هل الحاجات دى ممكن تكون سبب فى استهلاك البنزين الجنونى ؟

[ahmedraafat00]

السلام عليكم

كنت يا جماعه عملت موضوع عن استهلاك البنزين المبالغ فيه فى عربيتى واللى بيوصل ان أحرق 40 لتر فى 110 كيلو
المهم انا كنت سيبت العيب ده فتره ودلوقتى حصلت مشكله فى عربيتى فودتها للميكانيكى يظبطها ومن حسن حظى انه كان فاضى اليومين دول وانا سايبها معاه اسبوع فقعد يدعبس ويشوف كل الحاجات التالفه فى العربيه ويغيرها وغيرنا حاجات كتير

لكن الحاجات اللى لفتت نظرى هيا ان كات فيه 2 رشاش وحشين اتغيروا و الكهرباء بتاعت العربيه كانت زفت والموتور كان صوته بيعلى ويوطا وساعات يرعش لوحده والار بى ام ينزل المهم غيرنا كل الفيش اللى كانت وحشه او بتتحرك وعملنا ترميم للضفيره من ناحية السلوك اللى كانت ماشيه جنب الموتور والكهرباء الحمدلله بقيت كويسه
هل كده ممكن ان شاء الله الاقى مشكله استهلاك البنزين اتحلت ؟
مع العلم ان كمان غيرنا فلتر بنزين و كان فيه مشكله فى طرمبه الميه والميه كانت بتتسرب وغيرنا الطرمبه كمان والدنمو مكانش شغال وشغلناه
ودلوقتى العربيه والحمدلله بتطلع وترجع بيها من غير ما تدوس بنزين هات الأول وارفع رجلك من عالدبرياج العربيه هتمشى معاك
تفتكروا بقى ان مشكله البنزين تكون اتحلت وان الرشاشين وعدم ظبط كهربة العربيه كان ليهم دور كبير فى المشكله دى ؟

[احمد على 1999]

ممكن
و برضه التجربة هى اللى تثبت
هى كام cc ؟

[ahmedraafat00]

المشاركة الأصلية كتبت بواسطة احمد على 1999 ممكن و برضه التجربة هى اللى تثبت هى كام cc ؟

شكرا يا استاذ احمد عالرد
هيا جيب شيروكى 2500 سى سى
طبعا الجيب استهلاكه الطبيعى عالى بس انا اعتبر اعلى من الاستهلاك ده بكتييييييير

[ahmed_eng2001]

ان شاء الله المشكلة تكون اتحلت ... و الاسباب الى صلحتها ممكن تكون هى السبب فى الاستهلاك العالى للبنزين

[ahmedraafat00]

المشاركة الأصلية كتبت بواسطة ahmed_eng2001 ان شاء الله المشكلة تكون اتحلت ... و الاسباب الى صلحتها ممكن تكون هى السبب فى الاستهلاك العالى للبنزين

أمين يارب
أن شاء الله هاخدها بكره وهجربها فتره واشوف
شكرا يا استاذ احمد عالرد