|
#1
02-11-2012, 03:41 PM
|
||||
|
||||
حاجات غريبه في الماروتي! لازم نعرف بتاعة ايه
السلام عليكم ورحمة الله وبركاته انا من حوالي عشرة ايام كنت فاكك التبلوه عندي علشان ازود العزل بتاع الماروتي بتعتي.لقيت جهازين شكلهم غريب وحجمهم صغير واحد مكتوب عليه controller assy fuel  مكانه تحت الدركسيون علي طول وواحد تاني مكتوب عليه noise filter  ومكانه تحت التبلوه في النص مكان الدفيره الكهرباء وهيا خارجه للماتور وكمان لقيت فيشه في الضفيره مش واصل فيها حاجه  في الدفيره وهيا خارجه من القائم الشمال بتاع باب السواق وبصراحه ده مش عارف رايحه فين  وفيه خرطوم ابيض شكله بتاع هواء وكمان فيه علبه بلاستيك ورا في الشنه تحت الرفرف الشمال فوق زور التنك طالع منها خرطيم رايحه فين جايه منين مش عارف يا ريت لو حد عنده اي معلومات عان الحاجات ده يقولنا عليها خاصة ان مفيش اي معلومه مكوبها عليهم في الكتالوج بتاع السياره ارجو اني مكنش طولت عليكم
__________________
 
|
|
#2
02-11-2012, 05:33 PM
|
||||
|
||||
|
رد: حاجات غريبه في الماروتي! لازم نعرف بتاعة ايه
الجزء الأول (Controller Assy Fuel) خاص بالتحكم نظام الوقود في حالة لو مركب موتور إنجكشن ومعاه طلمبة بنزين كهرباء
والجزء التاني (Noise Filter) ده علشان التشويش اللي بيعمله الموتور على عمل الأجزاء الإلكترونية زي الراديو وكارتات الكمبيوتر في المواتير الإنجكشن الجزء التالت (الفيشة في القايم) استخدامها يعتمد على حسب الأسلاك المتوصلة عليها، بس أتوقع تكون بتاعة سخانات الكراسي في الشتا طبعا اللي أنا بقوله ده مش موجود طبعا في أي ماروتي في مصر... بس دايما العربيات الياباني بتركب أجزاء زي دي وبتوحدها في الموديل الواحد .. إنما الموتور هو اللي بيتغير حسب الطلب بالنسبة للضفاير برضو بتتوحد بدون وضع الأوبشنز اللي حتركب في الاعتبار. في الكريسيدا اللي كانت معايا (موديل 82) كان فيها جزء مكتوب عليه (Fuel Injection) في علبة الفيوزات... مع إن عربيتي كانت كربيراتير... بس كان بينزل عليها موتور ديزل (إنجكشن) في أسواق أوروبا. كده لو حضرتك فكرت تركب موتور إنجكشن أو حتى تركب كارتة كمبيوتر يبقى ماعندكش مشاكل  ...
__________________
Ahmed Al-Bora'ie Trust me, I'm an engineer من مواضيعي المميزة عربية تقيلة ولا خفيفة؟؟؟ طبعا الخفيفة أحسن عربية على شاسيه ولا على علب؟؟؟ اتعرف على طرق بناء السيارات قواعد اختيار زيت الموتور.. إزاي تعرف الزيت المناسب؟؟؟ عايز تشتري عربية ومحتار؟؟؟؟ تعالى أقوللك إزاي تختار الفرق بين تكييف السيارات القديمة والحديثة والمنزل 30 نصيحة للتوفير في الوقود عايز تزود كفاءة التكييف؟؟؟ ثرموستات الكوعة.... المفترى عليه
|
|
#3
02-11-2012, 05:42 PM
|
||||
|
||||
|
رد: حاجات غريبه في الماروتي! لازم نعرف بتاعة ايه
مهندس borio1704 اشكرك علي سرعة ردك
انا اول ما قرأت الكلام فرحت اوي قولت ايه ده انا عربيتي متطوره للغايه هههههههههههههههههه بس انت كده فهمتني الحاجات ده بتاعه ايه علشان لوحصل خلل في العربيه اكون عارف وظيفهه كل جزء لاني اول مره اشوف الحاجات ده وواضح انها مبتتغيرش لانها في مكان مستخبي جوا التبلوه اشكرك مره اخري علي التوضيح
__________________
|
|
#5
04-11-2012, 02:36 PM
|
||||
|
||||
|
رد: حاجات غريبه في الماروتي! لازم نعرف بتاعة ايه
السلام عليكم
حبيب الناس هل تم تغيير الضفيره من قبل ممكن تكون راكب ضفيره استيراد لأن في الخارج اصحاب التوكيلات بيحترمو الناس وبينزلو العربيات غير عندنا اهم حاجه الي داخل في جيوبهم وبس ومعلومه للأستاذ محمود انا لم اجد في اي سياره مانوال مقياس زيت فتيس غير في الماروتي  وتقبل مروري والله المستعان
__________________
   صل اللهم على خير الأولين والآخرين وعلى آله الطيبين الطاهرين واصحابه الغر الميامين ومن تبع هديه إلى يوم الدين  سبحان الله وبحمده سبحان الله العظيم ربي اغفر لي وتب علي إنك انت التواب الغفور لا إله إلا أنت سبحانك إني كنت من الظالمين
|
 |
|
|
