مصر موتورز مجتمع السيارات
الرئيسية مشاركات اليوم أكتب موضوع اضف صورة ابحث

العودة   مصر موتورز مجتمع السيارات > السيارات الأوروبية > فيات FIAT > 128 FIAT
منتدى السيارات العام سوق السيارات صيانة سيارات تعديل واكسسوارات مخالفات المرور الأستراحة الاحصائيات

إضافة رد
 
أدوات الموضوع
قديم 28-01-2013, 12:59 AM   #1
 
تاريخ التسجيل: Jan 2013
مكانى : القاهرة
التخصص العملى : طالب بكلية الهندسة جامعة الازهر
الخبرات: طالب بقسم الهندسة المدنية
المشاركات: 121
شكراً: 19
تم شكره 3 مرة في مشاركة واحدة
بروفايل saleh samir's Profile   البومات صور saleh samir's Photo Album   اضف saleh samirالى قائمة اصدقائك   جروبات
saleh samir will become famous soon enoughsaleh samir will become famous soon enough
افتراضي وش السلندر

السلام عليكم جميعا انا لسه جديد ف المنتدى ومتابع اخبار المنتدى من مده

وكنت عايز أسأل هل ينفع افك وش السلندر لوحدى ,, ولو ينفع ممكن حد يشرحلى الموضوع ببساطة وهل لازم اجيب جوان جديد لو فكيتو !!

آسف للأطالة

ملحوظة العربية مو 79 فيات 128
من اشهر مواضيع saleh samir في مصرموتورز


تجديد سمكرة ودهان السيارات
MasrMotors Application
ــــــــــــــــــــــــــــــــــــــــــــــــــــــــــــــــــــــــ
saleh samir غير متواجد حالياً   رد مع اقتباس

قديم 28-01-2013, 09:21 AM   #2
mr_astra

 
الصورة الرمزية mr_astra
 
تاريخ التسجيل: Oct 2010
المشاركات: 6,248
شكراً: 1,073
تم شكره 1,389 مرة في 752 مشاركة
بروفايل mr_astra's Profile   البومات صور mr_astra's Photo Album   اضف mr_astraالى قائمة اصدقائك   جروبات
mr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond repute
افتراضي رد: وش السلندر

اعتقد وبحكم انك جديد على حد قولك
هايكون صعب انك تفك الوش لوحدك
وحتمى لازم تجيب جوان جديد لو اتفك

دور على موضوع متقبت كنت رديت فية باستفاضة على العمرة الكاملة للـ 128
اسمة
العدد والحاجيات لعمل طقم شنبر
هتلاقية متثبت هنا
من اشهر مواضيع mr_astra في مصرموتورز


تجديد سمكرة ودهان السيارات
MasrMotors Application
ــــــــــــــــــــــــــــــــــــــــــــــــــــــــــــــــــــــــ
__________________
يااااااااااااا رب

إرحمنا بقدرتك علينا

mr_astra غير متواجد حالياً   رد مع اقتباس

قديم 28-01-2013, 09:29 AM   #3
mr_astra

 
الصورة الرمزية mr_astra
 
تاريخ التسجيل: Oct 2010
المشاركات: 6,248
شكراً: 1,073
تم شكره 1,389 مرة في 752 مشاركة
بروفايل mr_astra's Profile   البومات صور mr_astra's Photo Album   اضف mr_astraالى قائمة اصدقائك   جروبات
mr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond repute
افتراضي رد: وش السلندر

معلش طلع فى منتدى الصيانة العام مش فى الفيات

اقتباس:
بسم الله الرحمن الرحيم
لو تكلمنا عن محرك الـ 128 يعتبر من اسهل المحركات نظرا لتصميمة البسيط ووسع الحوض وسهولة العمل فية
وعلى فكرة مواتير الـ 128 من انعم المواتير اللى ممكن تسمعها
هانبدا بالفك وهنا هاننزل الموتور على الارض خالص مش هانشتغل فى الحوض ودة عشان الطريقة تمشى مع عمل شنبر او عمرة كاملة

