سال وهتلاقى المتخصص الى هيجاوبك عن سوالك فى بيجــو

[عطية فيكتور]

المشاركة الأصلية كتبت بواسطة السيد محمود مصطفي السلام عليكم انا معروض عليا اشتريت والحمد لله بيجو 405 موديل 94 موتور 1600 دواخل فابريكا سنتر وزجاج كهرباء امامي بس ومتغيرلها موتور استيراد ومحتاجة مصاريف تتراوح ما بين 2000الي 3000 جنيها زي التابلو ه جلدة مفقفأ وجلب وبليض للمقصات الامامية واولسيه زيت وخرطومين بتوع زيت الباور وقفل للشنطة الخارجية مع توصيل خراطيم التكييف الموجودة اصلا وبعض السمكرة الخارجية واخذتها ب 27000 والميكانيكي حمض نفسي منها وشيلني منها خالص ارجو الافادة هل ممكن ان اقتنيها ولا احاول ابيعها؟؟؟؟ بس ارجو سرعة الرد خلال دقائق

اولا: اسف على التدخل... انا عارف انك مستني الرد من م. هيثم ... بس انا حسيت اني ممكن افيد فى الموضوع دة (بعد اذن م.هيثم)

ثانيا: 1- لازم تعرف انك اشتريت العربية ال 405 دى لية؟
هل علشان سعرها كان مناسب ولا انت بتحب الموديل دة؟
2- كل شركة سيارات فى العالم مشهورة بحاجة معينة و هو سر نجاحها. لو اتخلت عنة معناة انها بتتخلى عن هويتها.
يعنى مثلا.... العربيات الكورى كانت مميزاتها انها رخيصة,موفرة فى البنزين,اى ميكانيكى يشتغل فيها علشان كدة سعرها ماسك فى السوق لكن موش بتعمر مع الاستخدام التقيل.
اليابانى ,نفس مواصفات الكورى بس مريحة و بتعمر و تكنولوجية قليلية بس معمرة و مريحة و سعرها ماسك فى السوق, يعنى مابتخسرش فى الببيع.

لكن الاوروبى مختلف تماما
البيجو شركة ليها تاريخ و ثانى اكبر مجموعة فى اوروبا.
عربياتها معمرة,مريحة,واسعةو تكنولجيتها عالية, بس اعادة سعر بيعها دايما قليلة كتير.
علشان كدة الصنايعية موش بيحبو يشتغلوا فيها كتجارة و كمان اصلاح.

ال405 عربية واسعة,مريحة,عالية,عفشة موش زى الكورى نهائى... يعنى فى المطبات على الطريق مريحة.... قطع غيارها موجودة الرخيص و الغالى... و دايما الاصلى غالى و ثمنة فية يعنى بيعمر لفترات ماتشوفهاش مع الكورى.
لكن موش موفرة فى البنزين, يعنى يوم ماتوفر تعمل 200,220ك فى الصفيحة.
ماتورها موش ناعمو بس معمر (لاحظ ان الكورى مايعديش 200,0000ك من غير ماتعمر غير البيجو.

كل حاجة و ثمنها. عاوز راحة و اناقة .... بيجو بس تمنها عدم توفير ,قطع غيار غالية و صيانة غالية بس بتعيش, و اعادة بيع بطئ.
عاوز توفير و بيع سريع ,يبقى الكورى و سعرة مابيساويش الى بيدهولك (رايي الشخصى) ,
او يابانى (التويوتا) بس السعر غالى.

شوف انت احتياجك اية و ماتسمعش كلام صنايعية.
قطع غيارها موجودة فى بلبيس و السلام بالهبل و اسعار كويسة و كمان فى الحرفيين بس اسعارها عالية شوية. و بالنسبة للجديد عندك اماكن كتير .. ش دمشق,ش لازوغلى,توكيلات بيجو , . بس قرر الاول.

نهائى: انا عندى ثلاث فقرات فى ظهرى تعبانين شوية, مااستريحتش غير فى البيجو و خصوصا ال405 و 406

[phan]

السلام عليكم ورحمة الله وبركاته
لو سمحت يابشمهندس معلش احنا تعبين حضرتك معنا بس كنت طالب من حضرتك معرفة مدى زيادة او تقليل كهربة الاسبيرتير وكذلك هواء الكربيرتير على معدل استهلاك البنزين فى بيجو 405 ولماذا يرتفع معدل الاستلاك من وقت لاخر
وشكراااااااااا لاهتمامكم بالرد على الاعضاء

[halem555]

السلام عليكم
سؤالي بسيط بفكر جدا في البيجو 605
انا سمعت ان قطع غيارها نادرة وغالية
سؤالي ايه قطع الغيار الي بتتشارك بين ال 605 واخواتها ال 405 و ال 406

[ahmfouad]

السلام عليكم ورحمة الله وبركاته

انا لسة شاري بيجو 307 sw موديل 2007 لكن للاسف المفتاح الاصلي (الريموت) ضاع
ممكن اعرف اجيب واحد منين ويتكلف كام

[هانى ابو سمير]

السلام عليكم
انا بسأل عن المبات التحزيرية اللى بتنور فى التبلوه بتاع البيجو 405
فى لمبة لونها برتقالى فى اخر التبلوه بتنور هى عبارة عن دايرة وحوليها نقط
بتنور بس مش سبتة بتنور وطفة على طول بعد اقل من ثانية
انا راجعت كل الزيوت مظبوطة والمية والمروحة كله تمام بس ساعات بحس ان العربية مخنوقة شوية مبتسحبش زى الاول خصوصا فى المطالع
ممكن اعرف ديه بتاعت ايه
وجزاك الله كل خير[