اتنصب علياااا من ناااافع بتاع اول شاارع دمشق الحراااامى ( سااااعدوونى )

[eng_karim_moh]

بلاش احسن بدل ما تحصل مشكلة كبيرة و هوا ياذينى اصلا

اولا طول عمرى اعرف ان الحرامى هو اللى بيخاف من الناس
اول مرة اعرف ان الناس هى اللى بتخاف من الحرامى

بص يا باشا انت تروح عنده تانى وتسيح قدام المحل وتلم الناس

ثانيا اسجل اعتراضى على هذه الطريقة لانها قد تؤدى لمالا يحمدعقباه
الافضل هو الطريق الرسمى للشكوى
صحيح الفاتورة ليست اصلية وممكن تكون دى ثغرته للافلات من العقاب
الا ان مجرد علمه بجدية شكوته لدى الجهات المختصة سوف تجعله
يتردد قبل ان يكرر نفس الشئ مع زبائن اخرى

تطبيقا لمبدأ (العيار اللى ما يصيبش يدوش)

ثالثا فى داهية ال 220 جنيه مقابل خبرة كويسة اتعلمتها من هذا الموقف قد تمنع عنك
خسارة مستقبيلية برقم اكبر من ذلك بكثير

تحياتى

[kira]

اولا طول عمرى اعرف ان الحرامى هو اللى بيخاف من الناس اول مرة اعرف ان الناس هى اللى بتخاف من الحرامى

الغشاش و المرتشى فى مصر موش بيخافو ولا بيختشو حسبى الله و نعم الوكيل

[wael_khaled]

النصب اصبح منتشر جدا والحل هو التنبيه على الناس كلها بالتزييف اللى بيخص وكل اللى يقدر على حاجه يعملها انا دلوقتى مثلا مش ها اشترى حاجه من نافع وكمان الاف غيرى يبقى هو خسر كتير
وده اول خساره وانت عليك الباقى يعنى انا كمان كنت عامل موضوع عن النصب فى شيرين كار ومش عايز اقولك كم الزبائن اللى قالوا انهم مش ها يشتروا من عندهم تانى تخيل انا لوحد موقف من عندهم اصحابى

[adel_520305]

اولا قبل اي خطوة اتاكد ان الميكانيكي لم يبدل الطرنبة والبائع بيع بدون فتورة تهرب ضريبي وشمع احمر فضيحة وغرمات تأخر ضريبي يعني قضايا وبلاوي كتيرة واوصف البائع والمحل ولا تذكر اسم المحل قضية ( سب وقذف واشهار ) ومن علبة الطرنبة توصل للبائع ان انكر البيع لك

[tom_gr]

صديقى العزيز
ياريت تسمع كلامى بالراحة كده

اول حاجة جرب الحل الودى وبقوة وحزم وهددوء ازاى؟

خد معاك اى حد من صحابك يكون شكلة واصل

وادخل على الراجل بقوة وهدوء وقوله كالاتى

انا دلوقتى البتاعة دى مش شغالة وانا مش غاوى يعنى مشاوير واكيد انا مش هاعرف ابوظها
ورحت لاكتر من صنايعى كلهم قالوا انها بايظة
وكده انا هاتضر لانى مش هاعرف اتعامل فيها
انما انت تقدر تتصرف فيها
وياريت تكسب زبون وماتخسرنيش
وعلى فكرة خالى مدير فى جهاز حماية المستهلك وانا مارضتش اروحله علشان الموضوع تافهه
وانا ماعييش فلوس علشان افرط فى حقى
فا لو تسمح هما حل من اتنين

ياترجع البتاعه دى وتدينى فلوسها

يا اما

اعمل معاك خدمة واخد بتمنها اى حاجة تانية ( وتكون تنفعك انت تقرر)
قلت ايه يا فندم ؟
وكلمتين ورد غطاهم لو لقيته لسه بيبلطج
اطلع من المحل فورا وقله انا عملت الى عليا

وروح كمل طريقك واشتكيه