|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
 |
|
|
أدوات الموضوع |
|
|||||||
| منتدى السيارات العام المنتدى الرئيسي بالموقع ، حيث يحتوي على كل المواضيع العامة عن السيارات نقاشات المنتدى اخبار السيارات فى مصر والخليج والعالم |
|
|
|
أدوات الموضوع |
|
#1
02-01-2014, 01:54 AM
|
||||
|
||||
انا و الراديتير و ليلة رأس السنة !
سلام عليكم
بقالى كتير ما كتبتش هنا المهم من اربع ايام اخويا تعب شوية و والدتى اخدت العربية توديه المستشفى انا مكنتش موجود ساعتها و راحو خلصو و هما راجعين يركنو طلعت على بلاعة يجى نص متر و اللى ساعد فى زيادة الطين بلة ان البلاعة على منزل و والدتى اتوترت و داست بنزين بدل الفرامل كارتيرة الزيت اتخبطت و خرطو التكييف اتقطم و سرب الفريون كله و الراديتير كوعه اتكسر و غرق الشارع جيت لقيتهم بيحاولو ينزلو العربية و قعدت اساعد معاهم لحد اما طلعناها من البلاعة كلنا شيناها شيل هيلا بيلا 8 رجالة فى حالة زهول ازاى ده حصل !! قرطت على طبة الكارتيرة على قد ما قدرت و سبتها على كده و طبعا الرايش اللى فيها كله هاج على الموتور خلى الصوت وحش جدا بس الحمد لله انى هغير زيت قريب و جت على المعزز و السيرفيس اللى كنت حاطه عليه خرطوم التكييف حليته و لسه هنزل عين شمس و بعد كده الحرفيين ادور على خرطوم غيره او علاج عملى ليه الراديتير بقى و لأن العربية كانت عامله مشوار فسبته يبرد الاول و قعدت احاول الحم بالايبوكسى بعد ما نشفته تماما و سبته على ما نشف و عضم والكلام الفكسان ده - معلومة الراديتير عندى المونيا و العلب فيبر الوش اللى فوق بس هو اللى كان نحاس  و مليت ميه و جربت و جي بكبس بنزين راح اللحام كله مطرقع و مصرف الميه كلها على الارض قولت خلاص كده اليوم ده ملناش نصيب كان ساعتها جارى جالى بعد معاناة فى تدوير عربيته و جارى التانى كان لسه عامل حادثة فبقية الجيران كانت واقفه معاه لأنه كان مدشمل خالص بعد الشر عنا و عن الجميع يا رب هو يوم احد كان عجيب و مكنش فيه ميكانيكية حتى راح معايا لحد السباك و جبت نبلة بى فى سى و قولت الحمها مكان الكوع القديم لأنه كان اتكسر و ملهوش حاجه تخليه يمسك فى الراديتير و جبت ايبوكسى تانى و طول الوقت انا عمال اغير فى انواع و كلهم مكتوب عليهم 90 سيلزيوس و راسمين صورة راديتير و جربت الصينى و المصرى والامريكى بعد ما الراديتير نشف لحمنا وانتظرنا يعضم و قولت اجرب معملش مشاكل مفيش تسريب قولت الحمد لله جارى قالى اصبر اما نجيب الحرارة بتاعة التبريد وصلنا ل 90 و اذا باللحام كله بيضرب و بحر من الميه السخنة جت فى وشى و انا نايم تحت العربية شوتنى و بقى لونى اخضر منها تخيل جيركن ليون اخضر ب 45 ج بيدلق اصادك فى الأرض و انت غرقان و واقف تتصدم بس قفلت اليوم على كده و قولت والله ما انا عامل حاجه تانى و تاني يوم رحت على بتاع الراديتيرات - طلع حمار - و حليلتله الراديتير و مرضاش حتى يحط ايده فى حل ولا تركيب المهم طلعتهوله بعتنى اجيبله ماسورة بيى فى سى و قعد هو يجلخ و ينضف الراديتير بمية النار جاب الماسورة و جلخها انا فاكره هيلحم بلاستك بقى لقيته بيلحم ايبوكسى قولتله قالى ما هو انت غلطتك مسبتهوش يعضم قولت ماشى على التجربة و خلانى انتظر 3 ساعات على ما مسك و ركبنا و قولنا نجرب تمام تمام استنى يا اسطى اما نوصل 90 قبل التسعين كان اللحام كله فك من الماسورة اللى حاططها و ضرب ميه سخنة فينا لما قولنا يا بس قالى نحاول تانى بس تسيبه كمان يعضم فضلت معاه لحد 9 بالليل و فوت كل مواعيدى و يومى خرب و اكبس يا عم راح ضارب تانى قولتله متلمسوش سيبنى اعرف اروح بيه  قالى اوفقلك راديتير 127 يا عم ازاى يا عم ده 4 طرف و ده 3 طرف مفيش فايده دماغ خربانه قالى اغيرلك العلبة قولتله دية عربية جول قطعها مش موجودة اساسا يبقى هتلاقى علبة للراديتير بتاعها تاني يوم من الخراب و الفشل كلمت صديق ليا اسئله على راديتير قريب لعربيتى رحت المخزن عنده ادور فى راديتيرات بالليل لحد اما لقينا واحد بتاع جولف قريب من بتاعى بس نحاس مش المونيا رحت موديه عند بتاع الراديتير عشان يروقه و يكبسه تالت يوم رحت على المعاد المتفق مع بتاع الراديتير - ده واحد تانى