عوازل الزجاج من المطر مش موجودة فى مصر....!!!!!

[zing0]

السلام عليكم
لسه راجع من التوفيقية - أكبر سوق قطع غيار و إكسسوارات سيارات فى مصر كلها
و كنت بسأل على الجزء اللى بيركب فى الأبواب من الداخل و الخارج و بيكون فيه فبرة بلاستيك علشان الزجاج لما يتغسل أو تنزل علية المطر ميدخلش المياه جوه الباب.
سألت عليها قالولى إسمها عازل مطر و بتنزل بكليبسات نيكل بطول الباب علشان تركب على الشفة و بيبقى فيها زى لباد من الداخل علشان الزجاج ميتجرحش.

المهم موجوده عندكم؟ .... لا لا لا لا لا لا لا لا

و كل محل يقولى شوف عند فلان فى الشارع التانى و أروح يقولى شوف عند علانى... و مفييش؟؟؟؟

طيب أعمل إيه و أجيبها منين. أنا قولت أكيد أدام مفيش منها فى التوفيقية يبقى نكلم حبايبنا فى المنتدى هنا لو حد ليه صاحبه و لا قريبه فى روسيا يبعت لنا طقم منها.


دلونى عليها يا جماعه.
أنا ساكن فى القاهرة فى منطقة المعادى و حلوان, لو فيه محل قريب بيبيع الحاجات دى يبقى تمام.
طبعاً العربية لادا - 2105

[hal71]

لو حضرتك قصدك الكاوتش اللي عامل زي القطيفة اللي بيات فيه الزجاج عند غلقه في المجرى الموجودة في الباب يبقى عليك و على شارع شركس جنب قصر عابدين و هو شارع بين شارع الجمهورية و محمد فريد و قصاد محطة مترو محمد نجيب بالضبط - الشارع ده فيه المحلات اللي بتبيع خراطيم الأبواب و كاوتشات الشنطة و فيه كذا محل بتبيع الحاجات دي و أعتقد الكاوتش اللي حضرتك بتسأل عليه ممكن يكون هناك و هو مش عازل و لكن متهيألي إسمه كاوتش قطيفة لأن الجزء الداخلي اللي الزجاج بيبات فيه ناعم زي القطيفة - تحياتي

[zing0]

هو ده بالضبط غللى أقصده
ربنا يباركلك
جزاك الله عنا خيراً

[Ahmed_Esmail]

يا برنس انا فهمت من موضوعك ان اللى تقصده عامل زى التندا كده وهى شفافة وبلاستيك ومكتوب عليها Lada

وتابعت الموضوع عشان اعرف منين بيتجاب التندا دى علشان انا شوفتها فبل كده ونفسى اشتريها وعايز اعرف تتجاب منين

[zing0]

أنا مش قصدى التندا الشفافة إللى بتتحط فوق الزجاج (على حلق الباب من فوق) إللى بتحجب الشمس و المطر.

أنا قصدى (عازل المطر) الكاوتش أو البلاستيك المبطن بالقطيفة من الداخل و إللى بيتحط من الداخل و الخارج على شفة مجرى الزجاج داخل الباب.

أنا سألت عند ناس بتبيع خراطيم و حلايا و كاوتشات الأبواب و الشنطة بس مفيش.
تقريباً لااااااازم أروح لبتوع ضبط الأبواب, و يا رب ألاقى عندهم.