP 3000 والكمية اللى انا زودتها زودتها بعد ما مشيت 1500 كيلو
وهل لما اجى اغير زيت اظبط المقاس على F ولا اخلية فى النص؟ّ!!
سؤال اخير معلش بس هو فى الكهربا المفروض انى لما اشغل نور التابلوة (العربية عندة ماتركس 2002 اللى هيا شاشة قدامك فيها الغيارات الاوتوماتيك والاعطال وكده وشاشة تانية فيها العدادات فى نص العربية . المهم لما جيت اشغل نور التابلوة اشتغل كلة ما عدا اللى قدامى اللى فيه الغيارات الاوتو وبعد 10 دقايق اشتغل لوحده.
المشكلة دى تانى مره تحصل يا ترى من ايه واية الحل ليها ؟!!!
معلش طولت عليكم هو انا اغير زيت الفتيس ولا اسيبة اصل الميكانيكى اللى بتعامل معاه قاللى ما تغيرش مع المتركس بالذات لان بعد التغيير ساعات الفتيس بيعمل مشكلة ومش بينقل رابع قاللى لما ينقص زوده وخلاص . فهل الكلام ده مظبوط ولا اية؟ واحط زيت نوعة ايه ؟
|
19-12-2013, 10:39 PM
