خلاصة الكلام فى ظبط فيشة الاوكتان ( بالصور )

[mistek]

في وصلة تحت كرسي السواق هي ده؟؟

عربيتي لانوس 2007 half option

[Mr.Mostafa veto]

المشاركة الأصلية كتبت بواسطة احمد على 1999 ال idle learn 1- يفضل تكون العربية باردة 2- افصل البطارية لمدة 10 ثوانى على الاقل ( يكفى فصل الطرف السالب ) 3- وصل البطارية 4- افتح الكونتاكت على الوضع on بدون ادارة المتور لمدة 5 ثوانى 5- الكنتاكت off لمدة 5 ثوانى 6- الكنتاكت on لمدة 5 ثوانى ثم قم بادارة السيارة ( على الوضع p لو الفتيس اتوماتيك ) 7- انتظر حتى تصل السيارة لدرجة حرارة التشغيل الطبيعية ( و ذلك عندما تعمل المروحة و قد يمر من 10 الى 15 دقيقة للوصول لهذه الحرارة ) 8- قم بتشغيل التكييف لمدة 10 ثوانى ( لو بها تكييف) 9- افصل التكييف لمدة 10 ثوانى ( لو بها تكييف) 10- لو السيارة فتييس اوتوماتيك امسك فرامل اليد ثم اضغط على الفرامل و ضع الفتييس على وضع d 11- قم بتشغيل التكييف لمدة 10 ثوانى ( لو بها تكييف) 12- افصل التكييف لمدة 10 ثوانى ( لو بها تكييف) 13- بطل الماتور و بهذا تنتهى عملية التعليم ده تقريبا مالوش لازمة الا فى حالات نادرة لان لو البطارية اتفصلت لمدة تزيد عن عشرة ثوانى فبيتمسح من كميوتر العربية خطوات التعامل مع صمام ضبط هواء السلانسيه IDLE AIR CONTROL VALVE لان كميوتر العربية هو الى بيحدد حركات الصمام (تقريبا حاجة و خمسين وضع للصمام) بناءا على الاتى 1- درجة حرارة المياه (يعنى زى الشفاط ايام زمان ) و انت بتسخن بيقبى قافل الهواء علشان يعلى نسبة البنزين الى الهواء و بعد ما العربية تسخن بالتدريج الصمام بيفتح حتة حتة من خلال الكمبيوتر الى بيعرف من خلال الثرموستات الكهرباء الى راكب على يمين البلوك تحت الكويل 2- لو شغلت التكييف المفروض لو مافيش تحكم فى الصمام ده العربية حتبطل على السلانسيه لكن الكميوتر لما يحس ان التكييف اشتغل (من خلال حساس ضغط الفريون) علاطول يحرك الصمام علشان يحافظ على RPM السلانسيه و العربية متبطلش 3- اثناء التغيير ما بين النقلات ( يعنى لما تدوس دبرياج ) الصمام ده بيحافظ على الRPM انها متقلش علشان العربية متبطلش 4- التوقف السريع تلاقى برضه الصمام ده معلى ال RPM شوية يديك فرصة لو حتمشى تانى تبقى سهل تطلع و لو طولت شوية فى الوقوف بيرجع ال RPM طبيعى تانى 5- و يمكن ليه حاجات تانية انا مش عارفها دلوقتى المهم الطبيعى ان الكمبيوتر عارف فلما بتفصل البطارية و تيجى توصلها تانى بعد مدة (10 ثوانى فاكثر) الكميوتر بينسى كل حاجة عن التحكم فى الصمام ده فتعمل الخطوات دى علشان يتعلم IDLE LEARN بس ممكن تمشى بالعربية من غير ما تعملها و تلاقى العربية مبرجسة كام يوم (او اقل من يوم لو مشييت و بطلت كتير) و تظبط لوحدها بعد كدة (يعنى بالبلدى اتعلمت لوحدها من تجارب الحياة من غير ما حد يعلمها) و الى عايزها ما تبرجس معاه الكام مرة دول يعلمها هوا بالطريقة دى و فى النهاية مفيش ضرر من عدم عملها

خيركم من تعلم العلم و علمه
شكرا من القلب للاستاذ الفاضل عصام غنيم و الاستاذ احمد على
معلومات فوق الابداع بكثير

و لو سمحتم لى هل يوجد فيشة اوكتان فى التيجو لانى اقدم على شرائها
و شكرا بجد من القلب حتى لو ان المعلومة دى مش هستفيد منها بشكل مباشر
على الاقل هقدر افيد غيرى بيها

[احمد الشناوى1981]

يا جماعه ايه اخبارالنوبيرا فين الجامبر بتاعها
بس طبعا والله تسلم ايدك موضوع جاااامد جدا

[احمد على 1999]

المشاركة الأصلية كتبت بواسطة Mr.Mostafa veto خيركم من تعلم العلم و علمه شكرا من القلب للاستاذ الفاضل عصام غنيم و الاستاذ احمد على معلومات فوق الابداع بكثير و لو سمحتم لى هل يوجد فيشة اوكتان فى التيجو لانى اقدم على شرائها و شكرا بجد من القلب حتى لو ان المعلومة دى مش هستفيد منها بشكل مباشر على الاقل هقدر افيد غيرى بيها

شكرا للتقدير العطر يا استاذ مصطفى
على قد خبرتى فى الصينى مسمعتش عن حاجة كده فى الاسبرانزا و ده يخلينى اميل ان فيها حساس تسقيف يغنى عن الفيشة

المشاركة الأصلية كتبت بواسطة احمد الشناوى1981 يا جماعه ايه اخبارالنوبيرا فين الجامبر بتاعها بس طبعا والله تسلم ايدك موضوع جاااامد جدا

و الله اعلم النوبيرا بتنزل من غير الفيشة ( مكانها موجود بس الجامبر مش راكب ) و يمكن برضه عشان فيها حساس تسقيف

[mr_lawyer]

ممكن اعرف الفيشة دى فين فى الماتريكس ..............