مصر ناقصها خطه

[wael890610]

السلام عليكم ورحمه الله
الحكايه اننا كلنا بلا استثناء عاوزين الخير للبلد دى , بلا استثناء
لكننا انحرفنا عن خط البناء , ومستمتعين بفكره الزعيق وضرب عساكر الامن المركزى واللجان الشعبيه
طيب هانفضل كده لامتى
انا مش بتكلم عن مين صح ومين غلط ولا ثوار او فلول
احنا فى دايره وكل واحد شايف نفسه فيها صح واللى قصاده يا اما كافر او فلول او جاهل
والدايره دى ممكن نقعد فيها طول عمرنا ما نخرج منها الا فى حالتين يا اما ربنا يكرمنا بواحد يجمعنا كلنا او كارثه قوميه لا قدر الله .
طيب ايه المطلوب .. ببساطه اننا نوصل لنقطه الصفر اللى عندها نكون متجمعين على البناء واننا نضيف للبلد فى جو يسوده الامان والاحترام .
ومادام ان رئيسنا السابق والحالى ما عملوش , وطبعا ربنا بس اللى اعلم باللى جاى
نبداء احنا بقه وما نستناش ..... لاءه يا حضرات احنا نعمل خطه مبنيه على اهداف نفسنا نشوفها فى بلدنا ونفرضها على الرئيس الحالى او القادم او اى عفريت ازرق ماسك منصب فى البلد دى.
================
لو نفسك تشارك معانا اخبط لايك للصفحه دى وشاركنا بافكارك


هو المفروض هنا نعرض كل الافكار واحلامنا لبلدنا فى السياسه والاقتصاد والتعليم والصحه وحتى الرياضه والكوره , اى حاجه نضيف بها للبلد اى حاجه يشكرونا عليها ولادنا .