خطوات فك الموتور من جسم السيارة
هانبدا نفك البطارية والكبالن الداخلية والخارجية وخراطيم البنزين الداخل والخارج والكابل المغذى للاسبراتير
ونبدا نفك الردياتير والخراطيم الداخلة والخارجة للموتور
هانفك واير الدبرياج
وطبعا اتياش البنزين فى الكربراتير
هانفك كابلات المارش ومن ثم المارش كليا وندخل على التقيل
اولا الموتور عند مثبت بـ 3 قواعد فى جسم السيارة
القاعدة الاولى وهى اللى فى كرتيرة السيارة الشمال ودى سهلة جدا لانها باينة وواضحة بمجرد فك مسمار التثبيت كدة القاعدة بقت برة اللعبة
تانى قاعدة اسهل بكتير لانها تعتبر شداد للموتور وهى موجودة اسفل الاستبن ودى هانفكها من جسم السيارة وكمان من جسم المحرك عشان الشداد دة طويل وممكن يلاخمنى وانا بسقط المكنة
وعشان تبقى عارف الموتور فى الـ 128 مش بيتشال بونش وانما بينزل على الارض وبنرفع الرعبية من فوق منة
نيجى بقى لتالت قاعدة ودى ارخمهم وهى القاعدة المثلثة الموجودة بالفتيس هانبدا بفك الـ 3 مسامير المثبتة للقاعة فى الفتيس وبعد الفك هاتقابلنا مشكلة القنطرة لانها هاتعوق نزول الموتور فى الارض وعشان نفك القنطرة هاندخل جوة صالون العربية ومن عند منتصف الصدر ( تحت القنصولة ) هانفك عدد 2 مسمار مثبت للقنطرة ودة بيتطلب انك تشيل جزء من الموكيت او اللارضية البلاستيك ولكن هتحتاج واحد معاك يمسك راس المسمار من جوة الصالون وانت بتفك الصامولة من تحت الحوض ولما نخلص نفك القنطرة من الجزء الامامى للحوض من عند القنطرة الامامية
طبعا مش محتاج انى افكرك انك لازم تكون محمل المكنة بالكامل على كوريك تمساحة كبير

كدة المكنة بقت فى الهوا ونبدا ننزل الموتور على الارض واحدة واحدة واما نطمن انة كليا بقى على الارض هانرفع العربية لفوق ونرجعها لورة عشان تبقى بعيد عن الموتور
لو عاوز تغشل المكنة بالجاز عشان تشتغل على نضافة وبال رايق ومالة اديها غسلة سريعة عشان كل حاجة تبقى منورة ادامك وكمان شكل ترشيح الزيت مش حلو

على فكرة انا نسيت اقول فى الفقرة السابقة نفضى زيت المحرك

دلوقتى متهيالى ممكن نفك الفتيس من الموتور عن طريق مسامير الداير وخد بالك احنا شايلين المارش من الفتيس ودلوقتى ممكن نركن الفتيس على جنب مش محتاجينة

نفك الدسك من على الموتور عن طريق المسامير المثبتة للدرك على الفولام ،،،،،، ونطلع الاسطوانة لانها ملهاش اى مسامير تثبيت

نجيب بقى مفتاح لقمة من نوع كويس اوى المانى على سبيل المثال ونفك الـ 4 مسامير بتوع الحدافة بس هاتقابلك مشكلة هنا انك كل اما تيجى تفك تلاقى عامود الكرنك بيلف منك وللتغلب على هذة المشكلة بنجيب نص سبيكة قديمة طبعا ونوضؤرها على سنون الفولام وعلى جسم الموتور فى اتجاة معاكس لحركة الفك اللى هو شمال طبعا ،،،،،،،،يعنى لو انا واقف ادام الموتور من ناحية الفولام وهافك الـ 4 مسامير طبعا عكس عقارب الساعة يبقى السبيكة تتثبت من الناحية الشمال وللاسفل (يا رب تكون فاهم قصدى)
وبعد الفك هتلاقيها لزقة مش عاوزة تتطلع نجيب شاكوش متوسط ( 1 كجم مثلا) وندق دق خفيف اكنك بتكسر بندق وخايف لتكسر اللى جوة البندقاية والدق ميكنش فى حتة واحدة ولكن على محيط الفولام بصورة متالية ومتتابعة وخلى بالك من الخابور اوعى يضيع منك
نلف المكنة ونبدا بفك الدينامو كليا مش السير بس ونفك وش التقسيمة البلاستيك
ونهوى بلية الشداد ونخلع سير التقسيمة ونشيل كل الكلام دة على جنب
دلوقتى هانفك طنبورة الكرنك طبعا هانفك المسمار المثبت ليها ودقتين هتلاقيها بقت برة وخلى بالك من الخابور
تيجى نفك الكربراتير ملوش لزمة عندنا وكمان الاسبراتير لحسن يتكسر المفروض كنا فكناة والموتور فى العربية بس مش مهم ملحوقة
ولا اؤلك ما تيجى نشرب كباية شاى عشان التقيل جاى

دلوقتى انا عارف ان فى مشكلة عدم تثبيت المكنة على الارض وعمالة تتحرك وتوقع منك ،،،، طب ما تيجى نفك كرتيرة الزيت وطبعا دى سهلة جدا عن طريق فك مسامير الداير كلها وننيم المكنة على جنبها ونفك طلمبة الزيت عشان ما تتكسرش وطلع ترس طلمبة الزيت عشان ما يضعش فى الورشة

