العودة   مصر موتورز مجتمع السيارات > سوق السيارات فى مصر موتورز > سوق السيارات المصرية

سوق السيارات المصرية نصائح عامة وتجارب واخبار عن بيع وشراء السيارات فى السوق المصرى


إضافة رد
 
أدوات الموضوع
  #1  
قديم 04-07-2009, 01:21 PM
nno1 nno1 غير متواجد حالياً
 
تاريخ التسجيل: Jul 2009
المشاركات: 2
nno1 is on a distinguished road
افتراضي تجربتى مع توكيل دايو ( ابو الفتوح ) بعد سنة ونصف

السلام عليكم ....

اخوانى الاعزاء ... انا لم اقدم على كتابة هذا الموضوع .. الا بعد ان فاض بي الكيل من هذا الوكيل ... الذى اقل ما يوصف به انه ... ( ابو الفتوح ) والكل اكيد فهم المعنى والفضايح ..


انا ملتزم بمعاد الصيانة ذى ما قالوا علشان لو فى حاجة حصلت فى العربية تبقى داخل الضمان .. وعلشان كده انا استمريت لمدة سنة ونصف فى هذا المستودع القذر المسمى وكيل دايو ..

بعد ما روحت اول مرة وعملوا اللازم ... انا كنت مستغرب ... بيقولوا ان الوكيل بيكشف على العربية وبيعمل وبيعمل وبيعمل ...
لكن وجدت ان الحاجة الوحيدة البيعملها انه بيغير الزيت ويسرق فلوسك ... مفيش اكثر من كدة ... دة طبعا فى المرة الاولى ... ولكن خاب ظنى بعد كدة ... بس مش فى المرة الثانية .. لا فى المرة السادسة ... وهى بتاعت صيانة ال20000 ...
قالولى لازم نغير الفلاتر وكمان البوجيهات ... قولت ياسلام اخيرة العربية هيتعمل فيها حاجة مختلفة غير الزيت وسرقة الفلوس ...


وهذة المرة اقسم ان هذا الكلام صحيح مليون فى المية ....

تم تغير الفلاتر وكمان البوجيهات وكمان الزيت .. وبعدين روحت ادفع الفلوس علشان استلم العربية ... مش هتكلم على الفلوس .. مش مهم .. المهم شوفوا الكارسة ...

العربية كانت كلها متغرقه بالزيت .. كل حته فيها .. على الكبوت وعلى الشنطه وكمان كل الزجاج الامامى والخلفى وكمان الجوانب وكمان العجل .. ال 4 فرد ... فتحت الكبوت علشان اشوف فى ايه كمان جوه لقيت انه متغسلش وكله تراب ...
ورحت طبعا اقولهم ازى كدا ... اه طب معلش ورجعها تانى ... نعملها ... وطبعا مفيش حاجة اتعملت ... وكل ده مش مهم ... لسه التقل ورا ....



بعد ما مشيت بالعربية حسيت انها مش مظبوته ... قولت لنفسى معلش يمكن ده طبيعى ..ز وتانى يوم لقيت العربية بتنتش ... ودى كانت اول مرة تعملها ..

قولت معلش يمكن حاجة عارضة ... وبعد كده بدء الموضوع ده يتكرر مع العلم انى مشاويرى صغيرة ...

المهم انه حصل مشكله تانيه ان الفيزوات كانت بتضرب .. وبعد معاناه شديدة روحت للتوكيل والحمد لله صلحوا العيب بتاع الفيزوات . .. وبعد كده روحت تانى علشان التنتيش .. تخيلوا العطل كان من فين ..


اتارى البيه المهندس الدكتور الصنايعى الحيوان الرمة .. وهو بيغير البوجيهات قطع السلك بتاع البوجيهات الى بيركب فوق البوجيه ... ولصموا وركبوا اى حاجة وخلاص لغاية لما العربية تخرج من الخرابة بتعتهم ...

وده طبعا كان هو السبب بتاع التنتيش ال كان بيحصل ..
ولما قولتلهم ازاى دة يحصل قالوا انه وارد ان السلك يتقطع لانه كوتش ومن السخونة ممكن يفك ..
وكمان السلك ده خارج الضمان وكمان هادفع ثمنه ...
قولت بالمرة اغير تيل الفرامل علشان ماروحش تانى عندهم .. شوفوا بقى الفاتورة...



