اكسيل بيضا هتترش ان شاء الله

[waelsalah]

السلام عليكم
عربيتي اكسيل بيضا
ان شاءالله هرشها
كنت عاوز اعرف من حضراتكم ايه افضل نوع بوية يكون محترم ومش غالى اوى ولا رخيص اوى يكون وسط
ويستحمل الغسيل والشمس و يترمم بعد كده بسهوله من الخدوش وما شابه ذلك
ويا ترى العربيه هتاخد كام كيلو وتكون بوية فرن
وهل الميتالك اغلى بكتير من العادى
وهل عمليا كويس ولا منظر بس
وكمان سمعت عنه ان ترميمه بعد كده بيكون صعب ومبتزبطش
معلش طولت عليكم
بس كنت عاوز بجانب الانواع الاسعار والمصنعيه لو سمحتم
وشكرا جزيلا

[waelsalah]

السلام عليكم
ممكن اعرف انواع البوية للسيارة ايه
وايه افضل نوع ويكون وسط مش غالى اوى ولا رخيص اوى
وهل افضل اجيب المون بنفسي
ولا اتقاول مع الصنايعي وخلاص
وممكن اعرف التكاليف فى الاسلوبين كام ؟
وشكرا جزيلا

[hyundai2005]

للاسف انا مش حقدر افيدك بالظبط كل صنايعي وبيشتغل ببويه معينه لاكن انا جربت الكابسي وكان حلو لا كن مش فاكر الاسعر بس مش غاليه يعني الكيلو مابيعديش 300 جنيه وفي بوهيجيه بتبقي عندهم البويه فلازم تشتري منه وفي ممكن تاخده وتشتريها من بره المحصله واحده بس اهم حاجه كتر من الفيلر والرنيش عشان اللمعه وحمايه البويه من الخرابيش والتجريح

[waelsalah]

المشاركة الأصلية كتبت بواسطة hyundai2005 للاسف انا مش حقدر افيدك بالظبط كل صنايعي وبيشتغل ببويه معينه لاكن انا جربت الكابسي وكان حلو لا كن مش فاكر الاسعر بس مش غاليه يعني الكيلو مابيعديش 300 جنيه وفي بوهيجيه بتبقي عندهم البويه فلازم تشتري منه وفي ممكن تاخده وتشتريها من بره المحصله واحده بس اهم حاجه كتر من الفيلر والرنيش عشان اللمعه وحمايه البويه من الخرابيش والتجريح

معلش هتقل عليك
الاكسيل تاخد كام كيلو بوية ؟
طب هلا لفرق بين اللون العادى والميتالك كبير ولا بسيط
انا كنت قبل كده عملت 128 ب 600 ج ومكنتش عجبانى وكانت اى تراب يلزق عليها وكانت بترهقنى فى النظافه ؟
هل في نوع بوية عادى بس يكون سهل ا لنظافه ولا لازم ورنيش الميتالك ؟
وهل ممكن اللون العادى يتورنش ؟
وشكرا جزيلا

[hyundai2005]

انا كان عندي اكسيل زيتي ورشتها ميتالك ب 900 و فرن كمان وزي الفل وورنيش والذي منه بس كان في معرفه مع الفرن
لو حد متعرفوش ممكن تتكلف من 1000 - 1300 حسب الاتفاق والعربيه بتاخد من كيلو ونص ل اتنين كيلو بويه اما الورنيش فلازم يطبع مع البويه لان جزء منه بيتخلط مع البويه والباقي فوق البويه