قطع غيار رينو للبيع (قطع شخصيه)

[POP EL GAMED]

يا جماعه انا سقطت موتور تانى لعربيتى وفيه شويه حاجات اتشالت وهى شغاله ومفيهاش اى اعطال
وانا شلتها لمجرد ان الموتور الجديد جاى بحاجته الموجود كالاتى
1-فتيس (19-رينبو) الفتيس حالته جيده جدا ومفيهوش اى مشاكل
2- مارش (19) هو عليه زيت بس شغال تمام جدا والزيت من اثر الموتور القديم
3-دينامو (19-بيجو 405) مفيهوش اى مشاكل
4- غطاء تاكيهات وجنب موتور (19 اينرجى)
وفيه بلوك ووش سيلندر وكارتيره زيت
اى حد محتاج حاجه منهم يكلمنى ومش هنختلف ابدا
01091818978

[HA_2000]

كنت عايز اعرف انت جبت الموتور بكام ومواصفاته ايه ومنين

شكرا مقدما على الرد

[hh_2k]

مبروك عليك الموتور الجديد
ربنا يجعله خير عليك
اكرر سؤال الاخ HA_2000
عايزين نعرف مواصفات الموتور اللي انت سقطته؟
كمان ليا عند شوية اسئلة يا بشمهندس لو تكرمت؟
اول حاجة عندي رينو 19 شماد موديل 1991 موتورها 1400 سي سي بس مش الانرجي اسمه كليون اكيد انت عارفه موديله C2J فكنت عايز اسالك ايه افضل موتور يركب ليها بس يكون 1400 مش اكتر بس يتحمل التكييف في الصيف و السفر الكتير وفي نفس الوقت ما يصرفش بنزين كتير ومهم جدا جدا يكون كاربرتير مش انجكشن عشان احطوله بنزين 80
وايه الفرق بين موتورين الاينرجي E6J و E7J من ناحية القوة والعزم والاستهلاك وهل هما كاربراتير ولا انجكشن
اخر سؤال و اسف اني صدعتك لوحة العدادات عندي بايظ فيها حاجات لو غيرتها بواحدة بتاعة رينبو مش شماد هل تركب ولا لا وتشتغل طبيعي ولا لا؟

[POP EL GAMED]

انا جبت الموتور من بورسعيد
ب3000
الموتور E6J
المواصفات 1400 79 حصان كاربيراتير تكييف وباور
وهو ده افضل موتور 1400 يركب عليها وكاربيراتير
والفرق بين ال E6J و E7J الاتنين نفس الموتور لكن فيه فرق واحد
الE6J كاربيراتير
الE7J زى ما بيقولوا الميكانيكيه نص انجيكشن (نقطه واحده او رشاش واحد)
والله هى تعتبر هى هى مفيش فرق غير ان الرينبو مفيهاش عداد زيت هل انت عداد الزيت شغال عندك لو مش شغال يبقى تقدر تركب بتاع الرينبو وهتلاقى حراره وبنزين وسرعه و RPM شغالين تمام بأذن الله

[hh_2k]

السلام عليكم
الف شكر يا بشمهندس على ردك وربنا يجزيك خير على معلوماتك اللي بتفيد الناس بيها ويجعلو في ميزان حسناتك
العربية اللي معايا دي (19 شماد 1991) مع انها مبهدلة شوية عايزة شوية مصاريف بس انا جبتها عشان تمنها كان على قد اللي معايا بس هيا ولله الحمد فبريكة كلها ماعدا رشة برة بس فقولت اخدها ولما يبقى معايا قرشين تانيين اشدها واخليها تمام ان شاء الله هي محتاجالها في حدود 5000 الى 6000 جنيه وتبقى تمام
مع انها مبهدلة شوية بس اقسم بالله العظيم ركوبتها حاجة تانية خالص غير الفيات والصيني والهيونداي وكل الكلام ده وبتكلم في عربية موديل 91 تخيل بقى عاملين ايه في 2012
كنت شغال برة مصر وكان معايا هيونداي ايلانترا 2010 بتاعة الشغل مش بتاعتي مع انها كانت بتجري وتمام ومع ذلك تنزل منها تركب تويوتا كورولا ولا هوندا سيفيك والله تحس انك كنت سايق عجلة مش عربية (اقصد الايلانترا)
نفس الهيبة والتقل والجمال بتاع الكورولا والسيفك وامثالهم ده حسيتو في الشماد بس على موديل قديم يعني امكانيات اقل شوية
انا بس حبيت اعبر عن رأيي لاني شايف دايما في المنتديات خلاف حاد بين الناس على انهي الافضل مع انه مفيش وجه للمقارنة اصلا الكبير كبير والله اوروبي وياباني (ثم) امريكي والباقي ........ (ارمي في الزبالة)
اسف على الاطالة
شكرا