سلك بوجيهات 126
تيل فرامل 120
مصنعية 70
ضريبة مبيعات 30
شوية فكة 4

الاجمالى 350 جنيه




شكرا .... يريت حد يقولى اى حاجة
رد مع اقتباس
  #2  
قديم 04-07-2009, 01:32 PM
M7md_S3d M7md_S3d غير متواجد حالياً
 
تاريخ التسجيل: Mar 2009
المشاركات: 187
M7md_S3d has much to be proud ofM7md_S3d has much to be proud ofM7md_S3d has much to be proud ofM7md_S3d has much to be proud ofM7md_S3d has much to be proud ofM7md_S3d has much to be proud ofM7md_S3d has much to be proud ofM7md_S3d has much to be proud ofM7md_S3d has much to be proud of
افتراضي رد: تجربتى مع توكيل دايو ( ابو الفتوح ) بعد سنة ونصف

قلة ضمير ومهندسين عديمى الخبره متعينين بالواسطه يعملو الغلط ويقولك أصلو وارد يحصل لأعتمادهم ان الناس مش فهمه فى ميكانيكا السيارات ,ومش هقولك أكتر من ربنا يعوض عليك وحاول تدور على مركز صيانه محترم بره التوكيل ,وبالنسبه للانوس فأعتقد انه من السهل انك تلاقى مراكز كتير ,وأكيد لو حد هنا عنده علم بمركز محترم هيفيدك
__________________

<<<<<M7md>>>>>
رد مع اقتباس
  #3  
قديم 04-07-2009, 02:40 PM
الصورة الرمزية Ahmed Anwer
Ahmed Anwer Ahmed Anwer غير متواجد حالياً
التخصص العملى: Interior designer
هواياتي: Arts
 
تاريخ التسجيل: May 2008
الموقع: Cairo
المشاركات: 2,730
Ahmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond reputeAhmed Anwer has a reputation beyond repute
افتراضي رد: تجربتى مع توكيل دايو ( ابو الفتوح ) بعد سنة ونصف

فيه مركز لابوغالي معتمد من دايووو

و اسمع الناس بتشكر فيه ،،
__________________

رد مع اقتباس
  #4  
قديم 05-07-2009, 10:48 PM
الصورة الرمزية AbOnOrA
AbOnOrA AbOnOrA غير متواجد حالياً
Aِِbo(Nora&Islam&Judy)
Wael Magdy Salah
من انا؟: ابو نورا واسلام
التخصص العملى: IT Consultant
هواياتي: Computers, Automotives
 
تاريخ التسجيل: May 2008
الموقع: ام الدنيا مصر
المشاركات: 17,076
AbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond reputeAbOnOrA has a reputation beyond repute
افتراضي رد: تجربتى مع توكيل دايو ( ابو الفتوح ) بعد سنة ونصف

انا مقدر ضيقك وعصبيتك طبعاً ولو فيه حاجة نقدر نعملها ياريت تقولنا وعامة هتلاقى موضوعات عن حماية المستهلك وكيفية التصرف حيال المواقف اللى زى كده

ومن ناحية تانية الانوس عربية صيانتها سهلة ومش صعب تلاقى مراكز فيها متخصصين اكفاء للتعامل مع العربية وعايزين يكسبوا من مجهود وعمل حقيقى
واذا حضرتك تحب تجرب مركز دايو بتاع ابوغالى سواء اللى فى جسر السويس او اللى فى العبور بتاع ابوغالى اوتوميف نقدر نتابع معاك اى مشكلة هناك والمراكز معتمدة
__________________



اخر موضوعاتى
قريباً تقرير وتجربة اداء دايهاتسو تريوس * تويوتا راش

رد مع اقتباس
  #5  
قديم 06-07-2009, 03:01 PM
ابو النواجي ابو النواجي غير متواجد حالياً
 
تاريخ التسجيل: May 2009
المشاركات: 21
ابو النواجي is on a distinguished road
افتراضي رد: تجربتى مع توكيل دايو ( ابو الفتوح ) بعد سنة ونصف

كان الله في عونك وعلي فكره كلامك صح واليي متعرفهوش انهم ممكن ياخده فلوس الفلاتر وميركبوش حاجه
لانهم نصابين ونصحتي اتعامل مع ميكانيكي نضيف ومتغيرهوش
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 12:50 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017