بوكس شرطة يسير عكسي على الدائري وبنت الظابط تتوعد من قام بالتصوير

[mody112]

في تحدي جديد للقانون ومتابعة الانفلات الامني في مصر قام بوكس شرطة بالسير عكسي من مطلع طريق الميثاق بجوار اكاديمية الشرطة وعندما قام احد المواطنين بتصوير الواقعة قامت من تستقل البوكس بالنزول وتهديد وتوعد من قام بتصوير المخالفة واخذت بيانات سيارته للتصرف معه عن طريق والدها الظابط كما روي شاهد العيان بالواقعة رسالة لوزير الداخلية ومدير الادارة العامة للمرور اما من نهاية لهذا الانفلات الذي نعيشه يويما وبواسطة ابناء رعاة القانون في مصر ؟؟ الواقعة تناقلتها كل صفحات التي تهتم بالسيارات والطرق في مصر وعلى راسها نايل موتورز على موقع التواصل لاجتماعي (الفيس بوك) واليكم نص اخبر كما كتبه شاهد العيان : ------------------- حصل معايا النهارده : النهارده الصبح ( 18 ديسمبر 2012 ) شوفت بوكس الشرطه ده الساعه 8 و نص الصبح بالضبط في مطلع الدائري من شارع الميثاق , مدينة نصر , امام اكاديمية الشرطه , و كان راكب فيها بنت عرفت بعد كده انها بنت حضرة الضابط , البنت لما اخدت بالها اني صورتها و صورت العربيه و نمرتها نزلت و جت لحد عندي و خبطتلي علي ازاز العربيه بعنف و كانت هاتكسره , و قالتلي بتصور ايه , قولتلها بصور انتهاك للقانون عشان ابلغ الجهات المسؤوله , قالتلي : عاملي ثورجي حضرتك , دي عربية ( ابويا ) ايو والله قالتلي عربية ابويا , و فيها ايه لما العسكري يوصلني و يرجع تاني , و انا هاوريك انا هاعمل فيك ايه , و اخدت نمرة عربيتي , الحقيقه انا مش بعرف اتخانق و هي شتمتني كتير و انا ماردتش , هانفضل لحد امتي نشوف الحاجات دي في شوارعنا , ده بلاغ للسيد وزير الداخليه , و نمرة العربيه واضحه في الصوره , ( ب 17 - 3277) ارجوكم شير في كل مكان , يا سيادة الوزير ارجوك تتخذ الاجراء القانوني الصحيح , و اذا جرالي حاجه بسبب اللي انا عملته ده ارجوكم تقفوا جنبي تحيا مصر ملحوظة هامة : --------------- البنت مش هي اللي كانت سايقه طبعا , العسكري هو اللي كان سايق , و الصورة معكوسه عشان صورتها من مراية العربيه

[screamseko]

البوكس مكانش ماشي عكس
بدليل انه متصور من مراية الجمب
كل المخالفه ان البت كانت راكبه في البوكس وده مخالف

وده التفاصيل بالصور
http://masrmotors.com/vb/showpost.ph...9&postcount=43

[mody112]

المشاركة الأصلية كتبت بواسطة screamseko البوكس مكانش ماشي عكس بدليل انه متصور من مراية الجمب كل المخالفه ان البت كانت راكبه في البوكس وده مخالف وده التفاصيل بالصور http://masrmotors.com/vb/showpost.ph...9&postcount=43

فعلا الصورة موضحة انه مش ماشى عكس ولا حاجة . انا الخبر بتاعى كان من غير صورة عشان كده نقلته ولكن لو كان بصورة كنت اكيد منقلتوش شكرا للتوضيح

[sherifabden]

ولا تقدر تعمل حاجة
دا اذا كانت الشرطة مش عارفة تلم البلطجية بتوع ابن الامريكانية اللي قدام الدستورية