مشكلة فى فيات 132 ( مش عايزة تدور بعد العمرة )

[mr_astra]

مبروك لتوصلك للعيب وصدقنى انا بفرح اكتر من صاحب المشكلة لما يتحل العيب

اة انا اللى قفلت العمرة با ايدى

طب دة كلام ازاى بتقدر تقفل موتور بايدك وسايبنا هنا لوحدنا ..... لا ما ينفعش يا باشا لازم تكون متواحد معانا باستمرار عشان كلنا نستفاد ******* دة المفروض كنت عملت موضوع للعمرة مدعم بالصور

[هشام الضبع]

تصدق والله العظيم تاهت عن بالى والله انى اصورها
والله هو الموضوع سهل بس بيكون محتاج يكون عندك ونش سبية علشان نقدر ترفع الماتور من العربية وبعد ما رفعت الماتور فكيت وش السلندر وبعد كدة فكيت الفتيس بقا البلوك قدامى فية البساتم
قلبت الماتور فكيت الكارتيرة
بعد كدة ظهر ليا الكرنك ومسامير البيلات وفكيت الكرنك وطلعت السبيكة وبعد كدة طلعت البساتم

وروحت لخراط عمل ليا شمايز جديدة على حجم البستم ومسح ليا البستم وظبطة
بس المشكلة كان الكرنك عندى 0.40 فا طبعا الخراط قالى الكرنك هايكون 0.60
وفى الورشة قعد ليا السبيكة على الكرنك والبساتم
وكمان وش السليندر قشة على المخرطة وركبت دلايل جديدة وطقم صبابات

وانا اخدت منة البلوك ووشش السلندر بعد 3 ايام وتكلفة الخراط كلها عملت بظبط 640 جنية

يبقى حساب الخراط 640
واشتريت طقم شنابر ايطالى 105
وطقم سبيكة 300 جنية ايطالى الانى ملقتش الاسف المصرى ابو 160 جنية
واشتريت طقم جونات 120 حنية فيها كل الجونات
وسير كتينة المانى 55 جنية

وبعد ما جبت كل حاجة غسلت البلوك ووش السلندر كويس جدا با الجاز وبعد كدة با البنزين

واول حاجة عملتها البساتم بس كنت عامل علامة على كل بستم وعلى كل كرسى من كراسى البستم وكراسى الكرنك ورسمة لكل حاجة انا فكيتها

وبدائت اجمع لكن الخراط اللة يبارك فية قعد ليا السبايك كويس على البساتم وعلى الكرنك ودة اللى سهل ليا

وبعد كدة جيت الاصعب حاجة وش السلندر بس اللى نفعنى ان الخراط ظبط ليا وش السلندر وكان الصبابات مش محتاجة رودية الانها جديدة بس الاصعب هى السوست بتاعة الصبابات

وبعد كدة جمعت الفتيس فى بلوك الماتور من غير وش السلندر
ورفعت الماتور وسقطة فى العربية وركبت القواعد وقاعدة الفتيس وركبت عمود الكردان وبعد كدة ثانى يوم نزلت وش السلندر وركيبت السير وظبت التقسيمة لحد ما صدفتنى المشكلة ان الهربية مش عايزة تدور

بس اهم شىء فى التجميع هو انك تعمل علامة لكل حاجة انت فكيتها

[mr_astra]

الله ينور عليك

[Hisham.Elgazzar]

الف مبروك الإصلاح ويارب تدوبها ف الخير

[zing0]

الله ينور عليك