ونطلع المكنة على تزجة معدنية نضيفة ونضع المكنة على الجزء السفلى ليها (ناحية البيلات)

تعالى بقى نفك الهد ودة بيتطلب اننا نفك غطاء التاكيهات وبنفس مفتاح العزم الالمانى نفك وش السلندر عن طريق اننا نهوى جميع المسامير بالتتابع المعروف ومن ثم نفكها كلها ودلوقتى بقى عندنا وش السلندر مفكوك والبساتم باينة ،،،،بنظرة الخبير نبص على سطح البساتم ونشوف نسبة الكربون على سطح البستم هل جميعها متساوية ام ان فى بستم او اكثر نسبة الكربون علية اكثر ولا كلهم عليهم نسبة كربون متحجر وعامل تخانة فوق وش البستم لان طبعا دة لة مدلول لو ان فى بستم السطح بتاعة علية نسبة كربون عالية ومتحجرة دة بيدل على ان البستم بيطولة زيت اما من الشنابر واما من الصبابات

نخلى كل بستم فى النقطة الميتة العليا ونحرك البستم بادينا حركة افقية عشان نشوف خلوص البستم فى الشميز ونكرر دة مع الاربع بساتم

اما بخصوص وش السلندر انا مش عاوز اشوف حاجة فية لانى ناوى اعمل كل حاجة فية من قواعد ودلايل وطقم صباب عشان دة مخ المكنة ولازم يتعمل زى ما قال الكتاب وخصوصا ان التكلفة مش عالية دنا بتعامل مع 8 قواعد وطقم صبابات بـ 90 جنية الفرنساوى اللى هو احسن حاجة

ما تنساش تحل المانفول من وش السلندر ملوش لزمة يروح للخراط

هانبدا نفك البيلات والبساتم من البلوك ودلوقتى بقى اسمة بلوك مش موتور
طبعا هاننيم البلوك على الجنب ونفك مسمارين البيل رقم 1 (من ناحية وش التقسيمة) ونطلع قاعدة البيل بالسبيكة بتعتة وبخشبة الشاكوش ندق على ذراع البيل عشان يخرج بالبستم بتاعة من البلوك وبعدين نركب نص قاعدة البيل المحلولوة ونشبط المشمارين بتوعها فى باقى البيل ونكتب علي سطح البستم بزنبة ارقام رقم 1 فكدة يبقى عندنا البستم بالبيل كامل كامل كامل والبستم مكتوب علية رقم 1 ومتخفش البيلات مش هاتتلخبط مع بعضها لانها مكتوب عليها الارقام
بس فى حاجة مهمة اوى اوى هنا اية هى؟؟؟ اتجاة البستم فى الشميز ،،،،، فية بساتم ( الاصلى ) بيكون مرسوم عليها سهم على سطح البستم بيشاور على مكان معين فى البلوك لو مكنش اعملة انت او شوف تجويف الصبابات على سطح البستم فى اى اتجاة عشان فى التقفيل بامر الله نراعى اتجاة البستم فى الشميز
وبنفس الطريقة هانفك الـ 4 بيلات

بكدة انت جاهز تودى الشغل للخراط وتعالى نتكلم شوية فى اعمال الخراطة للاجزاء المختلفة للموتور
اولا لازم تنقى خراط سمعتة كويسة والمكن بتاعة متعاير وجديد لان نسبة نجاح العمرة 99% بتعتمد على توفيق ربنا والخراط

طبعا انا قلت لحضرتك ان الجندى فى احمد بدوى من احسن الناس اللى ممكن تتعامل معهام وبالمناسبة انا كنت بشتغل عندة صبى فى اجازات المدارس والكلام دة من سنين كبيرة طبعا ولما كبرت وكنت ماسك شغل فى الغردقة (محركات ومولدات بحرية) معظمها كاتربلر كنت بوديلة شغلى لان فى ربط وحزم يصل لمرتبة الالمان فى الشغل

هو اية اللى ممكن يتم علية اعمال الخراطة وهابدا بالوش

لو كراسى عامود الكامة مبوشة الخراط بيعملها كراسي
طبعا الخراط هاينفض الصبابات واتفقنا اننا هانغيرهم بجديد نوع فرنساوى وهاينفض القواعد عدد 8 وهاينطر الدلايل عدد 8
بالنسبة للدلايل وطبعا انت عارف ان الصباب بيتحرك جوة الدليل حركة ترددية او راسية ومعلهوش حمل اوى لكن الدليل نفسة ممكن يسرب زيت داخل غرفة الاحتراق ،،،، صحيح ان الدليل بينزل شحط فى مكانة انما مش كفاية انا عاوز اامن شغلى مليون فى المية فبطلب من الخراط انة يعمل دلايل بكراسي واسمها دلايل يابانى وهى عبارة عن ان جسم الدليل من الخارج بيعمل فية سن رفيع جدا بارز عن جسم الدليل عشان اما يشحط الدليل فى المكان بتاعة فى وش السلندر السن دة يعمل زى اويل سيل معدنى يمنع مية فى المية اى زيت يتسرب لغرف الاحتراق

