#16
|
|||
|
|||
رد: قصة اول عربيه فى حياتك
اول عربية في حياتي كانت هتكرهني في كل العربيات اللي في الدنيا وكنت وصلت لمرحلة اني كنت هقطع الرخصة بتاعتها وبتاعتي وكنت هسوقها علي الدائري ونط منها وارميها من فوق الدائري واخلص هيه كانت 128 حمرا موديل 80 لبست في الحيط بيها جيبنها علشان اتعلم عليها لحد ما اجيب حاجه زيرو واتريها هيه اللي اتعلمت عليا مش انا كانت عاملة زي الشريط بتاع احمد حلمي في فيلم ظرف طارق لما كان بيرمي الشريط ويردله تاني كنت كل ما ابعها ترجعلي تاني واتنصب عليا بسببها في 1500 جنيه مشوفتش منها يوم حلو كانت عامله زي الزوجة النكدية بسببها كنت بقعد مع الميكانيكي والعفشجي والسمكري اكتر ما كنت بقعد ما اهل بيتي المهم ميجوزش عليها الا الرحمة راحت لصاحب نصيبها وربنا يكون في عونه زمانه بيكنس عليا السيدة زينب دلوقتي ونازل دعي عليها الله يسامحك يا ابو حميد فكرت الواحد بايام النوم تحت العربية
|
#17
|
رد: قصة اول عربيه فى حياتك
اول عربيه سوقتها في حياتي كانت نيسان لوريل 240موديل 84
الكلام دا كان سنه 1990 و كانت نازله مع واحد قريبي من الكويت ايام حرب الخليج و كنت مبسوط جدا و انا بتحرك بالعربيه و لكن بعد ما والدي وصل من السعوديه في نفس السنه و بدأ يعلمني علي الفيات 125 كنت مبسوط اكتر و لما بدأت اركب ال 132 كنت حطير من لافرحه و اعتبرت ان دي هيا عربيتي فعلا و كنت موهوم بيها و فرحان بيها اوي فعلا سعاده لا توصف وكنت بستني يوم الخميس بفراغ الصبر علشان والدي ياخدني يعلمني سواقه و بيدوب هيا سنه و بقيت باخد العربيه من وراه و انا عندي 11 سنه!!!!!! و الحمد لله ربنا سترها معايا دايما
__________________
حـازم خـضـر
|
#18
|
|||
|
|||
رد: قصة اول عربيه فى حياتك
الابيزا هي اول عربية في حياتي والدي كان جايبها زيرو سنة 94 و اتعلمت عليها و استحملت بهدله التعليم و بحبها جدا و الحمد لله حتي بعد اتقان السواقه و بعد ما سقت عربيات تانيه اقوي منها برضه لسه بحبها و الحمد لله علي مدار 16 سنة معانا العربية دي فعلا عربية ممتازة
__________________
IBIZA |
#19
|
||||
|
||||
رد: قصة اول عربيه فى حياتك
والله يا شباب ان الموضوع ده جميل جدا عارفين ليه ؟ لانه بيفكر الواحد مننا بأيام جميلة وذكريات عمرها ما تتنسى ابدا بالذات لما تكون اول مرة تتعلم وتسوق فيها عربية وتمشي بيها لوحدك احساس كان جميل ، المهم اول عربية كانت عربية والدى العزيز وكانت تقريبا زى بدايات معظم الناس 0000؟ فيات 128 بس معلش مع احترامى يا جماعة لكل العربيات ال 128 اللى موجودة 0000ليه بقى ؟ العربية دى موديل 80 ولونها كان هادى وجميل أخضر كنارى ده مش ده المهم المهم انها كانت زيرو مع والدى من البداية ومكنش بيركبها كتير يعنى ممكن نقول مرة كل كام شهر 00000! غريبة صح ؟
هى الدى الحقيقة فعلا كانت على طول فى الجراج وكان ياخدنى كل اسبوع مرة للتنظيف وكمان تسخينها ومش بيسافر بيها ابدا ابدا لاى مكان اتعلمت عليها انا واخوى واصريت جدا نغيرها كان سنه 2001وجبت بعدها شاهين زيرو وبعد كام سنه بعتها وجبت هيونداى ماتركس 0 ايام جميلة وحلوة
|
#20
|
||||
|
||||
رد: قصة اول عربيه فى حياتك
موضوع جميل و كله ذكريات جميلة
بس الموضوع ده " أول عربية في حياتك" يحتمل التناول من وجهين الوجه الأول: أول عربية سقتها في حياتي كانت نيسان 180 B ستيشن موديل 1978 كانت ملك لولد يمني زميلنا في الفصل في السعودية و اول مرة سقت وانا في ثانية إعدادي عام 1984 الوجه الثاني: أول عربية أمتلكها في حياتي و دي برضه ليها معايا ذكريات جميلة لأنها بصراحة كانت "حب من أول نظرة" أتذكر أحد ايام شهر سبتمبر عام 1999 و انا أشاهد أحد البرامج الوثائقية الخاصة بفندق برج العرب على قناة ألمانية فوجئت بإعلان عن جميلة الجميلات البيجو 206 مش عايز أقول لحضراتكم كان شعوري ايه وانا باتفرج على العربية الجميلة و الإخراج الأجمل ...المهم فعلا جلست استنى أشوف الإعلان مرة واثنين وثلاثة و انا لاأصدق ان في عربية بهذا الجمال تم صنعها على يد البشر المهم ثاني يوم ماكذبتش خبر و رحت مكلم وجيه اباظة و سألتهم عن العربية و كان مندوب المبيعات " اسمه عمرو الحديدي على حسب ما انا فاكر" كان في غاية الإندهاش إن في حد يعرف العربية دي و بيسال عليها .. المهم الراجل وضحلي ان العربية دي لسه الشركة حتعلن عنها بعد شهرين يعني في نوفمبر و سوف يتم فتح باب الحجز في يناير و طلبت منه انه يكتب اسمي و تليفوني و يتصل بي اول ما يفتحوا باب الحجز وفي احد الأيام السعيدة في يناير 2000 اتصل بي السيد عمر الحديدي و طلب مقدم حجز 10 الاف جنيه و حجزت بالفعل 206 1400 سي سي و اخترت اللون النبيتي و بحمد الله استلمت العربية في ابريل 2000 ضمن اول 60 عربية دخلوا البلد ...و كانت عربيتي أول عربية في بورسعيد ..و ايضا في الغردقة وكان الناس بيوقفوني يسألوني عليها...و العبدلله طبعا كان في غاية السعادة... تم بيع العربية دي في نوفمبر 2001 بسبب زنقة مادية لمشروع زواج لم يقدر له الله النجاح ...و الحمدلله على كل شيء معلش طولت عليكم |
|
|