العودة   مصر موتورز مجتمع السيارات > السيارات الأوروبية > سكودا skoda

سكودا skoda اسكودا Škoda بداءت كشركة تشيكية منذ عام 1895 على يد شريكين لورينما وكليمنت وهى حاليا احدى شركات مجموعة فولكس الالمانية من اهم موديلات سكودا اوكتافيا فابيا رومستر


إضافة رد
 
أدوات الموضوع
  #1  
قديم 02-11-2012, 05:50 PM
msr1192 msr1192 غير متواجد حالياً
من انا؟: موظف
التخصص العملى: اداري
هواياتي: الكمبيوتر والسيارات
 
تاريخ التسجيل: Sep 2010
الموقع: القاهرة - المطرية
المشاركات: 168
msr1192 is a name known to allmsr1192 is a name known to allmsr1192 is a name known to allmsr1192 is a name known to allmsr1192 is a name known to allmsr1192 is a name known to all
افتراضي مركز الشرقية لصيانة الاسكودا

الحكاية بدات بأني مش لاقى ميكانيكى كويس للفابيا بتاعتى لسة شاريها مستعمله وعشان امشى مطمن قولت اغير زيت وفلاتر المهم لفيت وملقيتش وفية ناس قالتلي على ميكانيكية شغالين فيها بس اللى في الجيزة واللى في المعادي وكدة
انا كنت عامل حسابي هاروح لورشة محمد سمير اللى شارع الاربعين وبالفعل روحت هناك وعرفت انه ما بيجيش اساسا الورشة وشغال في فرع تاني المهم بصراحة معاملة الناس هناك مكنتش قد كدة (لكن الحق محمد سمير كنت اتصلت بيه قبل كدة في استشارة والراجل كان في قمة الزوق والتعاون)
المهم قولت اجيب الحاجات الاول ولو لقيتها صعبة ابقى ادور على ميكانيكى وانا بشتري الحاجة من دير الملاك لقيت صنايعي هناك قالي اغيرهملك سالت الناس اللى حوالية قالولى كويس
ماشي
غيرنا الحجات وبالمرة طقم بوجيهات
العربية تمام ولكن المية بتقل كل يومين او تلات ايام وبالصدف وانا ماشي القي واحد معاه فابيا اساله يقوللى فعلا المية بتنقص كل ثلاثة ايام قولت اصبر على النقطة دي لغاية ما افضالها عشان بردة مش مقتنع
بعد حوالى اسبوع لقيت العربية بتنتش وتلت قولت هارح تاني اجيب طقم بوجيهات ب70 جنية وارميهم في الارض طب ما اروح التوكيل هايركبهملى ب100 او 120 بس هايكونو مضمونين
روحت التوكيل بدير الملاك قالولى لازم تجيب دفتر الضمان ولو مش احنا اللى متابعينها من الاول مش هاينفع تدخل طب الحل قالولى دي ورقة بمراكز الصيانة المعتمدة التابعة لينا وهما بيقبلوا اي صيانة ماشي افضلهم قالي انت ساكن فين قولتلة المطرية قالي يبقى النزهة
وانا ماشي من عندة مروح لقيت العربية اديتنى انزار المياة ركنت بسرعة وفتحت الكبوت لقيت المروحة بتاعت الريداتير مش شغالة روحت طافي العربية واستنيت لغاية ما بردت وروح مدور وزوت مياه ومشيت لغاية ما وصلت مكانتش لحقت تسخن تاني
اتصل بالمركز وحددت ميعاد وسالت على الاسعار الاول عشان دي اول مرة ادخل فيها توكيل
روحت المركز بتاع الشركة الشرقية بشارع جوزيف تيتو(شارع المطار) ماشي من البيت حوالى الساعه 6 صباحا وانا معادي معاهم 9 عشان لما تسخن اركن لغاية ما تبرد
المهم روحت ودخلت العربية وهوه بياخد البيانات سالنى هتعمل اية قولته عايو اغير البوجيهات وتكشفلي على دورة المياة ومروحة الريداتير مش بتشتغل والدبرياج عايزة يوطى (مكنتش اعرف انه ما بيوطاش) المهم كتب البوجيهات وراح كاتب بند جنبها كشف على الموتور وقفته وقولتله انا مش عايز اكشف على الموتور انا جاي اغير بوجيهات بس الموتور مفهوش حاجة قالي لا عادي ما الاثنين بند واحد
قولتهلة خالي بالك العربية دلوقتى ممكن ما يبقاش فيها ميه قالي احنا فاهمين شغلنا
المهم الاستراحة بتاعتهم من فوق تبقى شايف العربيات تحتك طلعت وعينى مش بتفارق العربية جة السيد الاستاذ المهندس الكومندا الصنايعى الحمار عملى قنصلتو هوه وحبة شباب التخين فيهم تشوفه تقول دي بيعرف يفك الخط مش مهم المهم الصنعة
وقفوا قدام العربية شوية وبعدين راح مدور العربية زود بنزبن وبعدين راح طافيها ومشفتوش تاني
كل ربع ساعه واحد منهم معدى يروح راكب العربية ومدورها ويحرقله شوية بنزين ويطفى وينزل (ما هي اللعبة اللى جابتهاله امه) لاما لقيت الوضع كدة نزلت للى استلم من العربية قولته بيحصل كذا وكذا وانا دلوقتى متاكد ان العربية مبقاش فيها مية
رد عليا وقالى احنا عارفيت شغلنا
طب دلوقتى اية اللى بيحصل فيها قالي احنا موصلين جهاز كبس المياة عشان نعرف الميه بتنقص منين(التسريب) سيبتة وطلعت ومن فوق بصيت على الكبوت ملقتش اي حاجة متوصلة نزلتله تاني مفيش يابنى ادم حاجة
قالى احنا موصلينه من تحت (بصراحة كنت عايز اقولة كلمة وسخة خصوصا انه تختين شوية ) المهم طلعت واستنيت شوية لقيتة بيشاورلى نزلت قالي العربية جايبة جوان وش سلندر
طبعا اتخضيت واتصدمت وشتمت ولعنت وسبيت ازاي يا حمار
قاللى اتفضل شوف ووراني غطا الزين مطحن طب انا يا بهايم جاي بالعربية سليمة تعملولى كدة
وكان الرد يعني احنا اللى بوظناها يعنى احنا اللى خربنا طبعا شتيمة وقلت ادب
وبرضة هما ما بوظوش حاجة طب الحل قاللي هنفك الموتور ونبص ونشوف ايه اللى محتاجة
عشان بدات افهم بقى وساخة التوكيل قولتله بكام الفك ووالتركيب رد قالي 500 فك فقط وبعدين لو جوان بس هتاخد الموتور تروح لخراط وبعدين تيجى نقفلهولك قولتله وايه الفرق بينكو وبين الميكانيكى العادي هوه مش كل حاجة بتخلص هنا رد عليا وقالي احنا معندناش مخرطة
ماشي يعنى الليله كلها بقت 500 جنية قالي انشاء الله وبعدين نبص على الجوان
اخويا ساعتها فهم اسرع منى قالة هوه دلوقتى بيسالك الليله كلها بكام متردش تقوله ده بكذا رد عدل قاله الفك لوحدة 500 والجوان 560 ولو في حاجة تانية هنشوف حسابها كام
بصراحة اللفظ الاعتراضي الشعبي كان واقف في زورى
قولته خرجلي العربية مش هاعمل حاجة
المهم تمن الكشف ال60 جنية راحوا عليا كمان وانا ماشي باخد تصريح خروج بيديلك الموظف استبيان تكتب فية رايك روحت مكدبتش خبر وكاتب كل ما لز وطاب وانا بكتب لقيت الحمار اللى خد منى العربية كان واقف ورايا وبيشوف انا بكتب اية وانا مش واخد بالي راح بيقولى اللى انت كاتبة دي يابية والله مارديت علية الى بكلمة واحدة بيه بعد كل الشتايم دي دانتو عالم باردة
راح يرد عليا برضة اية لازمة اللى انت كاتبة قولتلة انت بوظتلى عربيتى ومختش منكو تمن تصليحها ومش عاجبك كمان اقول رايي وسيبتة ومشيت
ملحوظة مهمة(ربنا رزقنى بميكانيكى شاطر المهم لما فتحنا الموتور اللى انا اعرفة لما الموتور يبقى ماشي ويجيب جوان الوش بيفقع لاكن لما فتحنا لقينا الوش والله كانة جديد لدرجة ان الميكانيكي قالى ودية للخراط قولة يشوف هوه محتاج اية عشان انا بصراحة مش شايف فية حاجة )
العربية الحمد لله شبة خلصت ومن يومين لقيت الشركة بتتصل بيا وبتستفسر عن اللى جرى حكيت كل حاجة وبيتابعوا معايا الموضوع وطبعا الحمير اللى هناك قاللهم ان انا جاي بالعربية بايظة لكن اللى مثبت كلامى ان الحجز اللى قبليها مذكور فية العيوب اللى جاي اعملها وانا واثق انها في الاخر هتوصل لاحنا اسفين لانها بتقولى ليه مطلعتتش للمدير ولا زعقت قلتلها دا المطار سمع صوتى يبقى المدير مسمعش ربنا يعوض علينا
انا حبيت انقل التجربة عشان لاقدر الله محدش يقع مع العالم البهايم دول وحسبي الله ونعم الوكيل
__________________