عمل 8 قواعد للصبابات ودى بيعملها على المخرطة وبعدين بيعملها فريزة وبعدين بيريح الصباب على القاعدة بتعتة بالرودية

لو ان وش السلندر فى تاكل من مجارى المياة الخراط بيلحم التاكل دة وبيقشط مكانة ودة المسموح بعملة فى الوش انما يقشط الوش بالكامل عشان مقفع والكلام دة مرفوض بالنسبة لى والحل البديل وش سلندر استيراد ستاندر

دى تقريبا جميع اعمال الخراطة فى وش السلندر وبيتغسل بعدها غسيل من نار والخراط بيجب شنيور وبيركب فية فرشاة سلك وبينضف مجارى الهواء والعادم من اول مكان المانيفولد لغاية الصباب وبيرجع بيلمع وزى الجديد ودى نقطة مهمة جدا عشان اى رواسب بتعمل ممانعة للهواء الداخل للموتور او العادم الخارج منة ونرجع نغسل الوش تانى بالجاز بعد التقفيل النهائى ونسيت اقول لحضرتك انك مش هاتعتمد على جلد الصباب اللى بيجى فى طقم الجوانات لان خامتة مش تمام وانما بنجيب جلد صباب فرنساوى وبندية للخراط او هو بيكون عندة عشان ما يعطلش على الزبون

يستحسن اما تيجى تستلم الوش من الخراط تخلية يختبرة ادامك والطريقة انة بيحط جاااااااااااز مش بنزين على الصبابات ونتركها لمدة كافية ونشوف لو فى ترشيح للصباب من عدمة يعنى كمية الجاز لازم ميحصلهاش اى فقد
وبكدة يبقى الوش بتعنا تمام التمام

البساتم

اولا ما فيش اى اعمال خراطة بتتم على البستم
لازم بالعين نشوف جسم البستم من برة هل فى خرابيش او مجارى نتيجة الاحتكاك او حتى فى جزء مكسور من البستم لان من المفروض ان جسم البستم من الخارج يكون بيلمع
كمان سطح البستم لازم يكون متساوى ومفهوش اى كسر

نيجى بقى لنقطة فى غاية الاهمية

مجارى الشنابر
احنا عمالين نتكلم ان المكنة عاوزة طقم شنبر وبتنفخ زيت والكلام دة ،،،،، طب انا اية ضمنلى ان الشنبر الجديد اللى هاركبة هايمنع الزيت المتسرب لغرفة الحريق ،،،، هاتقولى دة جديد ومش متاكل هارد عليك واؤلك طب ما يمكن مجرى الشنبر فى جسم البستم هى اللى متاكلة ومبوشة يعنى مهما حكمت الشنبر من جدار الشميز وفى بوش فى البستم نفسة هايخلى الزيت يتسرب لغرف الحريق
طب الحل اية ؟؟؟؟؟؟؟؟؟؟
هانسيب الحل شوية كدة ونتكلم على الشمايز
حاجة من اتنين اما اننا هانشغل البستم القديم ونعمل شميز جديد على البستم
او نجيب طقم بستم جديد زيرو 10 على اعتبار ان البستم القديم كان ستاندرد ونوسع فى الشمايز الموجودة
طب الحالة رقم 2 دى سهلة بستم جديد وطقم شنبر جديد نفس الزيرو او المقاس وهانوسع فى الشمايز الموجودة وخلصنا على كدة
طب لو هانشغل البساتم القديمة لانها سليمة ومش مكسرة ولا مجرحة وكان فيها بوش فى مجارى الشنابر وبالاخص شنبر الزيت !!!!!!ساعتها لازم نجيب فرش لشنبر الزيت ودة بيكون عبارة عن سلك زنبركى او سلك واخد شكل تمنيات وسبعات معرج السطح يعنى ووظيفتة انة بيخلى شنبر الزيت مضغوط لبرة شوية وبيملى البوش الموجود مكان شنبر الزيت

ودة الحل اللى اجلناة فى الفقرة السابقة

عاوزين بقى نشوف الشنبر اللى احنا اشترناة وطبعا بعد عمل شمايز جديدة او توسيع الشمايز الموجودة هل مناسب هلى محمل زيادة
بمنتهى البساطة نركب الشنبر ( واحد تلو الاخر) فى الشميز وعشان نضمن استواؤة بوش البستم ندخلة الى منتصف الشميز ونشوف الخلوص بتاع الشنبر كام ملى ومن هنا تقدر تحكم على الشنبر قبل التركيب مناسب من عدمة والخلوص بتاع الشنبر لا يجب ان يتعدى 0.5 ملم فى اى جزى من اجزاء الشميز من اول الشميز لاخرة ودة ترجع لمدى مهارة الخراط لازم الخلوص يكون واحد مفهوش اى اختلاف

