|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
 |
|
|
أدوات الموضوع |
|
|||||||
| المنتدى التعليمى والمكتبة الفنية كتب وشروحات ومقالات تعليمية عن كل فروع هندسة وميكانيكا السيارات |
|
|
|
أدوات الموضوع |
|
#1
11-12-2010, 06:12 PM
|
||||
|
||||
شغل المباحث فى التحكم الألكترونى بالسيارات
زى العنوان مايقول بالضبط
فعملية التحكم الألكترونى زيها زى شغل المباحث أزاى الكلام ده ..............ياعمنا أاقولكم على ماتوصلت إليه من خلال قراءتى قدرت بفضل الله أشبه مايحدث فى عمليات التحكم الألكترونى بشغل المباحث وتحرى الجرائم ويتبعه عملية التنفيذ للخطه المستهدفه للقبض على المجرمين _________________________ ___ 1- مصادر جمع المعلومات فى المباحث الجنائيه ................. هى الحساسات فى الحقن الألكترونى 2- عملية التفكير وتحليل معطيات البحث الجنائى داخل وحداث البحث الجنائى وأتخاذ الأجرات الازمه كأوامر لضباط الحمله ( علشان يمسكوا المجرمين ) هو ده دور وحدات التحكم بأنواعها .....أى كمبيوتر السياره 3- الحمله أو الضباط والعساكر ....إللى حتنفذ التعليمات والأوامر هو ده دور منفذات الأوامر برضه داخل منظومة التحكم الألكترونى ACTUATORS _________________________ تلك ببساطه شديده التشبيهات التى تتم داخل منظومات التحكم الألكترونى كمنظومات هندسيه متكامله إذا لكى تكون هناك عمليات تحكم لابد من توافر العناصر الثلاثه التاليه 1- حساسات لنقل صور حيه عن أمور معينه تتم داخل المنظومه 2- وحدة تحكم ألكترونى ( كمبيوتر صغير ) 3- منفذات للأوامر _______________________ فنحن نلاحظ أن الأنسان منا فى حد ذاته يعتبر منظومة تحكم طبيعيه ومن صنع الخالق ( جل فى علاه ) العين ترى ....وترسل بالبيانات للمخ .......ويقوم المخ بتحلل البيانات طبقا للبيانات القديمه المخزنه داخل الذاكره .....ثم بعد هذا يأمر المخ الجزء الفلانى بأتخاذ الأمر كمنفذا للأوامر التى يصدرها المخ ( لهذا المنفذ ) _________________________ ____________ العلماء الأجانب ونظرا لنهمهم العلمى وبحثهم دايما عن الجديد فى العلم قالك بس ....... ما أحنا ممكن نستفيد من إللى فينا ده ( كعملية تحكم ) ونعمل زيها صناعى وحناخد منها شغل محترم وقد كان فمثلا فى مجال السيارات أستطاع العلماء الأجانب من الأستفاده بما يتم بواسطة حاسة اللمس للأنسان فى تصميم مايسمى بحساسات الحراره والأستفاده بما يتم بواسطة حاسة النظر للأنسان فى تصميم مايسمى بحساس الكرنك وحساس الكامه ونظام الفوتو كبل والأستفاده بما يتم بواسطة حاسة السمع للأنسان فى تصميم مايسمى بحساس التسقيف والأستفاده بيما يناظر حاسة الشم فى تصميم مايسمى بحساس الشكمان أو الأكسجين والأستفاده بما يناظر أوضاع التحكم فى رفع القدم أو اليدين فى تصميم مايسمى بحساسات الوضع مثل حساس وضع البوابه throttle positioning sensor عالم بتفهم صحيح وعاوزه يكون ليها كيان عالمى مش أحنا  مفيش ورانا غير الكوره وأبو تريكه وجدو وخالتو ( وياريتنا فالحين فى الكوره حتى ) وفى مجال الطرب .....ظهرت الآفات للأسف وسيبنا الأساسات .......ومشينا وراء التفاهات الطربيه _________________________ أستراحه ويتبع بأذن الله
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#2
11-12-2010, 07:34 PM
|
||||
|
||||
|
رد: شغل المباحث فى التحكم الألكترونى بالسيارات
ناخد فكره بسيطه جدا عن مايتم داخل عمليات التحكم بالسيارات
السيارات الحديثه يتم التحكم فى آدائها عامة من خلال مجموعات من عمليات التحكم سواء 1- دايرة التحكم الخاصه بمحرك السياره 2- دايرة التحكم الخاصه بنظام الفتيس الأوتو ماتيك 3- دايرة التحكم الخاصه بالوسائد الهوائيه SRS SYSTEM 4- دايرة التحكم الخاصه بنظام الفرامل المانعه للأنغلاق ABS SYSTEM وغيره من أنظمة التحكم المختلفه بالسياره _________________________ _______ حنركز على الحاجه الأكثر أهميه وهى عملية التحكم فى آداء محرك السياره حيث تقوم الحساسات المختلفه الموجوده على مناطق محدده ومعينه بالمحرك بنقل صوره حيه ومستمره عن الأحوال الطبيعيه التى يمر بها المحرك أثناء عمله تقوم الحساسات بأرسال البيانات ( أشارات ) لوحدة تحكم المحرك لأعطاءه صوره حيه عن مايدور داخل المحرك سواء من جهة حرارة المحرك أو ضغط وكمية الهواء الداخل للمحرك أو سرعة المحرك وصوت المحرك ووضع البساتم أثناء أشواط حريق المحرك _________________________ _____________ تكون تلك الأشارات فى أحدى صورتين 1- أشارات رقميه ............