رد مع اقتباس
  #2  
قديم 03-11-2012, 09:25 AM
الصورة الرمزية sayif
sayif sayif غير متواجد حالياً
التخصص العملى: IT -Information Technology
هواياتي: Auto & Technology
 
تاريخ التسجيل: Jun 2012
الموقع: Iraq-العراق
المشاركات: 1,467
sayif has a reputation beyond reputesayif has a reputation beyond reputesayif has a reputation beyond reputesayif has a reputation beyond reputesayif has a reputation beyond reputesayif has a reputation beyond reputesayif has a reputation beyond reputesayif has a reputation beyond reputesayif has a reputation beyond reputesayif has a reputation beyond reputesayif has a reputation beyond repute
افتراضي رد: مركز الشرقية لصيانة الاسكودا

السلام عليكم

كان اللة في عونك على هذة المشكلة

عزيز مية الردايتر في الفابيا تكون من نوع G12 وهو نفس المستخدم مع سيارات فولكس واجن ويحتاج الى

تخفيف الكمية بحدود 7 لترات بين سائل التبريد المركز زماء مقطر

الان تحتاج الى فحص دور التبريد مثل الردايتر وطلمبة المية قبل اضافة سائل التبريد

مشكلة الاسكودا فابيا 1400 سي سي ان محركها هو نفس محرك الفليشيا بكافة عيوبية مع تطويرة من قبل شركة

بورش الالمانية ولذا هو يحتاج الى قدرة تبريد عالية حتى لاتحدث مشكلة جوان وش السلندر

بعض موديلات الفابيا يكون ماء الردايتر ازرق ويكون كود الماء هو G11 معرفة ذلك عن طريق رقم الشاسية

والاتصال بالتوكيل لمعرفة نوع مية الردايتر


اطيب تحية

سيف

العراق
رد مع اقتباس
إضافة رد

الكلمات الدليلية
سكودا فابيا

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:58 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017