وبكدة يبقى خلصنا اعمال اشمايز والبساتم والشنابر

الكرنك وكراسى التحميل والهلايل
طبعا احنا بنعمل عمرة كاملة واتفقنا ان الموتور بتعنا بيرزع
وزى ما انت مودى البلوك للخراط راكب فية الكرنك
بيتم فك الكرنك وعمل تجليخ ودة الاسم الصح للكرنك مش خراطة بيتم عمل تجليخ لاماكن البيلات وتجليخ لاماكن الكراسي طب السبيكة اللى راكبة ستاندر يبقى هانجلخ ونجيب سبيكة زيرو عشرة او على حسب التاكل الحادث فى ركب الكرنك ممكن الخراط يؤلك زيرو عشرة مش هاتنفع لان الكرنك فى تاكل كبير هاتلى زيرو عشرين ومالة ساعتها هاجيب طقم سبيكة بالمقاس المطلوب من الخراط لانى هاستلم شغلى منة واحسن سبايك موجودة هى سبايك المصانع الحربية اسمها سبيكة مصانع هاشتريهم واوديها للخراط وهو بيقوم بتجليخ الكرنك وبيركب الكراسي وبيقرط عليها انما ما يمنعش انك تعيد رباط على كراسي الكرنك للتاكد
وبتستلم منة الكرنك بيدور بمنتهى السلاسة على كراسية وما فيش اى خلوص بين الكرنك وبين الكراسي لان الهلايل راكبة فى مكانها بالمظبوط ومتريحة كل ما عليك تلف الكرنك لازم يكون زى الملبن حاجة كدة تستمتع بيها وبعد كدة هافك بايدى الكراسى تانى عشان انضف مجارى الزيت حد عارف مش يمكن فى مجارى مسدودة او شبة مسدودة مش بتوصل زيت للكراسي لا يا عم انا انضفها بالهواء بايدى احسن هو انا وراى حاجة

متهيالى كدة خلصنا جميع اعمال الخراطة للمكنة

التقفيل
اولا لازم كل مسمار فى الموتور يتغسل بالجاز غسلة محترمة اوى واى مسمار المخ بتاعة متاكل لازم يتغير واى مسمار السن بتاعة مفوت لازم يتغير وخلى جنبك علبة شحم ومزيتة
وعاوز اكرر تانى على النضافة لانها نقطة غاية فى الاهمية وتخلى فى ايدك فوطة صفرا نضيفة واى حاجة تشوفها تمسحها بالفوطة الصفرة اكنك موسوس بالظبط ولازم تشتغل على تزجة نضيفة اوى واوعى من التراب حتى اللى فى الجو

اول حاجة بتتقفل هى الكرنك بتجيب الكرنك وتركب الكراسى بتعتة واكيد حضرتك بالمسدس نضفت كل مجارى الزيت الموجودة فى البلوك وخصوصا مجارى الزيت المغذية لكراسي الكرنك بما اننا شغالين فيها دلوقتى

وطبعا وانت بتركب الكراسي لازم تديها زيت قبل التقفيل وانا بصراحة مش فاكر عددهم اما انهم 3 كراسي او 4 مش فاكر بصراحة وعاوزك بقى تربطهم رباط من نار طبعا بمفتاح لقمة وماسورة وتحرق عليهم بضمير اوى اوى

ركبنا كدة كراسي الكرنك والهلايل ولازم نختبر لف الكرنك بسهولة وسلاسة

تعالى بقى نركب البستم رقم 1 اللى اتفقنا انة من ناحية وش التقسيمة

طبعا البستم راكب فى ذراع البيل ونص السبيكة العلوى بالبيل راكبة وانا حاطط زيت على جدار الشميز وفى واحد معاك بيساعدك

هنركب شنبر الزيت وحلقتين الضغط وخلى بالك من اتجاة شنبر الضغط اما ان فى حرف بيكون لفوق او بايدك تشوف تجويف الشنبر هتلاقية لفوق عشان يضغط ولكن معظم الشنبر بيكون فى حرف هجائى ودة الدليل بتاعك انة لفوق

