فيلم" النار"قصة وسيناريو وحوار د0تامر محمد

[eygptphoto]

لو ينفع اسألك سؤال يادكتور .... هو انتا ليه حاطط السيناريو هنا مدام عاوز تحوله لفيلم ؟ارجو الحرص لأن اى حد ممكن ياخد فكرتك و يحولها فعلا لفيلم

[د0تامر محمد]

المشاركة الأصلية كتبت بواسطة eygptphoto لو ينفع اسألك سؤال يادكتور .... هو انتا ليه حاطط السيناريو هنا مدام عاوز تحوله لفيلم ؟ارجو الحرص لأن اى حد ممكن ياخد فكرتك و يحولها فعلا لفيلم

أولا الراويه مسجلة باسمى منذ أكثر من عشرة أعوام
ولو حدث سرقة للموضوع القانون يحمينى
ثم موضوع النشر المتتابع على أجزاء على النت مسجل بالثانية وهو اثبات للحق
شكرا جدا لاهتمامك

[هيثم شاهين]

مجهود رائع انا فى الانتظار

[د0تامر محمد]

-5-
داخلى /ليل
-------------
(ردهة شقة عماد -أثاث متواضع- يجلس عماد على أنتريه قديم-خلفه سفرة صغيرة-أمامه تلفاز قديم -يشرب من كوب شاى أمامه ويتابع التلفاز فى غير اكتراث)
ويأتى الصوت فجأة:
-السلام عليكم
(الكاميرا على وجه عماد 00ذهول وفزع)
يقول فى دهشة:
-أنت دخلت هنا ازاى
(الكاميرا على وجه الشاب الذى انقذه بالامس)
يبتسم الشاب ويقول:
-أنا ممكن أدخل اى مكان
قال وصوته يعلو:
-تبقى حرامى
ضحك الشاب وقال بهدوء:
-لأ طبعا00
لا حرامى ولا حاجة
أنا جاى عشان ارد لك الجميل
قال عماد فى ضيق:
-ياعم قلنا العفو وخلاص
أنت ح تطاردنى ولا ايه؟
قال وابتسامته تتسع:
-أنا عايزك تطلب منى أى حاجة00
لازم أرد لك الجميل
ضرب عماد كفا بكف وقال بضيق بالغ:
-يعنى هوه أنت مصباح علاء الدين
يا عم حل عنى أنا مش ناقصك
(ذهب عماد لباب الشقة ليفتحه00 وقبل أن يبلغه00 فتح باب الشقة من تلقاء نفسه فجأة00
الكاميرا على وجه عماد والذهول يسيطر عليه)
(قطع)
(الكاميرا على وجه الشاب والابتسامة تملؤ وجهه وفى عينيه بريق مخيف)
يلتفت عماد للشاب00
يقول بصوت متقطع:
-أنت ايه؟
ساحر؟
يضحك الشاب:
-يعنى00
أنا أسمى نور
قال عماد بضيق:
-تشرفنا يا سى نور
أشوف وشك بخير مع السلامة
قال :
-أنا ماشى 00
بس اكيد ح نتقابل تانى
(الكاميرا على ظهر عماد وهو ينتظر مرور الشاب وخروجه)
يلفت عماد فيتبين عدم وجود الشاب
(الكاميرا على وجهه الذى ينطق بالذهول )

[د0تامر محمد]

-6-
خارجى/نهار
--------------
عماد خارج من الشركة وخلفه بعض الموظفين00
يقف فى انتظار الحافلة وهو ينظر فى ساعته00
يلتفت يمنه فيجدها-منى زميلته الجديدة فى العمل-تقف أمام سيارتها الصغيرة الحديثة وتفتح غطاء المحرك وتبدو على وجهها حيرة00
يقترب منها00
يقول:
-أنا ممكن أساعد لو سمحتى
قالت بترحاب:
-ياريت00
مش عارفة العربية مالها 00مش راضية تدور
(يقلب فيها 00 ثم يدخل الى داخلها ويحاول ادارتها ولكن بلا جدوى 00 يبتسم وهو يخرج متوجها الى المحرك ليتبين العطل)
يقول فى ابتسامة عريضة:
-تعرفى أنى مهندس ميكانيكا
قالت متفاجئة:
-معقول
قال بخيبة:
-وأيه معقول ف البلد دى!
قالت بدهشة:
-انت فرصتك كبيرة بره الشركة
-جايز00
لكن أنا أكتفيت من زمان
-ليه ؟
أنت شاب ولازم تعمل مستقبل
نظر اليها فى شىء من الشرود00ثم اتجه الى الداخل وادار السيارة فدارت
قالت وهى تبتسم:
-ما أنت شاطر أهوه
قال مبتسما وهو يغادر السيارة:
-يعنى00
مع السلامة
قالت:
-لازم أوصلك
قال:
-مرة تانية00
أصل عندى كام مشوار كده
قالت باصرار:
-برضه أوصلك
قال منهيا:
-معلش 00أتفضلى انتى
رفعت حاجبيها فى دهشه وانطلقت وهى تقول:
-مع السلامة
قال:
-مع السلامة
وهو يتابع سيارتها وهى تبتعد

يتبع