صنايعى بس بمزاجه - ظبط الراديتير و فرد الريش و قالى ادهنه قولتله سيبه اما اشوف هيسقط ازاى و بعد كده ادهنه اخدت صنايعى يسند معايا من عند صديقى اللى اخدت منه الراديتير و قعدنا نركب و نظبط بعد ساعة جه وقت التجربة جربنا الكبس و الحرارة كله تمام لكن لقينا تعريق من عند العلبة  قولتله تعال نشوف فيه ايه حطينا ايبوكسى بعد ما فضينا الراديتير و نشفناه و لحمنا كتم و قولت انزل الصبح اشوفه اليوم الرابع على التوالى نزلت اشوف الرادتير و اسخن واكبس لقيت التعريق بيزيد مش بيقل رحت راجع بيه على صاحبى ركنت العربية و حلينا كل اللى ركبناه تانى و رحنا بالراديتير عند بتاع الراديتيرات و قعدنا نكبس و نشوف طلع فى تسريب فى قفلة العلبة ما بنش غير اما دورنا و سخنا المهم لحم و ظبط و رحنا ركبنا و ننتظر ان المروحة تدور ما تدورش اتابى الثرموستات باظ من لمبة اللحام لأنه كان بيبكس و هو راكب رحت جبت ثرموستات جديد و ركبت و طبعا الميه نزلناها تانى و رحنا مدورين لقيت تنقيط من عند كوليه الخرطوم رحنا مقرطين عليه كتم و لقينا تعريق من عند رباط الثرموستات على الزور بتاعه الميكانيكى جالنا قالنا اوعو تعافرو معاه انتو حطيتو تفلون قولنا لا قالنا طيب خلاص ابعدو عنده خالص و هيظبط مع الوقت هو الموضوع مش ملحوظ اوى نقطتين بعد كل مشوار فسكت و مرضتش افتح قصص تانية اجمالى الخسائر وقت 4 ايام كاملين ضاع 45 ج مية راديتير 30 ج ايبوكسى 25 ج تكاتك و لف بالراديتير 70 ج بتاع راديتيرات 350 ج راديتير 25 ج ثيرموستات خرطو تكييف + 60 ج شحنة فريون طارت + تشويه كارتيرة و لبست فى غيار زيت و فلتر زيت و قصافة عزيزة عليا اوى ضاعت فى محاولاتى فى الشارع و بعدين نزلت ادور عليها ملقتهاش انا لله و انا اليه راجعون بعد ما تنفست شئ من الصعداء بعلقة اخر السنة فى اخر الشهر فى 2013 الفكيسة قولت اشوف الراديتر القديم بقى اتسلى فيه شيلت كل الايبوكسى اللى على العلبة الى فوق اللى هو النحاس و لحمتها كلها قصدير من عندى بالكاوية جيت بقى على الكوع المكسور ده و جبت نبلة اكبر سنة من مقاسه و رحت مسخنه على الغاز عندى و سخنت النبلة و رحت كبسهم فى بعض بلاستك فى بلاستك و جيت مخدم حوليهم كلهم بطبقة بلاك عازل و بعد كده رحت فاتح السخان على الاخر و وصلت خرطوم على المية و بين الراديتير و سيدت الفتحتين بحتين بلاك عشان ايدى ما استحملتش المية وهيا بتغلى و كبسته الراديتر فى طشت كبير مسربش الحمد لله  رحت جبت صدر المروحة القديمة و المروحة شبطها عليه و هوفقله موتور ان شاء الله واستغله فى اى حاجه او اركنه   خلاصة المغامرة الجبرية السخيفة دية الحسد حق و العين فعلا حق بس ربنا كريم مهما حصل تيجى فى الحديد احسن ما تيجى فى حد عندك ابعد عن اى شئ اسمه ايبوكسى مفيش حد بتاع راديتير محترم هيقولك الحم بأيبوكسى او ارانديل او لحام بلاستك لو في بلاعة مكان ما بتركن هات البلدوزر و شيلها لأن مش حق الحكومة بنت التيت تعمل بلاعات فى الطرق بأرتفاع نص متر !!! دعواتكم ان ربنا يسترها و الموضوع بتاع التكييف و الزيت يعدو على خير و الراديتير ربنا يهديه و ميعملش حاجه تانى
__________________
|
|
#2
02-01-2014, 04:35 AM
|
||||
|
||||
رد: انا و الراديتير و ليلة رأس السنة !
بإذن الله سنة سعيدة عليك يارامى يارب وربنا يكفيك ويكفينا جميعاً شر الحسد والحمد لله انها جت على قد كدة
وتسلم ايدك على النصائح القيمة ديه كلها
|
|
#4
02-01-2014, 02:31 PM
|
||||
|
||||
|
رد: انا و الراديتير و ليلة رأس السنة !
الله يكون في عونك وحاسس بيك
انا اتحطيت في موقف شبيه من اسبوع كده وكانت بسبب عين برده اتنين عاوزين يشتروا العربيه العصر وبليل حصلي موقف زيك كده علي العموم حصل خير وربنا يسترها علينا ويكفينا شر الحسد
__________________
 استفسر عن دهان سيارتك !!! اللهم لك الحمد كما ينبغي لجلال وجهك وعظيم سلطانك ورشة إيه آي أوتو بينت لسمكرة ودهان السيارات
|
|
#5
03-01-2014, 03:48 AM
|
||||
|
||||
|
رد: انا و الراديتير و ليلة رأس السنة !
يا رب السنة دية تكون افضل من اللى قبلها و يعديها على خير انا شاكك يا جماعة ان ابلة فاهيتا هيا اللى علت البلاعة !!
__________________
|
|
|
|