طب اتجاة فتحات الشنابر ازاى؟؟؟؟؟؟؟؟؟ دى نقطة غاية فى الاهمية والاجابة انها لازم تكون على شكل نجمة مرسيدس وبعيدة عن بنوز البيلات ،،،،،، حذارى انك تركب فتحة الشنبر اعلى بنز البيل ادامك محيط البستم كولة اختار اى مكان لكن يكون بعيد عن بنز البيل وتعمل نجمة علية بالشنبر اللى بعدة وشنبر الزيت

طبعا انت حطيت قليل من الزيت على جسم البستم وعلى البنز ،،،،، نجيب زرجينة البساتم ونركب فيها البستم ونخلى بالنا اوى من اتجاة البستم لو تفتكر السهم او اتجاة تجويف الصبابات وبضهر الشاكوش ندق دق مكتوم على سطح البستم لغاية اما يبقى فى النقطة الميتة العليا وزميلك اللى معاك يقابس مكان البيل على الكرنك وبعدها تربط سبيكة الكرنك وتقرط عليها من نار بالماسورة وباكد عليك الرباط يكون من نااااااااااااااار اوعى تتهاون او تخاف ان المسمار يفوت انا عندى يفوت احسن ما يهوى من الشغل وعادة بيكون فية وردة تحت المسمار بتعمل عمل التيلة عشان المسمار ما يفكش من اثر الشغل وبعد اتمام عملية الرباط نلف الكرنك لفتين تلاتة عشان نعرف ونضمن ان البست شغال فى الشميز بتاعة زى السكينة فى الحلاوة ،،،،،تذكر زى السكينة فى الحلاوة يعنى بدون مجهود فى الدوران وبدون صوت البستم لازم يطلع وينزل سلسل وبتناغم وتحس بية وانت بتلفة كدة وبنفس الطريقة هانسقط الـ 3 بساتم الباقيين
نفسي ربنا يبارك فى الوقت ونكمل تقفيل المكنة

دلوقتى ممكن نركب طلمبة الزيت عشان نقفل الكرتيرة لحسن رمل او تراب يدخل جوة المكنة

هاتقولى المكنة مش متزنة وعمالة تروح يمين وشمال منى ومش عارف امسكها اؤلك ومالة اتعب انت شوية وحاول تحطلها قرمة خشب من هنا ولا من هنا عشان تتزن انما اسيب المكنة معرضة للهوا لا!!!

تعالى بقى نركب وش السلندر

طبعا احنا جيبين طقم جوانات بس بصراحة مش تمام انا هاشترى جوان وش سلندر لوحدة عشان اللى بيجى فى الطقم مش برتحلة بصراحة

وعشان نقفل الجوان تمام لازم نديلة جوملكة عشان المياة ومش عاوز افكرك ان سطح البلوك من فوق بيبرق وما فيش اى رواسب لجوان وش السلندر القديم يعنى معمول بصنفرة ناعمة

خلاص ادينا جوملكة للجوان وللبلوك واتاكدنا ان جميع قلاووظات المسماير مفهاش جاز ومتنفضة بالهواء تعالى نحرر الـ 4 بساتم يعنى نخليهم مش فى النقطة الميتة العليا ونركب الوش بتعنا ونربط المسامير رباط خفيف ولما نبدا نقرط نقرط من المنتصف وللخارج بشكل حرف اكس

ممكن نركب الفولام على الكرنك بعد لما نركب اويل سيل الكرنك الخلفى ومش لازم تديلة جملكة بس تركبة صح اوعى يكون مش راكب كويس لحسن يجيب زيت ولو عاوز تديلة جوملكة يبقى من على المحيط الخارجى بتاعة طبعا هتحط الخابور مكانة وتركب الفولام وتربط مسامير الكرنك برباط من نااااااااااااااار بنفس طريق الفك اللى هى نص السبيكة القديمه وممنوع منعا باتا تلف الكرنك الا لما نركب سير الكاتينة

حط الاسطوانة وبعدين الدسك وبنظبط مركزية الاسطوانة بعامود دركت معرفش بقى هاتجيبة عندك ازاى

ونتقابل فى الفقرة الجاية بتقفيل الكاتينة

نبدا بتركيب طنبورة الكرنك الامامى بعد تركيب اويل سيل الكرنك الامامى هانحط الخابور مكانة ونركب الطنبورة ونربط المسمار بتعها ونربط بلية الشداد بس منحرقش عليها

