آخيرا الواحد بقى بيتعلم

[محمد حسن عبد الرحمن]

بسم الله الرحمن الرحيم

والسلام عليكم يارجالة المنتدى وكل الناس الحلوة فى المنتدى العظيم مصر موتورز.
أنا حاسس أنى كنت مقصر الفترة اللى فاتت فى المنتدى ومكونتش موجود بس السبب أن بكينام هانم (عربيتى) كانت بتلعب معايا شوية وبتهزر برخامة هو أنا حاليا لسة مجمعتش اللى صرفتو عليه من ساعات ما جوزتها أقصد (أشتريتها) بس هما حوالى 3000 جنية حتى لحظة كتابة هذه السطور وأمبارح عملت معايا حركة ندالة فى شارع جرين بمحرم بك كانت عند واحد صاحبى وقلت أغسل السيارة من أثار الشتاء والطينة والبلوى اللى عليها بعد ما غسلتها قولت أركنها فى حتة نشفها ونشفها والكلام ده كان حوالى الساعة 1.5 بالليل جاى أدور متدورش قولت أكيد داخل مياة فى الموبينة أو أحد توصيلاتها فقمت بعمليات التنشيف والمسح المعروفين وقمت بآدارة السيارة ولايوجد إجابة بعد قليل وأثناء الفحص على الأسلاك تبين أن السلاك الموصل من الأسبراتير إلى الموبينة مقطوع فتم التوصيل وحاولت آدارة محرك السيارة فلم يستجيب بعد التفكير والمناورت والمشاورات مع بكينام هانم فكت العمة بتاعت الكربراتير وكتمت الهواء الداخل الى الكربراتير وقام صديقى بادارة المحرك فاستيقظت بكينام من غفوتة بعد عناء دام لمدة ساعتين المشكلة هو أنى عندى السيرفو بتاع الفرامل بيدخل هواء للمحرك عند ضغط الفرامل أو عند بداية تشغيل المحرك المطلوب هل يوجد شخص بالأسكندرية يصلح السيرفو الخاص بالفرامل حيث أنى غيرته منذ شهرين بواحد أستعمال اللى هو عامل العيب ده دلوقتى وأين قد يكون العيب فى السيرفو هل الطاقية أم السكسبلف أم ماذا وأن شاء الله عن قريب هنكلم فى الحاجات اللى عملته منذ لحظة شرائى للسيارة بالمصاريف الخاص بها من كل شئ سوء تخليصا للأوراق أو شغل عفشة - كهرباء - ميكانيكا - والأعطال التى واجهتنى والحالة العامة للسيارة قبل وبعد أصلاح الأشياء التى كانت بها وأن شاء الله أجهز الموضوع وأنقل لحضرتكم عسى أن يستفيد الأخوة الأعضاء منه.

أخوكو محمد

[JILANCO]

اخي لم تذكر نوع السيارة

[mr_astra]

عودا حميدا
على فكرة العربية اشتغلت مش عشان كتمت الكربراتير بايدك
ولكن عشان فتحت العمة وشلت الفلتر والكربراتير بقى يطولة الهواء وبكدة دارت لان المياة نشفت
لما تغسل العربية
حط كيس بلاستيك على الاسبراتير والبوبينة
والعمة بيكون فيها خرم من فوق بينزل مية على الكربراتير
بالنسبة للسيرفو بصراحة حضرتك عملت انسب الحلول وهو شراء واحد استيراد
معرفش حظك طلع وحش لية
عموما اى حد بتاع فرامل سمعتة كويسة يفك السيرفو ويغير الطاقية ويحطلها بودرة تلج قبل التقفيل
ويغير اويل سيل اللى بين السيرفو والماستر وبالمرة غير الخرطوم
وربنا يصلحلك الحال

[samykhafagy2010]

الحاج سوسو كرم
عند دوران المطافى فى السيوف
وانسى الموضوع نهائى

[محمد حسن عبد الرحمن]

المشاركة الأصلية كتبت بواسطة [SIZE=5 JILANCO[/SIZE];805354]اخي لم تذكر نوع السيارة

السيارة لادا 2106 أو لادا 1500 موديل 83
ويوجد بالتوقيع سيارة مشابهة للسيارة التى معى
والف شكر لحضرتكو يارجالة وانا أسف أنى مكونتش موجود الفترة اللى فاتت بس أن شاء الله عن قريب سأكون معكم كما كنت من قبل .
وأرجو أن أراكم جميعا فى صحة وخير بأذن الله.

أخوكو محمد