شوية مشاكل ومحتاج مساعدتكم

[ekramyhamdin]

السلام عليكم
العربية إبيزا 99 (1400 سى سى) والمشاكل هى:
1-الفرامل واطيه ومبتمسكش كويس.
2-أمبير الحرارة مبيرفعش لكن المروحة شغالة.
3-الموتور صوته عالى وقارى 12 rpm والعربية واقفة.
4-الفتيس فيه بوش خفيف.
وجزاكم الله خيراً

[hazem_khidr]

عليكم السلام و رحمه الله يا باشمهندس

1-الفرامل واطيه ومبتمسكش كويس.

شوف التيل الخلفي يترجلش عليه او يتغير و لو التيل كويس اكشف علي ماستر الفرامل

2-أمبير الحرارة مبيرفعش لكن المروحة شغالة.

طالما المروحه شغاله والعربيه مش بتسخن يبقي المشكله في ساعه الحراره بتاع الامبير
مش بتاع المروحه حتلاقيها عاوزه تتغير او العيب في الامبير نفسه
روح للكهربائي يفك سلكين الساعه و يلمسهم في بعض لو الامبير اتحرك للاخر يبقي العيب عيب الساعه و تتغير
و لو ماطلعش لفوق يبقي المشكله في الامبير او التوصيلات و الكهربائي يراجع عليها

3-الموتور صوته عالى وقارى 12 rpm والعربية واقفة.

روح لاي مركز خدمه عنده كمبيوتر يحط العربيه علي الجهاز و يشوف الخلل جاي من ايه
و يضبط الموتور تاني

4-الفتيس فيه بوش خفيف.

ممكن يكون تيش الفتيس فيه بوش هو اللي بيخلي العصايا فيها البوش دا
لو التيش سليم و متربط كويس يبقي البوش في التروس و دي مالهاش علاج و لما يبوظ الفتيس
تبقي تغيره كله و ما تسمعش كلام حد يقولك نفك الفتيش و نعمل صيانه و الكلام الفاضي دا

[ekramyhamdin]

السلام عليكم:
شكرأً لردودكم وتم حل المشاكل كالأتى:
1-الفرامل واطيه ومبتمسكش كويس.
تم تغيير ماستر وسيرفو
2-أمبير الحرارة مبيرفعش لكن المروحة شغالة.
تم تغيير حساس حرارة الامبير
3-الموتور صوته عالى وقارى 12 rpm والعربية واقفة.
كان فيها بنزين 80 وبمجرد ماحطيت 90 كل حاجة اتظبطت والصوت العالى من بلى الدينامو
وجزاكم الله خيراً

[hazem_khidr]

طب تمام اوي يا باشمهندس اكرامي
الحمد لله توقعات الواحد ما فرقتش كتير
فاضل بقي بوش الفتيس

[ekramyhamdin]

المشاركة الأصلية كتبت بواسطة hazem_khidr طب تمام اوي يا باشمهندس اكرامي الحمد لله توقعات الواحد ما فرقتش كتير فاضل بقي بوش الفتيس

جزاكم الله خيراً