هانظبط العلامة بتاعة الطنبورة على جسم البلوك عبارة عن شرط ببدن الطنبورة تقابل شرط على البلوك ونفس الطريقة زنبة ترس الكامة تقابل زنبة معدنية على الصاجة الخلفية لوش التقسيمة مدببة لاسفل نركب السير ونشدة عن طريق بلية الشداد ونختبر شد سير الكاتينة بالايد يكون عامل سوستة ولا مشدود اوى ولا مرخى اوى وممكن نقفل الوش البلاستيك الاصفر ،،،،، طب ما تيجى نسقط الاسبراتير بالمرة طالما احنا محررين البستم رقم 1 والطريقة سهلة اوى
نركب ترس الاسبراتير او اسمة ترس طلمبة الزيت والترس دة بيستمد حركتة الخارجية من عامود الكامات ومن الداخل يوجد مشرشر بيلفف طلمبة الزيت وعامود الاسبراتير
نجيب وش الاسبراتير ونحدد سلكة البوجية رقم واحد هتلاقيها مكتوبة على وش الاسبراتير (1 ) ونسقط الاسبراتير على الوضع دة واتجاة الشاكوش على سلكة البوجية رقم 1 ونربط المسمار المثبت للاسبراتير بس رباط بالايد مش بالمفتاح

تقفيل ادوات التغذية

طبعا اى حاجة بتركب فى البلوك بتتقفل بجملكة
هانركب طلمبة المياة
طلمبة البنزين
الاسبراتير خلاص ركبناة
المانيفولد
الكربراتير
وممكن ندور المكنة على الارض دلوقتى لالااختبار او للتلين بعد تركيب دورة المياة ردياتير وخراطيم سحب وطرد
وطبعا المارش بس هانشيلة تانى اما نيجى نسقط المكنة فى الحوض
مش لازم نركب الشكمان فى عملية التليين
واحنا بنليين لازم نختار اوقات اليل ووش العربية للبحرى
اثناء التليين لازم جركن مية جنبك وكل شوية تزود الردياتير
بنليين ببنزين 80 افضل
فى بداية التليين ندور ربع ساعة ونبطل نص ساعة لغاية اما الموتور يدور بانتظام وسلاسة
لو عملنا عمرة كاملة مش اقل من صفحتين بنزين للتلين على الواقف
وبعدها مشوار على طريق مفتوح ليلا مش اقل من 200 كم
نظبط تاكيهات قبل التدوير
نعيد رباط وش السلندر بعد 1000 كم مع ظبط تاكيهات
فى النهاية اتمنى اكون افادتك وتقبل اسفى لعدم تنسيق الموضوع ولردائة الاسلوب بس والله حاولت اتكلم بالفصحى بس معرفتش عشان الوقت
واى سؤال تحت امرك
واسف للصور حاولت اجبها بس لقتها هتاخد وقت كبير لكن بامر الله اى حد من الاخوة الاعضاء ممكن يفدنا كلنا بيها
من اشهر مواضيع mr_astra في مصرموتورز


تجديد سمكرة ودهان السيارات
MasrMotors Application
ــــــــــــــــــــــــــــــــــــــــــــــــــــــــــــــــــــــــ
__________________
يااااااااااااا رب

إرحمنا بقدرتك علينا

mr_astra غير متواجد حالياً   رد مع اقتباس

قديم 29-01-2013, 01:48 AM   #4
saleh samir
 
تاريخ التسجيل: Jan 2013
مكانى : القاهرة
التخصص العملى : طالب بكلية الهندسة جامعة الازهر
الخبرات: طالب بقسم الهندسة المدنية
المشاركات: 121
شكراً: 19
تم شكره 3 مرة في مشاركة واحدة
بروفايل saleh samir's Profile   البومات صور saleh samir's Photo Album   اضف saleh samirالى قائمة اصدقائك   جروبات
saleh samir will become famous soon enoughsaleh samir will become famous soon enough
افتراضي رد: وش السلندر

اولا انا متشكر لحضرتك mr astra بس حضرتك صدمتنى بالموضوع الكبير جدا جدا ده طبعا انا اخدت منه الجزء اللى انا عايزه وقرأت الباقى

بص انا هقول لحضرتك انا عايز اعمل ايه الظبط انا عايز اعمل الموضوع بتاع تحسين الاداء وتقليل استهلاك البنزين بتاع المخترع الهندى سومندر وانا عندى خبرة متوسطة ف ميكانيكا السيارات وأقدر اتعامل فهل اروح لميكانيكى يفك ويركب ولا انا احاول اعملها ولو الدنيا عكت اخلى الميكانيكى يساعدنى !! وايه رأى حضرتك ف الفكرة اجمالاً

وآسف للاطالة
من اشهر مواضيع saleh samir في مصرموتورز


تجديد سمكرة ودهان السيارات
MasrMotors Application
ــــــــــــــــــــــــــــــــــــــــــــــــــــــــــــــــــــــــ
saleh samir غير متواجد حالياً   رد مع اقتباس

