عايزة عربية ضرووووووووووري وتعبت من البحث

[AlexGirl]

انا عايزة عربية في اسكندرية تكون حالتها ممتازة ومش عايز يتصرف عليها دلوقتي لاني اكيد هدفع كل اللي معايا وممكن استلف كمان وتكون قطع غيارها متوفرة ومش غالية وتكون ويفضل تكون اوتوماتيك وفيها كماليات وموديل مش قديم ويعوض الموديل الحالة بس متكونش حاجة وتسعين اقل حاجة 2000 لو مش لانوس اما لو لانوس ممكن موديل اقل من 2000 شرط الحالة واهم حاجة بقي السعررر ودة اللي معطلني لحد دلوقتي وهو من 30 الف لحد 38 وشرط اساسي هو سهولة اعادة بيعها بدون خسارة كبيرة للاسف اني مليش اي مصدر بحث الا النت لاني مش متفرغة ومش بروح صالات او سوق عريبات او حتي اعرف حد يجبلي بالمواصفات دي والعربيات والعربيات واللي عرفته ان احسن حاجة اللانوس والاكسنت انا اصلا بدور على عربية لقطة وعشان كدة مجبتش اي حاجة ياااااارب الاقي طلبي بجد لاني تعبت واي حد عنده حاجة بالمواصفات دي ياريت يبلغني هنا
وشكراااااااا جزيلااااااااااااا

[next123]

ان شاء الله تلاقى اللى بدورى عليه
بالتوفيق ان شاء الله

[hanyreload]

حتلاقى لانوس 1 بالسعر دة جربى موقع كونتكت كار وان شاء الله تلاقى الى انتى عايزاة.

[احمد على 1999]

بلاش دايو اتوماتيك
بلاش اصلا حاجة اتوماتيك بالسعر دا
الحالة الوحيدة اللى يتجاب فيها اتوماتيك مضمون ........... عربية كسر زيرو او لسة فى الضمان ............ يعنى مش اقل من 60 الف جنيه و حتبقى زيى ال i10 او بيكانتو

[AlexGirl]

المشاركة الأصلية كتبت بواسطة next123 ان شاء الله تلاقى اللى بدورى عليه بالتوفيق ان شاء الله

الف شكر لحضرتك يارب الاقي

المشاركة الأصلية كتبت بواسطة hanyreload حتلاقى لانوس 1 بالسعر دة جربى موقع كونتكت كار وان شاء الله تلاقى الى انتى عايزاة.

انا قاعدة علي المواقع دي بشكل شبه دائم ولما بلاقي عربية سعرها كويس يطلع اعلان وهمي لحد ما زهقت ولا زال البحث مستمر عالمواقع اللي اعرفها وشكرا لحضرتك

المشاركة الأصلية كتبت بواسطة احمد على 1999 بلاش دايو اتوماتيك بلاش اصلا حاجة اتوماتيك بالسعر دا الحالة الوحيدة اللى يتجاب فيها اتوماتيك مضمون ........... عربية كسر زيرو او لسة فى الضمان ............ يعنى مش اقل من 60 الف جنيه و حتبقى زيى ال i10 او بيكانتو

طب وهتفرق ايه الاوتوماتيك قديم ولا جديد؟ ياريت حضرتك تفهمني بس عموما االاتوماتيك اسهل وخصوصا اني لسه مبتدئة وماسوقتش الا تقريبا 3 او 4 شهور وكانت مانيوال ومعنديش مشكلة تاني في المانيوال بس قلقانة عشان سبت السواقة بردو بقالي 3 شهور فقلت ادور علي اوتوماتيك اسهل بس عموما هو مش شرط والف شكر لحضرتك