اعلانات مضللة ....

[الكردي2000]

من فترة يا جماعة وانا ملاحظ ان في اعلانات كتير علي المنتدي بشكل غير مباشر سواء عن سلع أوكماليات للسيارة او عن سيارة معينة نازلة جديدة تلاقي واحد كاتب اشعار في العربية وهي لسة اساسا مانزلتش علي الارض وبعدين تلاقي واحد تاني يدخل يشكر في كلام الاولاني ويكمل باقي الشعر والعزف المنفرد اللي الاولاني مقالوش وبعدين يدخل واحد تالت ورابع يشكروا في قطع الغيار اللي بردة احنا لسة مش عارفين عنها حاجة , وكمان يشكر في الوكيل اللي احنا بقا عارفينوة وعارفين ملعيبة اساسا لانة مش جديد علي السوق وهو اساسا مشيب العملاء اللي معاة من قبل كدة في ماركات تانية , فبصراحة مش عارف دة طريقة جديدة للاعلان بشكل غير مباشر ولا اية ؟؟
يا تري حد خد بالة من الاعلانات دة ولا أنا اللي بيتهيألي ؟؟؟

[ahany]

ياريت لو ترفق لنك الاعلانات

[الكردي2000]

المشاركة الأصلية كتبت بواسطة ahany ياريت لو ترفق لنك الاعلانات

والله يا باشا انا فكرت في كدة وبعدين رجعت قولت لأ اسيب الناس هي اللي تقول علشان تأكد شكوكي أو تنفيها

[AbOnOrA]

ياريت لو فيه حاجة كده تبعتلنا بيها علشان ديه الايجابية اللى متعودين نتعامل بيها دايماً ولو حتى مش عايز على العام ممكن تبعتلى على الخاص
اذا كنا احنا كإدارة بنلزم اللى بيعمل اعلان بفلوس انه ميكونش مضلل وبنخليه يوافق على قائمة من الاشتراطات فمن باب اولى لما عضو يحس ان فيه تضليل من اى نوع لازم يبلغ

حتى لو مش اعلان ساعات فيه اعضاء بيبقو متحمسين بزيادة للعربيات الجديدة وبرضو ده لازم يكون التعامل معاه بايجابية ونرد عليهم ونوضح للناس الحقيقه

[الكردي2000]

الاعلانات بتاعة اميجراند 7 والجاك , اللي كاتبها بيعلن عنها مش واحد حجز وهيشتري , وممكن حضراتكم تقروا المكتوب فيها والردود بتعتة علي الناس , انا مش ضد ان يعلن عن سلعتة ويوصلها للناس بشكل جيد , انما انا ضد ان يرسم لي انة هو مشتري أو عميل وهو في الاصل مندوب الوكيل وبيعلن , دة انا بأعتبرة تضليل لا يليق بالمنتدي وقرائة , في الحقيقة انا عادة مش بحب اهاجم حد إلا لو حسيت انة بيخدعني في معاملتة , وانا حاسس ان الموضوع علي غير الحقيقة فحبيت انوة ... وشكرا