المشاركة الأصلية كتبت بواسطة AUTO_FRANC
انا عندي 2000 برستيج و 1800 بيجو 405 بس انا كنت عاوز اعرف السوبر تشارجر فوايده ايه وطريقة عمله وافادته لمحرك السيارة
|
السوبر شارجر مهمته كبس هواء جبرى للموتور
- طريقة عمله دية طرق كتيرة جدا في اللى على الشكمان وبيتقال عليه تربو و فى اللى بيركب على سير الدينامو و بيتقال عليه شارجر و فى اللى بيشتغل بالكهرباء و بيتقال عليه اليكتريك شارجر
وفى بقى من كل نوع فى دول تصميمات بالهبل مثلا الشارجر فى منه لحد 2 تربينة زى الامبورجينى على سير الدينامو و فى منه الزنفتين الطوال اللى بيدورور على بعض و واحده كبس و واحده شفط و دول فى الفورد و الدودج و فى فى الكهرباء تصميمات ياما
انا عملت تصميمات
1- تربو شارجر كهرباء ( تربينة كبس )
2-سوبر شارجر كهرباء ( 2 تربينة واحده شفط و واحده كبس )
3-دول تربو شارجر كهرباء ( 2 تربينة )
4- دول برو تربو شارجر كهرباء ( 3 تربينات 2 شفط و كبس و واحده مساعده )
5- تريبل تربو شارجر كهرباء ( 3 تربينات كبس )
6-كواد تربو شارجر كهرباء ( 4 تربينات كبس )
7- كواد تربو شارجر كهرباء بالاكجسين المبرد ( 4 تربينات كبس و جهاز تبريد و تانكين اوكسجين للتحكم بنسبة الاكجسين بالهواء المحقون )
فايده انه بيرفع كفائة حرق الوقود و بيرفع معدل استهلاك الوقود فى المقابل بيدى عزم اكبر للمحرك و قدرة اعلى فى الانضغاط كل AFM زيادة بيديها التربو بتدى 144.9 هورس باور بمعنى لو موتورك 3.5 AFM و انت حطيت 4 AFM فهيكون الزيادة 0.5 *144.9=72.46 هورس باور زيادة على قدرة العربية لو انت حطيت 5 AFM هتكون الزيادة 1.5 * 144.9 =217.35 هورس باور اختيار مقاس التربو يعتمد على قياسات الموتور نفسه و ده ليه برامج و معادلات بتحسبه مش بيتم بشكل عشوائى
فى طرق مساعدة لرفع الاداء زى البساتم و درايفر الكاتينا و انظمة التبريد و الكهرباء و حاجات متطرفة زى النيتروز و الاوكسجين و السوبر فويل و طربات البنزين الاضافية
28-09-2013, 04:32 AM
رد: مواتير بيجو استيراد بالضمان والتركيب باسعار خاصة جدااااااا
