ممكن تفيدونى بخصوص السيارات اللى داخله من ليبيا

[احمد السيد ا]

السلام عليكم ورحمة الله وبركاته

ممكن حد يفيدنى بخصوص السيارات المستعمله اللى داخله لمصر من ليبيا
دى وضعها ايه يعنى مسروقه ولا متباعه عادى ولا ايه نظامها
وفيه واحد بيقولى انها بتتباع من شخص ليبى وبيجى معاها الرخصه الليبى بتاعتها
وهل ينفع ترخيصها فى مصر وتبقى ماشية قانونى
منتظر افادتكم وشكرا مقدما
انا كررت الموضوع هنا للحصول على المعلومات والافاده

[sherifabden]

نصيحة من اخ كان عايش في ليبيا 6 سنين
كل العربيات اللي اتجابت بعد الثورة الليبية مضروبة
حاجة زفت يعني
فانا رايي متجبش عربية جاية من ليبيا ابدا لانها مضروبة

[احمد السيد ا]

المشاركة الأصلية كتبت بواسطة sherifabden نصيحة من اخ كان عايش في ليبيا 6 سنين كل العربيات اللي اتجابت بعد الثورة الليبية مضروبة حاجة زفت يعني فانا رايي متجبش عربية جاية من ليبيا ابدا لانها مضروبة

شكرا يا باشا على الرد ونصيحتك
بس ممكن اعرف العربيات دى مضروبه ازاى ؟
وهل هى بتبقى مسروقه ولا لا؟
وجزاك الله كل خير

[sherifabden]

المشاركة الأصلية كتبت بواسطة احمد السيد ا شكرا يا باشا على الرد ونصيحتك بس ممكن اعرف العربيات دى مضروبه ازاى ؟ وهل هى بتبقى مسروقه ولا لا؟ وجزاك الله كل خير

والله ياباشا المشكلة ان الليبين مش بيبيعوا عربياتهم غير لما بتعمل حادثة
وفي حتت في ليبيا عبارة عن مقلب زبالة للعربيات
تلاقي عربيات حلوة مرمية فيها معرفش ليه
عموما تبقا تكشف عن العربية عند ميكانيكي وبوهيجي وفي بنزينه كمان
اما علشان تعرف لو كانت مسروقة ولا لا
لازم تكون العربية معاها ورقة الافراج الجمركي ضروري
لو غير كده ابعد عنها تماما

[احمد السيد ا]

المشاركة الأصلية كتبت بواسطة sherifabden والله ياباشا المشكلة ان الليبين مش بيبيعوا عربياتهم غير لما بتعمل حادثة وفي حتت في ليبيا عبارة عن مقلب زبالة للعربيات تلاقي عربيات حلوة مرمية فيها معرفش ليه عموما تبقا تكشف عن العربية عند ميكانيكي وبوهيجي وفي بنزينه كمان اما علشان تعرف لو كانت مسروقة ولا لا لازم تكون العربية معاها ورقة الافراج الجمركي ضروري لو غير كده ابعد عنها تماما

شكرا يا باشا على الافاده
وان شاء الله اتأكد من العربيه الاول عامله حادثه ولا لا واعمل عليها كشف
بس هى اكيد مش معاها افراج جمركى لانه بيدخلها وهو خارج بيعمل محضر للسرقه بيها علشان ميدفعش عليها جمارك او رسوم
بس هل هى فى ليبيا مش مسروقه من هناك ؟ ولا الاسعار عندهم رخيصه؟
وشكرا على افادة حضرتك