اى حد محتاج اى معلومه عن رينو

[POP EL GAMED]

المشاركة الأصلية كتبت بواسطة ziadamro2003 صياح الفل يا باشا معايا رينو 9 مو 87 وحصلت النهارده حاجه كده اولا العربيه غابت لما جيت ادورها ثانيا لقيت صوت الموترو على شويه عن الاول ارجو منك الافاده السريعه ولك جزيل الشكر

بعتذر لحضرتك على التأخير
موضوع انها غابت فى الدواره ده عادى احنا فى الشتا اى عربيه ممكن تغيب فى الدواره لو الزيت تقيل
او ممكن تكون البوجيهات تعبت
اعتقد هما دول السببين اللى ممكن يكونوا اخروا الدواره عندك
باشا انت عندك عداد RPM على العداد العربيه عاليه ولا واطيه؟؟؟؟لازم تعرف الموضوع ده لانه هيفرق جامد ومنتظر تفاصيلك يا باشا

[POP EL GAMED]

المشاركة الأصلية كتبت بواسطة ابو البنات mr pop عندي رينبو 97 الموتور قفش الله يرحمه ممكن تساعدني عايز اجيب لهل موتور تانى يشتغل ببنزين 80 يعنى كاربيراتير يا ريت ارقام ناس اكلمهم لان العربية واقفة و ادى رقمى 0120080022

باشا موضوع الموتور اللى بيمشى ب80 ده مفيش اساسا هى هتمشى ب80 بس هتبقى متضايقه مينفعش فى المواتير دى 80 انا جربته مكدبش عليك كرهت العربيه وكان مفيش سحب صوت عالى بوجيهات اتقتلت بعد تفويلتين تلاته هى كده كده كانت عايزه تتغير بس مش بالسرعه دى عشان كده رجعت تانى لل92 فى المكنه الاينرجى اللى معايا ال92 بيفرق عن ال90 يبقى ايه اللى بيحصل مع ال80 انا سايبها لخيالك انت
بالنسبه لمكنه الرينبو ال1300 مسألتش عليها بقالى فتره بس مكنه الاينرجى كامله متكامله ب3000 مكنه بكل حاجتها من طلمبه باور لكمبريسور تكييف كاربراتير كل حاجه معاها
الاينرجى 1400 79 حصان لو سقطتها عندك هتلاقيها اريح فى العربيه وهتلاقى السحب اختلف تماما بس بالنسبه ليك هتلاقيها اقدم من العربيه شوف حضرتك ايه اللى يناسبك ولو تحب ننزل مع بعض مفيش مشاكل نظبط يوم ونتقابل ونشوف المكن المتاح فى المناطق اللى حوالينا ولو عايز ميكانيكى كويس جدا وفاهم عندى واحد ينزل معانا
رقمى 0191818978 م/إسلام

[ziadamro2003]

متشكر يلباش بس معلش ممكن تشرحلى ايه ال RPM
لاتى لسه جديد فى الرينو ومعنديش خبره فيه وبالمناسبه انا لسه مغير طقم بوجيهات
والعربيه بتقطع فى المشى مش عارف ليه
وشاكر لمجهودك وباعتذر على اسئلتى الكتير

[POP EL GAMED]

المشاركة الأصلية كتبت بواسطة ziadamro2003 متشكر يلباش بس معلش ممكن تشرحلى ايه ال RPM لاتى لسه جديد فى الرينو ومعنديش خبره فيه وبالمناسبه انا لسه مغير طقم بوجيهات والعربيه بتقطع فى المشى مش عارف ليه وشاكر لمجهودك وباعتذر على اسئلتى الكتير

ولا يهمك يا باشا عداد ال RPM بالعربى عدد اللفات فى الدقيقه بيبينلك عدد لفات الموتور اد ايه فى الدقيقه الواحده وهو مالوش دعوه برينو ولا مرسيدس ولا دايو ده عداد حاجه ستاندر زى عداد السرعه كده وهو بيكون كبير زى عداد السرعه هتلاقيه جنبه ومترقم على ما افتكر فى عربيتك من 0 ل70
واختصارا للوقت والمجهود كده البوجيهات اللى عندك بايظه وواخده رطوبه او سلك البوجيهات عايز يتغير ولو العربيه مكانتش بتقطع قبل ما تغير طقم البوجيهات ده يبقى البوجيهات بايظه وغيرها تانى لو كانت بتعمل كده برضه يبقى فيه احتمال ان سلك البوجيهات بايظ وعايز تغير سلوك البوجيهات وابقى طمنى عليك يا باشا

[ziadamro2003]

متشكر ليك ياباشا على مجهودك
مشكوووووووووووووووووووووو وور