زى مفتاح النور بالضبط يا أبيض ....يا أسود أى المفتاح مفتوح أو مغلق 2- أشارات تناظريه .............( هى دى اللى بتتعب وحدة التحكم شويه ) لأن الأشاره الرقميه هى الأسهل فى الفهم لوحدة التحكم عن الأشاره التناظريه أنا حقيقى شبهت الأشاره الرقميه ............بالرجل الدوغرى مبيتعبش من يتعامل معه وشبهت الأشاره التناظريه ..........بالرجل المتلون عاوز دماغ ...دماغ ...دماغ يعنى ...............علشان تعرف تتعامل معاه كمثال على الأشارات التناظريه ANALOG SIGNALES هى حساسات الحراره ( هواء + ماء ) فلكى تفهم وحدة التحكم أشارة هذا النوع من الحساسات تقوم بتوريد 5 فولت كهربى زى سناره من عندها خلال دايره معينه للتعرف على قيمة حرارة المحرك _________________________ ______ ونظرا للتقدم الشديد والمستمر فى عمليات التحكم بالسيارات يوجد حاليا 3 أنواع من الحساسات ( رجال المباحث ) 1- حساسات مولده للفولت الكهربى 2- حساسات تعمل تحت نظرية المقاوم الكهربى ( حسب الأحوال التى يتعرض لها المقاوم ) 3- مفاتيح الأشارات _________________________ _______________ ناخد فكره بسيطه عن هذه الأنواع الثلاثه 1- الحساسات المولده للفولت VOLTAGE GENERATING SESORS يقوم هذا النوع من الحساسات بتوليد فولت كهربى معين أثناء مراقبتها للجزء الميكانيكى المعين بالمحرك هذه الأشاره الفولتيه يتم أرسالها إلى الكمبيوتر لكى يقوم بفهم ماهو المطلوب منه من أجراءات وأوامر معينه سوف يصدرها لمنفذ عمليه معين 2- الحساسات ذات التغير فى مقاومتها الداخليه RESISTORS تتغير مقاومتها الداخليه طبقا لحاله طبيعيه أو فيزيائيه يمر بها جزء معين بالمحرك طيب الكميوتر حيفهم طبيعة التغير ده أزاى ...........؟ علشان يبدأ فى التفاعل وأصدار الأوامر ستقوم وحدة التحكم ( الكمبيوتر ) بأرسال أو توريد سناره صغيره علشان تشوفلها أيه إللى بيحصل عند المقاوم أو الحساس ده السناره دى عباره عن 5 فولت كهربى ....بيروحوا للحساس فى شكل 5 فولت وحسب حالة رجوعهم من عند الحساس ده سواء كانوا 5 فولت أو أقل ( مش أكتر طبعا ) بتقدر وحدة التحكم من خلال حسابات معينه تتم داخلها من التعرف عن مايدور ( خلف الكواليس ) أى عند هذا النوع من الحساسات 3- الحساسات المفتاحيه ( الصريحه ) SWITCH SENSORS هذا النوع من الحساسات واضح وصريح فى شغله زى مفتاح النور .....يا يقيد ....يايطفىء _________________________ ___ يجيىء بعد كده دور الكمبيوتر فى تحليل ودراسة الأشارات بأنواعها وكل أشاره وليها كيان ودايره معينه لدراسة وتحليل البيانات وأعطاء الأوامر لوحده عظمى داخل الوحده نفسها عاملين زى الموظفين ....إللى كل واحد يدرس ملف معين ويحلله ويقول رأيه وفى الآخر مدير الموقع ...........ياخد القرار النهائى بناء عن دراسات الموظفين _________________________ ____________ بعد هذا يتم أعطاء أوامر التنفيذ ( بناء على الدراسات اللى تمت ) وكلام نهائى زى مابنقول الأوامر دى بتروح فورا لمنفذات الأوامر ACTUATORS ومن منفذات الأوامر الموجوده فى مجال هندسة السيارات 1- الريليه ....هو مفتاح تحكم عن بعد يعمل بنظريه كهروميكانيكيه REMOTE CONTROL ON /OFF SWITCH 2- السولونويد ( مثل المتواجد بالفتايس الأوتو ماتيك ) للتحكم فى فتح وغلق حارات زيت معينه داخل خريطة الفتيس ( فالف بودى ) للحصول على حالة تشغيل أو نقله معينه بالفتيس 3- موتور كهربى بتصميم هندسى معين STEPPER MOTOR مثل المتواجد داخل بلف الأيدل كنترولر ( للتحكم فى كمية هواء السلانسيه ) الموتور ده بيشتغل زى نظام سن القلاووظ بالضبط من خلال حركته فى بعض التصميمات لحوالى 125 سنه للداخل أو للخارج ___________________ يتبع بملخص بسيط بأذن الله
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#3
11-12-2010, 07:40 PM
|
||||
|
||||
|
رد: شغل المباحث فى التحكم الألكترونى بالسيارات
تحليل رائع يا باشمهندس
منتظر الباقي
__________________
حـازم خـضـر
|
|
#4
11-12-2010, 07:45 PM
|
||||
|
||||
|
رد: شغل المباحث فى التحكم الألكترونى بالسيارات
الله يخليك
حازم بيه يعنى على قدر ما أستطعت لأنك عارف الموضوع حساس أساسا وسيتم عمل ملخص لهذا الموضوع وسيتم التحاور مع أى زميل يريد التحدث فى أى أمر من الأمور من أجل التشاور والثقل الفنى لى وله 
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#5
11-12-2010, 07:47 PM
|
|||
|
|||
|
رد: شغل المباحث فى التحكم الألكترونى بالسيارات
ربنا يزيدك من علمه يا باشمهندس
|
|
|
|
