أفيدوني ... ماروتي 2013 ولا ألتو 2013 ... محتار جدا

[asa1986]

السلام عليكم و رحمة الله و بركاته
أعزائي أعضاء المنتدى تحية طيبة لكم جميعا

منذ فترة و أنا أتابع هذا المنتدى الجميل لكي أصل لقرار في شراء أول سيارة في حياتي
في البداية أحب أعرفكم باحتياجاتي
1 - أنا من الإسكندرية وبقالي سنة شغال ومتزوج ومقيم بالقاهرة
2 - أنا ساكن في العبور وشغلي في المعادي
3 - بسافر إلى الإسكندرية من القاهرة 3 مرات في الشهر و إلى السويس مرة
4 - حاصل على الرخصة حديثا
5 - لست من محبي السير بسرعات تفوق ال 120
6 - أهتم بأن تكون العربية موفرة للبنزين و قطع غيار و صيانة رخيصة أكثر من شكل العربية
7 - الكماليات مثل السنتر لوك والزجاج الكهرباء يعني نص نص
8 - التكييف سواء للألتو بيجي متركب أو الماروتي بيتركبلها فعادي
9 - أنا حجيبها تقسيط بس مقدرش على سيارة أعلى من كدة لأني فكرت في اللانوس والفيرنا كتييير بس مش حينفع :|
10 - طبعا ال ABS والباور وأنظمة الآمان مهمة بس بما إن الواحد كدة كدة مش حيجري فيعني نص نص

**صياغة الموضوع مقتبسة من موضوع سابق للزميل ahmed shendi وكان في نفس الموضوع بس الكلام دة سنة 2008 وإحنا في 2013 وكمان مكانش لسة فس ألتو 2013 المختلفة**

هذه هي احتياجاتي أرجوا أن لا تبخلوا علي بالنصيحة
و السلام عليكم و رحمة الله و بركاته

[eng/walaaeldeen]

السلام عليكم
بالنسبه للماروتي 800 سي سي والألتو منها 800 سي سي و 1000 سي سي
الألتو ال 800 تقريبا زي الماروتي ولكن الماروتي ارخص يبقي الماروتي افضل
عن نفسي افضل الماروتي
والله اعلى واعلم
والله المستعان

[zing0]

الإثنين تقريباً واحد فى الإمكانيات بإستثناء التكييف و قدرة المحرك فى الألتو 1000 س س
طبعاً الماروتى متفوقة على الألتو فى الإنتشار و سهولة الصيانة و إعادة البيع و توافر قطع الغيار و رخص ثمنها.
الإثنين سحبهم ممتاز (يابانى بقى)
الألتو شكلها أحلى, بس برضه الماروتى شكلها مش وحش.
التكييف فى الإثنين (لو مش موجود) ممكن يركب, و إن كان هيأثر شوية على السحب.

أرشح الماروتى.

[Hisham.Elgazzar]

الالتو ثم الألتو ثم الالتو
وفى الآخر خالص لو قفلت يبقى ماروتى
عشان الألتو تستحمل معاك المشوار بإذن الله وتحس انك راكب عربية
وياسلام كمان لو جبتها مكيفة عشان الصيف

[إسلام البنا]

ماروتي منتشرة وقطع غيارها موجودة ومتوفرة والأسعار كويسة
الألتو يعيبها عدم الانتشار الجيد مثل الماروتي وزيادة سعر قطع الغيار عن الماروتي كذلك إعادة البيع الماروتي تكسب
ولكن من حيث الشكل والمضمون (موتور و فرش وكماليات) الألتو تكسب