رجاء من كل قائد سيارة ايا كانت نوعها و موديلها !

[hazem_khidr]

المشاركة الأصلية كتبت بواسطة amrmohamed1975 يا استاذ حازم تعالي اتفرج على طريق مطروح و طريق سيوة او السلوم النقل التقيل بدون اضواء خلفية و فى بعض الاحيان بدون عواكس و فى اغلب الاحيان السير عكس الاتجاه على طرق المفروض انها طرق سريعة

المشاركة الأصلية كتبت بواسطة mohamedkamel8677 على فكرة يا حازم انت اتصرفت صح ١٠٠% عشان دة واحد غير مٌبالى بحياة الناس اللى حوالية و مش فى دماغة اللى ماشى وراة افرض اللى وراة كان موتسيكل و خبط فية و اللى كان راكب الموتوسيكل مات كان هيكون اية الحل ؟؟؟ انت عارف هنا الغرامة ٥٠٠ جنية على كل لمبة محروقة فى العربية و الغرامة تشمل كمان اللمبتين الصغيرين اللى بيظهروا ارقام السيارة من الخلف عشان اللى وراك لازم يعرف يقرا ارقام عربيتك من على بعد ٢٠ متر عشان فى حالة الحادث ليلا لو صاحب العربية جرى اى حد يعرف يقرا ارقام العربية بوضوح و هما مشددين غرامة الاضواء و الانوار الخارجية بالسيارة لأنها وسيلة التخاطب مع من حولك و الغلطة فيها مش بجون لأ بحياة انسان

للاسف هو دا حال الشعب لا مبالاه ومش مهم ارواح اي حد غير نفسه
ثقافه المخالف هنا في مصر واخده حقهما تحس ان الناس بتتلكك علشان تمشي مخالف و خلاص.
لازم يكون في اختبارات مرور حقيقيه مش شويه قراطيس و يطلع يقرف في مخاليق ربنا في الشارع علاوه علي الكوارث المحتمل حدوثها بسببه

[karem ali]

فعلن انت عندك حق كبير فى كل كلامك وانا كل يوم معدى من على الطريق ده وبشوف حوادث كتير اوى ومحدش يقدر يقول غير ربنا يكفينا جميعن شر الحوادث

[HaMaDa-ToUBaR]

متفق معاااااااااااااااااااك جدا وياريت فعلا كلنا نبقى هادين على بعض ومش ناخدها فتونة لانى فعلا بقيت بحس ان كل واحد بيحول يفرد نفسة ع التانى وبشوف دة كل يوم ويا سلام بقى على سواقين التاكس لما يكسرو ودامى ويزنقو عليا اكمن انا راكب زيرو ومرعوب اعمل اى حاجة بيها
لاء طبعا الحكاية بالنسبالى مش كدة منا كان عندى قبليها بيجو 505 وفولفو وانتم عارفين يعنى اية فولفو ومع ذالك عمرى ما فكرت اتفتون على حد لان الحكاية حكاية ذوق مش اكتر بس علشان اكون صريح معاكم بردة انا فى اغلب الاوقات اقف واستنى
واقولة ماشى يا سيدى
اتفضل عدى انت بس فى بعض الناس كدة يستفزونى لدرجة الجنون انى وقفتلة وعديتة وكمان مش عاجبة وعمال يبرطم وقتها مش بحط اى حاجة فى دماغى غير انى اعدى قبلة حتى لو العربية هيحصلها حاجة بس ميعديش هو وبعد ما يعدى الموقع وارجع اهدى اعد ما نفسى وازعل اوى من الى عملتة هو صحيح نادر جدا بس بتضايق وبقيت بكرة الخروج بالعربية بسبب تعب الاعصاب دة
ارجع فى الاخر واقول ربنا يسترها علينا كلنا من شر نفسنا وان الشارع المصرى بقى مفتقد لاقل حاجة فى الادب والاخلاق واسلوب التحاور
تسلم ياباشا على مشاركتنا بالحكاية دى ويارب بس الناس تتعلم او تبدا تاخد بالها من كدة ونصلح من نفسنا شوية اهو ع الاقل يبقى فى حاجة عدلة فى البلد مش يبقى الحال مايل من كلة

[BASSEM BESO]

خلاص الناس اتخنقت وزهقت احنا عايزين معجزة عشان نفوق والله

[the ultimate opportunity]

قدر ولطف والحمد لله على كدا وانا متفق معاك النص نقل غلطان