غموض يحوم حول ابوالفتوح .. بخصوص ال M11

[embaby]

بعد حيرة طويلة ومقارنات ووجع دماغ وافكر في المستعمل شوية وبعدين اخاف ارجع افكر في الجديد افكر في الفيرنا وشوية وارجع لل M11 شوية وناس تقولي سيبك من الصيني افكر في اللانوس شوية وارجع تاني لل M11 شوية وافكر في البريليانس FSV واحجزها والناس تخوفني من التوكيل وقطع الغيار ارجع تاني لل M11 واخيرا اقرر اني اروح احجزها وقرار نهائي بجد وعن اقتناع

الاقي توكيل ابو الفتوح بيقول العربية مش موجودة ولا هي ولا ال M12 ,وعلى اول السنة 2013 هانعرف موقفها ايه ... واللي هايجنني انها مش موجودة عند اي موزع نهائي .. وفي موزع قالي انه هايستلم دفعه موديل 2013 يوم 11/11/2012 قولت ماشي اخدها منه رغم انه مغلي سعرها
اجي اكلمه في اليوم اللي قالي عليه يقولي العربية مش موجودة حضرتك هاتحجزها واحنا هانجيبهالك ومزود في سعرها اكتر

ياترى
خلاص ال M11 انتهت في مصر ولا ابو الفتوح ناوي يفاجئنا بحاجة جديدة ولا ناوي يصفي ويخلع من البلد ولا في ايه حد يفهمني في ايه بالظبط

ياريت لو في حد من التوكيل يفهمنا

[د/محمود عبدالمقصود]

في ناس بتشتكي من ابو الفتوح في الفترة الاخيرة و غالبا بيتوقعوا ناه يصفي و يخلع طبعا لأن الصيني عربيات ورق و سيئه للغايه و مش اعتماديه خالص و الاماااان فيها ضايع احسن لك اشتري بالسعر دهع لوجان اوتوماتيك او بروتون ساجا اوتوماتيك 2012 و الاتنين فيهم ايرباج واحد و بالتوفيق

[سيمون شحاتة]

يا سيدى الفاضل انا حاجز M11 من اخر سبتمبر على أساس انى استلم بعدها بأسبوع لكن طبعا ماحصلش و لفيت و دورت كتير على كل فروع ابو الفتوح و كمان الموزعين.
ده انا وصلت لنمرة المصنع كمان الى هى تعتبر من الأسرار.
فى الأخر وصلت لمعلومه ان كل انتاج المصنع من M11 و M12 حيتم تصديره بالكامل لغاية اخر السنه علشان كده اختفى من السوق خالص و لو الى اشترى منهم العربيات دى بره مصر قدر يصرفها كلها فى الأغلب حيكمل شراهم بعد كده كمان.
المصنع شغال و زى الفل و لا حيهرب بره مصر و لا حاجه لو عايز تيجو او A113 أو 516 موجودين و متوفرين لكن العين بقى على الحلوين M11 و M12.
علشان كده انا وفرت على نفسى و روحت حجزت Gelly Emgrand الجديده بعد ما اقتنعت بيها.
و ربنا يوفقك:THUMB_~ 112:

[osa92003]

المشاركة الأصلية كتبت بواسطة د/محمود عبدالمقصود في ناس بتشتكي من ابو الفتوح في الفترة الاخيرة و غالبا بيتوقعوا ناه يصفي و يخلع طبعا لأن الصيني عربيات ورق و سيئه للغايه و مش اعتماديه خالص و الاماااان فيها ضايع احسن لك اشتري بالسعر دهع لوجان اوتوماتيك او بروتون ساجا اوتوماتيك 2012 و الاتنين فيهم ايرباج واحد و بالتوفيق

تصدق والله كلامك صح بدليل ان ابو الفتوح بياع اكتر من 40 الف عربيه اسبرنزا والتيجو مركز اول مبيعات فى فئه SUV وغبور راح اتعاقد مع شركه جيلى الصينيه لانتاج عربيه فى مصر اللى خدت 4 نجوم فى اختبار الامان الاوربى واشترت شركه فولفو السويديه .............. والله ضحكتنى فعلا العربيات الصينى دى وحشه اوى اوى

[embaby]

المشاركة الأصلية كتبت بواسطة سيمون شحاتة يا سيدى الفاضل انا حاجز M11 من اخر سبتمبر على أساس انى استلم بعدها بأسبوع لكن طبعا ماحصلش و لفيت و دورت كتير على كل فروع ابو الفتوح و كمان الموزعين. ده انا وصلت لنمرة المصنع كمان الى هى تعتبر من الأسرار. فى الأخر وصلت لمعلومه ان كل انتاج المصنع من M11 و M12 حيتم تصديره بالكامل لغاية اخر السنه علشان كده اختفى من السوق خالص و لو الى اشترى منهم العربيات دى بره مصر قدر يصرفها كلها فى الأغلب حيكمل شراهم بعد كده كمان. المصنع شغال و زى الفل و لا حيهرب بره مصر و لا حاجه لو عايز تيجو او A113 أو 516 موجودين و متوفرين لكن العين بقى على الحلوين M11 و M12. علشان كده انا وفرت على نفسى و روحت حجزت Gelly Emgrand الجديده بعد ما اقتنعت بيها. و ربنا يوفقك:THUMB_~ 112:

شكرا جدا لمرورك
بس معلومة التصدير دي انت متأكد منها؟

طب ايه حكاية الموزعين اللي بيقولوا نسلمك العربية خلال اسبوع عشان في دفعة جديدة هايستلموها

ولو فعلا ابو الفتوح ناوي يصدر كان الموضوع ده اتنشر في وسائل الاعلام
وبرده ماكانش يقفلها كده على الموزعين والعملاء اللي عايزين يحجزوا عنده

بالنسبة ال gelly Emgrand سعرها كام وحجزتها فين وهاتستلمها امتى عشان انا ممكن افكر فيها