الاحسن الفيات اونو تسعينات ولا السيات ابيزا باردو تسعينات ولا البى واى دى فلاير

[mahmoudelmasry2016]

الاحسن الفيات اونو تسعينات ولا السيات ابيزا باردو تسعينات ولا البى واى دى فلاير حابب اخد رأيكوا فى دول وانهى الاحسن فى المتانة ...وسهولة وجود ورخص قطع الغيار واعادة البيع والشكل العام واستهلاك البنزين وانا الحقيقة معايا فى حدود 15 ل 18 الف وحابب اجيب حاجة هاتشباك تكون باور وشيك كدا فعايز رأيكوا فى الموضوع ده ضرورى لانى محتار جدا بشوف عربيات كويسة على موقع دوبيزل زى ريجاتا 86 وشاهين تسعينات وعاجبينى اوى باردو واتبهرت شان لقيت سعرهم فى الرينج ده فا اتمنى حد يجاوبنى يكون فاهم ويدينى الاختيار الصح

[mahmoudelmasry2016]

اسف ....... كمان ضيفوا ليهم سيتروين ax موديل التسعينات دى داخلة دماغى باردو

[Sameh Ragih]

الفيات اونو تسعينات 1000CC و صعب تلاقي منها حالة كويسة بس لو لقيت تبقى كسبان

ولا السيات ابيزا باردو تسعينات برضه 1000CC إلا الـ 94 1300CC بس قطع غيار مش غالية بس برضه مش رخيصة و عايزة ميكانيكية ألماني

ولا البى واى دى فلاير بقى ده إسمه كلام برضه

ريجاتا 86 وشاهين تسعينات لسه فيه منها حالات حلوة بس نادرة و ممكن تضيف الـ 131 أصل الشاهين


ستروين ax العربية دي حلوة و جراية و ناس كتير بتشكر فيها.. مشاكلها السخونة و صعوبة الصيانة و قلة قطع الغيار

[mahmoudelmasry2016]

ايه يا جماعة مستنى اخد ارائكوا والتعليقات وبعدين اقرر ..... 1 بس اللى رد !!!!!!!!!!!!

[mahmoudelmasry2016]

كمااااااااااااااان عايز اقولكوا انى شوفت عربيات كتيرة فى الرينج ده واخرهم دايهاتسو ميرا ودايهاتسو شاريد موديل تسعينات فعايز اخد رأيكم فى دول كمان محتاااااااااااااااار بجد ارجوكم ساعدونى ورشحولى انهو الافضل من حيث اللى ذكرته وأخص بالذكر العضو المحترم ابو نورا ياريت تدلنى عالصواب وجزاك الله كل خير