يا ريت تفيدونى اشترى 316i ولا c180 انهو اجدع

[mido 7asan]

يا جماعة انا محتار اشترى 316i ولا c180 انهو اجدع

[sherifabden]

موديل سنة كام ياباشا

[AbOnOrA]

مفيش حاجة اسمها اجدع او افضل العربيتين فيهم مميزات وعيوب ممكن تناسبك او متناسبكش حسب طبيعة استخدامك وذوقك واولوياتك

مثلا مثلاً يعنى
من حيث التصميم التصميم الخارجى بى ام بتعمل حساب الايروديناميكية مع الاعتبارات الجمالية والاكثر تحديثاً فى التصميم
بينما مرسيدس بتهتم برضو بايرودينمايك بس اولويتها اكتر فى شكل التصميم الرحب والاكثر فخامة والاقرب للكلاسيكية منه للحداثة

من حيث التصميم الداخلى مرسيدس بتدى اولويه اكتر للرحابة والعملية بينما بى ام دابليو التصميم الداخلى بالنسبالها الاولويه الاولى فى الجماليات والمقاييس الهندسية اللى تخدم شكل التصميم العام حتى لو جت شوية على الرحابة والسعة الداخلية

فتلاقى عربيات مرسيدس دايما اوسع وعملية اكتر من جوة وعربيات مرسيدس شكلهااشيك واكثر تعقيداً واقل فى الرحابة والسعة

ومن ناحية تانية كركوبة وسواقه تلاقى مرسيدس اعلى من الارض واكثر مرونة فى المطبات وعفشتها عمرها الافتراضى اطول وده كله لتعزيز طابع الفخامة والجودة المميزين لمرسيدس
وفى المقابل تلاقى عفشه البى ام ناشفه اكتر ومكوناتها اقل عمراً نسبياً لكن فى المقابل بتديك اداء متميز جداً واكثر رياضيه ومتعة

الخلاصة زى ما قولت فى البدايه ان الاتنين مدارس مختلفه فى العربيات والاتنين ركوبة وللاتنين عشاقها المؤمنين بيها والمقدرين للميزاتها

طبعاً اللى انا قولته ده مجرد مقارنة مختزلة لا ترقى لانها تكون مقارنة كاملة بين العربيتين علشان ده محتاج كلام كتير وموضوع كامل انا بس بديك فكرة عامة علشان تقارن من البدايه صح

واهلاً بيك فى مصر موتورز

[mido 7asan]

الف شكر يا ابو نوراااااا
انا بتكلم عن موديل 2012 يا شريف

[mohamed elshahat]

انا متهيألى على ما اسمع بصراحة ان اعادة بيع المرسيدس اسرع شوية من البى أم