موضوع محيرنى !! بخصوص مثبت السرعة

[M.Sami el adham]

السلام عليكم
معايا سيفيك ex 92 اوتوماتيك جميع الكماليات .. طبعا الى جانب ان الموتور مرزًع بس مش دة موضوعنا

فيه حاجة محيرانى جدا .. عندى زرار كروز كونترول او مثبت السرعة !! ادوس عليه مش بينور !! المهم رحت مخرجه بره لاقيت انه مش متوصله فيشة اصلا !! ادور عالفيشة ليس لها وجود اصلا !! طب اى سلك اى حاجة .. مفيش

عندى سؤال : لو اصلا هى مش نازلة بالكروز كونترول هيحطوا الزرار ليه ؟! انا بشوف سيفيكات كتير اوى مكان الزرار مقفول بطبة مع زمايلى !!

طب اعرف منين ان فيها كروز كونترول ولا لا ! ؟

[احمد على 1999]

ممكن يكون المالك السابق مغير الطارة

[احمد على 1999]

لو فيها كروز كنترول يبقى لازم يكون فيه ريلاى للكروز كنترول
ابحث فى علبة الفيوزات ( او لو فيه اكثر من علبة للفيوزات ) عن ريلاى الكروز لو لقيت مكانه فاضى يبقى العربية غير مزودة بالخاصية

[M.Sami el adham]

المشاركة الأصلية كتبت بواسطة احمد على 1999 لو فيها كروز كنترول يبقى لازم يكون فيه ريلاى للكروز كنترول ابحث فى علبة الفيوزات ( او لو فيه اكثر من علبة للفيوزات ) عن ريلاى الكروز لو لقيت مكانه فاضى يبقى العربية غير مزودة بالخاصية

حضرتك زرار الكروز مش فى الطارة فى الطابلوه نفسه !! طب اعرف منين مكانه او شكله .. العربية فيها علبتين .. واحدة فى الكبوت و التانية تحت رجل السواق عالشمال !! المشكلة ان الاتنين فيهم لا يقل عن 30 فيوز و كتاوت , و اللى تحت رجلى دى مرشقة !! , و هو بيبقا كتاوت ولا فيوز ؟! طب هو مالوش جهاز مثلا ؟! المشكلة ان فى النت مكتوب ان الex فيها كروز كونترول !! ..

[نبيل عبدالرحمن]

ريح نفسك وتوجه لمركز الخدمة وإسألهم وهمه أكيد هايفيدوك