ثلاجة التكييف

[aymangalal]

عايز اعرف حاجه...
هل كل العربيات فيها الثلاجة دى ..؟؟
وهل زى مانا فاهم " ان الثلاجة دى عبارة عن حاجة كده زى رادياتير صغير راكب جوه التابلوه"..؟؟ ولا لها وصف تانى

اللى اعرفه ان اى تابلوه جواه مروحة دائرية كده وحتى لو العربية مش مكيفة المروحة دى بتبقى موجودة وشغالة... صح كده؟؟
واعرف ان السربنتينة عبارة عن رادياتير صغير برضه جنب الرادياتير الاساسى بتاع الميه مش كده..؟؟
طيب لو حبيت اغير التابلوه بتاع سيات 133 واجيب فيات 127 او اونو مثلا "لان حجمهم صغير" هلى التبلوهات دى بتتباع بمكونات التكييف الداخلية " المروحة والثلاجة " ولا بيبقى التبلوه فاضى؟؟ ولو فاضى ممكن الاقى التلاجه بتاعة التابلوه لوحدها ولا بيتوفق لها ..
انا بتكلم على منظومة التكييف الداخلية " اللى جوه التابلوه"
ياريت حد يفيدنى ويفهمنى الله يباركلكم

[ahmed_eng2001]

الكلام الى حضرتك ذكرته عن مكونات التكييف صحيح

ان شاء الله احد الاخوة الاعضاء يفيدك فى موضوع تابلوه ال 128 و ال133

[aldebbas]

لا طبعا مش بتتباع بمكونات التكييف لانها اصلا مش مكيفة ولاكن فى تكييف ينفرسال يركب على اى عربية بتكون عبارة عن صندوق فية التلاجة والمروحة ولوحة التشغيل والترمستات والهويات الى بيطلع منها الهواء بتركب امام الكرسى الى جنب السائق يعنى تحت الدرج بس
وتوصل الخراطيم الى الكومبروسر والى السربنتينة وخلاص كدة

[aymangalal]

المشاركة الأصلية كتبت بواسطة aldebbas لا طبعا مش بتتباع بمكونات التكييف لانها اصلا مش مكيفة ولاكن فى تكييف ينفرسال يركب على اى عربية بتكون عبارة عن صندوق فية التلاجة والمروحة ولوحة التشغيل والترمستات والهويات الى بيطلع منها الهواء بتركب امام الكرسى الى جنب السائق يعنى تحت الدرج بس وتوصل الخراطيم الى الكومبروسر والى السربنتينة وخلاص كدة

كلام جميل طيب العربيات اللى بيبقى فيها هوايات للتكييف زى 127-128-133 حتى بيبقى لازمتهم ايه؟؟ وعلى حد علمى ان الاونو فى منها مكيف والتبلوه بتاعها فيه المفاتيح والزراير والبكر ده اللى ظاهر قدامى اما من جوه التابلوه .. مش عارف ؟؟ عشان كده بسأل
تحياتى ليك

[aldebbas]

بيبقى عبارة عن تبريد هواء فقط مروحة بس يعنى وبيكون فيها سخن وبارد مش فريون اقصد وبيكون فيها كل حاجة ماعدا مفتاح تشغيل التكييف الى مكتوب علية A/C