قديم 29-01-2013, 08:55 AM   #5
amr elsisi 1

 
الصورة الرمزية amr elsisi 1
 
تاريخ التسجيل: Oct 2011
مكانى : الاسكندرية
التخصص العملى : مفتش صيانة
الخبرات: هندسة ميكانيكية
المشاركات: 2,360
شكراً: 417
تم شكره 580 مرة في 284 مشاركة
بروفايل amr elsisi 1's Profile   البومات صور amr elsisi 1's Photo Album   اضف amr elsisi 1الى قائمة اصدقائك   جروبات
amr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond reputeamr elsisi 1 has a reputation beyond repute
افتراضي رد: وش السلندر

mr_astra
من اشهر مواضيع amr elsisi 1 في مصرموتورز


تجديد سمكرة ودهان السيارات
MasrMotors Application
ــــــــــــــــــــــــــــــــــــــــــــــــــــــــــــــــــــــــ
__________________
]من اهم مواضيعي المصورة
http://masrmotors.com/vb/showthread.php?t=90049 (كيف تتعرف علي قدرة المحرك)
http://masrmotors.com/vb/showthread.php?t=111175 (كيف تعتني بدورة التبريد)
http://www.masrmotors.com/vb/showthread.php?t=124669(شرح دورة الوقود وتنظيف الرشاشات)

{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
amr elsisi 1 غير متواجد حالياً   رد مع اقتباس

قديم 29-01-2013, 11:28 AM   #6
mr_astra

 
الصورة الرمزية mr_astra
 
تاريخ التسجيل: Oct 2010
المشاركات: 6,248
شكراً: 1,073
تم شكره 1,389 مرة في 752 مشاركة
بروفايل mr_astra's Profile   البومات صور mr_astra's Photo Album   اضف mr_astraالى قائمة اصدقائك   جروبات
mr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond repute
افتراضي رد: وش السلندر

فكرة الراجل الهندى روعة
وانا فى شهر 4 2012 عملت موضوع عن الفكرة على الرابط التالى

http://masrmotors.com/vb/showthread.php?t=83910

واستاذنا CARS ADMIRE اثرى الموضوع بتفاصيل وفديوهات اكتر

بخصوص حضرتك اللى تفكة او لاترجعلك انت لانى معرفش امكانياتك اية
لكن لو عاوز تفكة وتركبة
احنا معاك بامر الله لو فى سؤال او حاجة
هى القصة بس فى سير الكاتينة
من اشهر مواضيع mr_astra في مصرموتورز


تجديد سمكرة ودهان السيارات
MasrMotors Application
ــــــــــــــــــــــــــــــــــــــــــــــــــــــــــــــــــــــــ
__________________
يااااااااااااا رب

إرحمنا بقدرتك علينا

mr_astra غير متواجد حالياً   رد مع اقتباس

قديم 30-01-2013, 01:07 AM   #7
saleh samir
 
تاريخ التسجيل: Jan 2013
مكانى : القاهرة
التخصص العملى : طالب بكلية الهندسة جامعة الازهر
الخبرات: طالب بقسم الهندسة المدنية
المشاركات: 121
شكراً: 19
تم شكره 3 مرة في مشاركة واحدة
بروفايل saleh samir's Profile   البومات صور saleh samir's Photo Album   اضف saleh samirالى قائمة اصدقائك   جروبات
saleh samir will become famous soon enoughsaleh samir will become famous soon enough
افتراضي رد: وش السلندر

شكرا لحضرتك جدا ع الاهتمام .. mr astra وسير الكاتينة غالبا هيبقى صعب اظبطه زى الميكانيكى لأنى شفته وهوا بيركبو .. المهم انا قررت أأجل الموضوع ده شويتين لحد ما اعرف كل حاجة عنه
من اشهر مواضيع saleh samir في مصرموتورز


تجديد سمكرة ودهان السيارات
MasrMotors Application
ــــــــــــــــــــــــــــــــــــــــــــــــــــــــــــــــــــــــ
saleh samir غير متواجد حالياً   رد مع اقتباس

إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
خرط وش السلندر (هل هو بدعة مصرية)؟؟؟ mohsenking30 ميكانيكا السيارة 3 25-12-2013 07:27 PM
الي خبراء وش السلندر...افيدوني tarek_sayed ميكانيكا السيارة 1 03-03-2012 11:54 PM
تلف جوان وش السلندر علي لادا douha_nour منتدى الصيانة العام 13 11-06-2011 10:39 AM
وش السلندر نادي ربيع بيجو PEUGEOT 3 17-07-2010 04:53 AM
جوان وش السلندر MMIBRAHIM ميكانيكا السيارة 1 14-02-2010 10:22 AM

eplusWeb Solutions

الساعة الآن 07:22 PM.


Powered by vBulletin® Copyright ©2000 - 2014, Jelsoft Enterprises Ltd.
www.MasrMotors.com ™ Copyright ©2008 - 2014
Egyptian Automotive Community
جميع الاراء والتعليقات الواردة بالموقع تعبر عن آراء أصحابها فقط