كيف تتصرف لو فجأه ماقتش فرامل

[next123]

السلام عليكم ورحمة الله وبركاته
اخوانى الكرام....... ارجو من كل له خبرة فى هذا الموضوع ان يتكرم بالرد حتى تعم ا لفائده
كيفية التصرف لو ماشى سريع او بطىء وفجاة بدوس فرامل ملقتش فى فرامل
لان الموضوع ده حصل مع واحد صاحبى وربنا سترها معاه.......... لبس فى اللى قدامه بس
ولكم جزيل الشكر

[محمد صالح - المحامى]

اولا : الفرامة بتديك انذار طبيعى قبل ما بتبوظ
يعنى مثلا تلاقى الفرامل تحت رجلك مش طبيعيه او مش ذى ما انت اتعودت عليها
ثانيا : ممكن يكون السبب غير طبيعى
يعنى مثلا المواسير الى ماشى فيها زيت الباكم اتخرمت وبتهرب زيت
==============
لو انت ماشى بسرعه كبيرة وعلى طريق سفر
- فى حالة الطريق قدامك فاضى يبقى هدى اعصابك وشيل رجلك خالص من على البنزين لحد ما العربية تهدى وتقف
- لو فى خطورة عليك لو كملت الطريق
يبقى استعوض ربنا واديها غيار عكسى وسد ودانك
-----------------------
اما لو انت فى وسط البلد والفرامل عملت معاك كدا وسابت خالص
- يا اما هتلبس فى الى قدامك لان ملهاش حل ومش هتلحق تفادية
- يا اما هيبقى قدامك فرصه وتحك الكوتش فى الرصيف ( بالتوازى ) اوعى تدخل بوشها فى رصيف
الطريق دى هتقلل السرعه لحد ما تقف
========================= ==
وطبعا الكلام دا كله لو مفيش فرامل يد ( هاند بريك )
علشان كدا كل المتخصصين وغير المتخصصين بيقولك راجع على فرامل اليد باستمرار
ومتسيبهاش لحد ما تتنحل خالص ( تبقى خفيفة )

[tefahabibi]

فرامل اليد مهمة جدا فى الحالة دى .