حكايتي مع ( شيفرولية افيو) "وسوء التصنيع"

[amro atif]

المشاركة الأصلية كتبت بواسطة خايف موت مش ممكن فيه عربيه فى الدنيا كده يا أخ yoku مع إحترامى الشديد ليك .. أنا آسف بس انا متأكد إنك بتبالغ جدا جدا جدا الأفيو عندى بئالها 6 شهور ... بصراحه ... أفضل عربيه ركبتها فى حياتى بعد ماكان عندى ( شاهين ثم نوبيرا ثم لانسر 2008 ثم رينو ميجان ثم الأفيو ) الأفيو باشا العربيات دلوئتى

معلش متقولش بيبالغ لاني شخصيا اتعاملت مع التوكيل في مشاكل كتير وبصراحه تصرفات وتصليح دون المستوى بمراحل

[asom_6]

ظريفة جدا الحقيقة انك تشترى سيارة زيرو من الوكيل وتدفع فيها اكتر من قيمتها السوقية الفعلية فى بورصة السيارات العالمية وتكتشف ان السيارة التى اشتريتها مليئة بعيوب التصنيع بشكل يجعلك تكره انتاج بلدك
انا عاوز افهم هل ضبط الجودة داخل مصانع السيارات المحلية مشكلة الى هذا الحد ... لقد اصبحت القاعدة ان مشترى السيارات التجميع المحلى يتعامل مع بطيخة وارد فيها وجود عيوب تصنيع ويا عالم هل التوكيل قادر على تصليح هذه العيوب بعد البيع ام لا ... وفى بعض الاحوال النادرة يحصل المشترى على قطعة فلته بدون عيوب تصنيع ((جوهرية)) فيقيم الافراح والليالى الملاح ((لأنه محظوظ والست الوالده داعياله وراضيه عنه)) .... تهريج وفوضى واستخفاف بحقوق المستهلك.

كما قلت الظريف فى بلدنا ان يتساوى المستعمل بزيرو الانتاج المحلى

[scorpionking2u]

بس فى سؤال
ياترى العيوب ديه لسه موجوده فى موديلات 2011 و 2012
لانى بجد العربية بقت منتشرة أنتشار رهيب ديه داخله منافس مع اللانوس والفيرنا
أنا عندى الاوتوماتيك 2012 و500ك ومظهرش حاجه لسه وديه أول بختى زى ما بيقولوا
فايه النظام بقى؟؟؟

[قائد الكتيبة]

انا كنت رايح اشتري العربية دي بكرة اتوماتيك
خلاص بح
انا من اللي قريتة الموضوع كامل ال 35 صفحة تما بالحرف و الكلمة
غيرت رأيي تماما
معلش
مفيش دخان منغير نار
حتى لو فضل مسؤول الشركة 48 ساعة في اليوم أونلاين عالصفحة يدافع عن العربية
انا شايف البدائل اللي تقرييبا بنفس الفئة السعرية
ممكن اللوجان
البيكانتو
اممممممممم
ممكن الفيرنا بردو
بس لغاية اللحظة مازلت متردد وربنا يستر بأة

[dr_eslam_66]

أنا قريت الموضوع كااااااامل وخد مني حوالي ساعة أو ساعة ونص.
وفعلا فعلا أنا مكسوف من موقف إدارة منتدانا العزيز وممكن يكون فيه سوؤ تفاهم أنا ماعرفتوش أو كواليس أنا على غير علم بيها.
ولاكن إذا اخطأ أحد الأعضاء في أسلوب عرض مشكلته أفتكر إني من الكافي جدا إعلانه بتحذير أو إضافة تحذير مقروء بالموضوع وتصحيح الؤمور أو على الأقل إيقاف مؤقت لعضويته.
لا أتطرق للحديث إطلاقا الآن عن السيارة نفسها ولا عن مشاكلها ولا عن مستوى خدمة الوكيل ولا عن سرعة إستجابته.
أرجو تقبل الرأي والرأي الآخر ورحابة الصدر المعتادين عليها.