|
|||||||
| مكافحة سرقة السيارات موضوعات حماية السيارات من السرقة و للاعلان عن سيارات مفقودة ( مسروقة ) |
 |
|
|
أدوات الموضوع |
|
|||||||
| مكافحة سرقة السيارات موضوعات حماية السيارات من السرقة و للاعلان عن سيارات مفقودة ( مسروقة ) |
|
|
|
أدوات الموضوع |
|
#1
30-09-2013, 09:30 PM
|
|||
|
|||
كنت هأتسرق بس الحمد لله ربنا ستر
السلام عليكم
الموضوع ده حصل من يومين و طبعاً أتعلمت منه حاجه حبيت أفيد بيها غيرى -------------------- المكان: كورنيش النيل (القاهرة) - طرة الأسمنت - أمام حديقة النيل و بجوار سور أرض فضاء بجوار مصنع النشا و الجلوكوز الزمان: الساعة 8 مساءاً الأحداث: كان عندى مشوار لمدة ساعتين فى المكان ده, أضطريت أركن العربيه عالكورنيش (و العربيات رايحه جايه) بس مفيش حد ماشى و مفيش محلات فى المكان ده (سور أرض فاضيه) قضيت المشوار و رجعت لاقيت 2 شكلهم سوابق و بيضربوا زفت و مساطيل ساندين على شنطة العربيه من ورا و تقريباً بيلفوا بانجو أو حشيش... (عرفت بعد كده بيلفوا أيه) المهم, دخلت عليهم, و رميت السلام. عربيتك دى يا باشا - أيوه, و فتحت العربيه طلعوا وقفوا جنبى و محسسنى أنهم فى موقف (باركينج)... عادى فتحت الكبوت و طلعت كابل الموبينه إللى لأول مرة فى حياتى أفصله, طلعته من جيبى و ركبته و واحد فيهم بكل رخامه بينورلى بالموبايل علشان يشوف بأعمل أيه. دخلت العربيه و فتحت زرار الفصل و سميت الله و دورت, و البلطجيه واقفين جنبى طبعاً كلامهم مش باين بس عمالين يقولوا عربيتك بحالها و إطمئن على حاجتك و شوف الإستبن طلعت فكه (فضيه) زى أى بارك فى الشارع , واحد منهم بص و قاللى أيه ده دول ميجيبوش لب, عاوزين 50 جندى !!!! - رغم أنى مش سريع البديهه نهائى و (على نياتى) أوى, حسيت أن أفضل حل الهروب, خاصة الشارع ورايا كان فاضى خالص جبت مارشدير فى الظلام, و دوست بنزين و عدلت الدركسيون و طبعاً مفيش وقت للمرايات و طير يا معلم الغريب أنهم أتسطلوا لدرجه إنهم طلعوا يجروا ورايا فى شارع فاضى, و من فضل الله تعبوا و كملت طريقى سالماً بحمد الله طبعاً كنت بأجرى عالكورنيش زى المجنون و رجليا بتخبط فى بعضها مش حاسس فين الدبرياج و فين الفرامل و فين البنزين ركنت العربيه أمام البيت كالعاده و خرجت أتأكد منها, لاقيت الحراميه دخلوا قلب الكالون بتاع الشنطه لجوه و بقيت ممكن أدخل أيدى كلها و هيا الشنطة مقفوله !!! حاولت أظبطها لحد الصبح و طبعاً لاااااااازم أروح لبتاع ضبط أبواب يشوفها ---------------------- الدروس المستفاده 1- الأذكار على قدر جهدك حاول تواظب عليها 2- عربيتك تتجرح فى شارع زحمة أحسن متتسرق فى شارع هادى اللهم إحفظنا و سلم طريقنا و رد علينا ضالتنا آمين يا رب
__________________
التعديل الأخير تم بواسطة zing0 ; 30-09-2013 الساعة 09:35 PM 
|
|
#2
30-09-2013, 09:41 PM
|
||||
|
||||
|
رد: كنت هأتسرق بس الحمد لله ربنا ستر
الحمد لله .,,,. قدر الله و ما شاء فعل .
بس واضح انهم استغلوا فراغ الشارع و عايزين 50 جنيه شغل بلطجه .,. ربنا يسترها علينا اجمعين .
__________________
وأتت ملائكة النعيم كما روت* روحي بطون أكفها خضراء* صعدت بروحك والعبير يحفها* والنور ترسم دربه الأنواء* شرقت حشاشات النحيب وأينعت* وشوى الأنين قلوبنا فتفطرت*خلف الجفون دموعنا الخرساء* أكبادنا فبكاؤنا إيماء*
|
|
#3
30-09-2013, 09:48 PM
|
||||
|
||||
|
رد: كنت هأتسرق بس الحمد لله ربنا ستر
الحمد لله انها جت على قد كده وربنا يخلصنا من البلطجيه اللى ماليين البلد
__________________
|
|
#4
30-09-2013, 10:18 PM
|
||||
|
||||
|
رد: كنت هأتسرق بس الحمد لله ربنا ستر
الحمد لله رب العالمين إنها جت لحد كده وربنا يسلم طريقك ويسلمك من أى سوء
__________________
م . نبيل عبد الرحمن مصر موتورز الإسكندرية
|
|
#5
30-09-2013, 10:25 PM
|
||||
|
||||
|
رد: كنت هأتسرق بس الحمد لله ربنا ستر
الحمد لله و فعلا اهم حاجة الاذكار و الاخذ بالاسباب
__________________
سبحانك لا علم لنا الا ما علمتنا
|
|
|
|
