|
#1
23-11-2013, 11:28 PM
|
||||
|
||||
-|||- نحن في زمن المطففين (إحذر حتى لا تكون منهم) -|||-
نحن في زمن المطففين (إحذر حتى لا تكون منهم)
فتش داخل نفسك إتهم نفسك حتى لا تسقط في ويل ويل كلمة معناها إسم لأحد أودية جهنم بينزلوه المطففين يتعذبوا فيه كأنك نازل تاخد غطس وتسبح في فوهة بركان ثائر وتذكر أن المطففين ليسوا بائعي الفاكهة والخضراوات فقط ليسوا من يتعاملون في الوزن فقط يقول الله تعالى : { وَيْلٌ لِّلْمُطَفِّفِينَ الَّذِينَ إِذَا اكْتَالُواْ عَلَى النَّاسِ يَسْتَوْفُونَ وَإِذَا كَالُوهُمْ أَوْ وَّزَنُوهُمْ يُخْسِرُونَ } صدق الله العظيم سورة المطففين حقك بتاخده كامل مكمل وساعات بتطلب فوقه مكافئة ومرتبك لو نقص جنيه أو دولار أو ريال بتعمل فضيحة والشركات المجاورة بتعرف طيب والواجب اللي عليك الحق اللي عليك الذي بتحصل على المرتب مقابله وقت العمل (حسب عقدك) شغل فكر منتج خدمات دقة أمانة إلخ .... يا ترى بيكون إهتمامك بكل تفاصيله الدقيقة بنفس قوة إصرارك على راتبك أو حقك بحذافيره بالقروش والهللات والسنتات فتش نفسك واتهمها واقبض عليها واحبسها احتياطي من اللي ملوش آخر بتاع اليومين دول في مصر ولو لا قدر الله طلعت مطفف ومقصر وبتاخد حقك كامل لكن أداءك ناقص عن الوجه الأكمل خلص نفسك بنفسك تنازل عن جزء من حقوقك قطع بعض فواتيرك وتحملها إخصم لنفسك يوم ولا يومين في الشهر حسب ما إنت شايف نفسك لو ما عملتش كده عنك مشكلتين الأولى ::::ـ تأكد إن جزء من فلوسك حرام وإن ما كانش حرام يبقى غير طيب وده لوحده مصيبة صعب حلها بعدين الثانية ::::ـ بالنسبة لكونك من المطففين وويل المذكورة في الآية هو وادي في جهنم بينزلوه المطففين يسبحوا فيه زي ما قلنا فوهة بركان وإنت نازل تسبح فيها لا حول ولا قوة إلا بالله إلحق نفسك قبل ما تموت أو صاحب العمل يموت أو يرفدك أو إنك تستقيل أو ضميرك يموت أو أمانتك تموت ـ
__________________
التعديل الأخير تم بواسطة ahmed1981 ; 23-11-2013 الساعة 11:34 PM 
|
|
#2
23-11-2013, 11:50 PM
|
||||
|
||||
|
رد: -|||- نحن في زمن المطففين (إحذر حتى لا تكون منهم) -|||-
جزاكم الله خيرا
موضوع أكثر من رائع وينطبق غلى كل شئ فى حياتنا وليس ميزان الخضروات والفاكهة فقط بل كل شئ كل شئ ولو كل واحد فكر هيلاقى اننا بنكيل بمكيالين فى كل أمورنا وعلى رأى المثل حبيبك يبلع لك الزلط وعدوك يتمنى لك الغلط يعنى مثلا لما الام ابنها يضرب ابن الجيران تغض الطرف وتعمل نفسها مش واخده بالها ولكن لو ابنها بقه اللى انضرب يبقى نهار اسود على ابن الجيران وامه واهله كلهم برضة فى المهزلة السياسية اللى احنا فيها كل طرف يتهم الآخر بأبشع الاتهامات وقتلانا شهداء وفى الجنة وقتلاهم فى النار وكأن مفاتيح الجنة فى ايدى البشر حاشا لله تحيز وتحفز واضح من الطرفين تريقة وتهكم من جميع الاطراف الكل شايف ان هو اللى صح يا انقلابيين يا خرفان يا كفار يا متمردون يا يا يا كلنا مطففين والويل لنا من حساب ربنا ربنا يسترها يارب استرها علينا جميعا يارب يارب جمع أهل بلدى على كلمة سواء كلمة الحق اللهم ارنا الحق حقا وارزقنا اتباعه وارنا الباطل باطلا وارزقنا اجتنابه ياريت كلنا نعتدل فى نظرتنا للامور ونكون حيادين وبدون تعصب وبلاش نكون مطففين فى حكمنا على كل الأمور
__________________
اللهم ياجامع الناس ليوم لا ريب فيه اجمع على ضآلتى سبحان الله وبحمده سبحان الله العظيم
|
|
#4
24-11-2013, 01:18 PM
|
||||
|
||||
|
رد: -|||- نحن في زمن المطففين (إحذر حتى لا تكون منهم) -|||-
جزاك الله خيرا
وجعل موضوعك الجميل فى ميزان حسناتك و ادعو الله ان يصلح حالى و ان يرزقنى الاخلاص فى عملى و ان يرضى عنى و يجعل ثواب من عمل بكلامك فى ميزان حسناتك
__________________
سبحان الله و بحمدة
سبحان الله العظيم
|
|
#5
24-11-2013, 02:08 PM
|
||||
|
||||
|
رد: -|||- نحن في زمن المطففين (إحذر حتى لا تكون منهم) -|||-
اللى يعرف الباشمهندس احمد من قبل الفتنة اللى البلد فيها ديه هيتاكد انه شخصية ممتازة خلقاً وعلماً وفضلاً يمكن احنا اتحرمنا من مشاركاته القيمة الفترة اللى فاتت نتيجة انشغاله بالاخوان والدفاع عنهم لكن ابداً ده لا ينقص من قيمتة وقدره فى قلوب اعضاء مصرموتورز
تحياتى ليك يا احمد ومتحرمناش من مشاركاتك القيمة ديه ابداً
|
 |
| الكلمات الدليلية |
| أمانة, مطفف, راتب, عمل, وظائف خالية |
|
|
