التفييس المصري

[MmFFoR]

لو شاب مش شايل المسؤولية مش حيهمه
بس الراجل الواعي اللي شايل المسؤولية العربيه بالسباله وسيلة مواصلات فبيدرسها من وجهة نظر اقتصادية و انسانية انه يحافظ على ادميته و اسرته! فبيجيب حاجه تؤدي الغرض على حسب ما ربنا موسعها معاه! يعني لو معاه 100 الف حيجيب عربيه ب 60 و لو معاه 200 حيجيب عربيه ب 100 لأن الباقي بيبقى تأمين للبيت لو عيل مرض او حاجه حصلت لحد

[mummy_47]

المشاركة الأصلية كتبت بواسطة mmffor لو شاب مش شايل المسؤولية مش حيهمه بس الراجل الواعي اللي شايل المسؤولية العربيه بالسباله وسيلة مواصلات فبيدرسها من وجهة نظر اقتصادية و انسانية انه يحافظ على ادميته و اسرته! فبيجيب حاجه تؤدي الغرض على حسب ما ربنا موسعها معاه! يعني لو معاه 100 الف حيجيب عربيه ب 60 و لو معاه 200 حيجيب عربيه ب 100 لأن الباقي بيبقى تأمين للبيت لو عيل مرض او حاجه حصلت لحد

انا معاك في كل كلمة قلتها..لكن هل معنى ده ان الواحد يتنازل عن حلمه وطموحة لمجرد انه اصبح مسؤل وعنده عيلة هل هذا منتهى الطموح..وكل تفكيره ينحصر في كيفية تحقيق الرفاهية لأسرته ...متنساش ان العربية الفارهة هي ايضا رفاهية وبريستيج للاسرة..مثال للبرستيج : لما تركب انت واسرتك 128 زي لما تركب بي ام او مرسيدس .. لما تكون معزوم في فرح في فندق 5 نجوم وتنزل من بي ام او مرسيدس زي ما تنزل من كرولا او سيراتو ...اه البرستيج له ثمن لكنه يستاهل ..والانسان عايش مظاهر في مظاهر المظهر مهم جدا ...يعني انت ليه بتحب تعيش في مكان محترم ..كمبوند او فيلا..ليه مع ان اي شقة في اي حي شعبي ممكن تكون اكبر في المساحة واوفر في الفلوس ..ليه الواحد ممكن طول عمره يحوش عشان يسكن في شقة كويسة ..ليه بتدخل ولادك مدارس اجنبية ..عشان بتشتري مستقبل لهم..هتقلي العربية مش مستقبل ...اقلك العربية مستقبل ..جرب كده ادخل اي مكان عام بسيارة فارهة وشوف نظرات الاهتمام والاحترام على كل الناس التي تتسابق لخدمتك لكن جرب ادخل باي عربية اخرى وشوف الفرق.. يا عم ديه بتفرق في لجان المرور كمان....هو ده نفس السبب اللي يخلي الواحد ممكن يصرف تحويشة عمره في عربية مع الفارق ان العربية استهلاكيه سعرها بينزل والشقة عكس ذلك..لكن زي ما قلت البرستيج مهههههههههههم جدا في حياة البني ادم ويستاهل ثمنه..
انا كمثال..متزوج وعندي طفلين وحاولت اكثر من مره اني اتنازل غن حلمي في امتلاك المرسيدس او الب ام..لكن مقدرتش وبالفعل بحوشلها عشان السنة القادمة ان شاء الله اكون من ملاكها..

مع خالص شكري وتقديري

[bmkbmk]

اللهم لا عيش إلا عيش الآخرة

أنا لما أفكر اجيب عربية ألمانى هجيبها علشان متعة القيادة و الاعتمادية أولا مش علشان المنظرة ولا البرستيج
و لو إمكانياتى المادية ماتخلينش اقدر اجيبها يبقى طبعا مش هجيبها و لا هزنق نفسى لمجرد انى اجيب عربية من نوع معين لأنها فى الاخر بتعتبر رفاهية او (كماليات) و اى عربية هتأدى الغرض منها

الاساسيات لازم تكون موجودة الاول ... يعنى مثلا ماينفعش اروح اجيب عربية عالية و انا ساكن فى شقة بالايجار ... ماينفعش اروح اجيب اغلى هدوم و اتفسح فى احسن أماكن واعيش حياتى و انا مديون او عليا فلوس لحد ...

لكن لو اساسياتى تمام .. يعنى عندى شقة و اتجوزت او معايا مثلا فلوس الجواز و أمورى المادية متيسرة .. يبقى طبعا هجيبها و برده مش علشان المنظرة ... علشان متعتى الشخصية اولا و بعد كدة لو عملت لى شوية برستج على الماشى .. مفيش مشكلة

و ده رايى الشخصى بدون الاساءة لأى حد ... و دمتم بود

[بدر بسيونى]

تعالى نفكر عمليا مش نفسيا البلد مش بتاعت عربية غالية ولا شوارعها كمان انا مع فكرة هات عربية متوسطة جيتا والفئة دة وانت معاك فلوس عشان تبقى صيانتها رخيصة وغير مرهقة وفى الوقت نفس شيك وبرستيج وبكده مسكت العصاية من النص

[mummy_47]

المشاركة الأصلية كتبت بواسطة بدر بسيونى تعالى نفكر عمليا مش نفسيا البلد مش بتاعت عربية غالية ولا شوارعها كمان انا مع فكرة هات عربية متوسطة جيتا والفئة دة وانت معاك فلوس عشان تبقى صيانتها رخيصة وغير مرهقة وفى الوقت نفس شيك وبرستيج وبكده مسكت العصاية من النص

اسمحلي اختلف مع حضرتك ...لو فكرت عمليا ..البلد مش بتاعة عربيات خالص عشان ازمة المرور والخنقة في الشوارع واماكن الركن..
بالنسبة للجيتا فهي عربية صيانتها غالية زيها زي الباسات والمرسيدس والبي ام..كمان سعرها بيوصل لل 180 الف في اعلى فئاتها..
بالنسبة للي بيحب البي ام او مرسيدس فمش ممكن يتنازل عنها ويركب جيتا مع احترامي للجيتا طبعا..
غالبية الشعب المصري تطغى عليه صفة المظهرية الاستهلاكيه وليس العملية ومنكرش اني واحد منهم رغم اني بكره هذه الصفة.. كله عايز يبقى افضل من اللي جنبه رغم ان ربنا هو اللي موزع الارزاق ولو كل واحد اتولد غني مكنش حد اشتغل عند حد ولـ انهارت الدنيا.. وده واضح جدا في الموبايلات اخر موديل اللي بتلاقيها مع شخص ممكن يكون بينام من غير عشاء..وخذ عندك كم العربيات الالماني الفارهة التي تمشي في الشوارع وبتركن صف تاني كام ده غير العربيات ال 4x4 التي تصل ثمنها لاكثر من 600 الف واحيانا المليون..انا مبقتش اشوف تقريبا عربيات قديمة خالص في مصر..كله عربيات اخر موديل عشان نظام التقسيط وبالنسبة للصيانة فانت معاك ضمان 3 سنوات او 100 الف كلم وعيش بالعربية الجديدة .
اللي عايز اوصله ان محدش بيفكر بعملية خالص والا كان الكل جاب فرنا ام 60 الف ..الكل عايز يحقق اقصى اشباع ممكن في ظل امكانياته المحدوده وده علم الاقتصاد ..