ابسط شرح لـ over drive السيارات (الاتوماتيك)

[oousaoo]

[3bd0]

المشاركة الأصلية كتبت بواسطة ahmscu شكرا على المجهود الجميل ده،بس بالنسبالى انا عايز اقل استهلاك للبنزين فى جميع الاحوال يبقى المفروض اعمل ايه ومش مهم قوى عندى موضوع العزم والسرعه العالية

ببساطة شديدة انسا الزرار ده (اللمبة دايما مطفية)، وخلي رجلك دايما حنينة على دواسة البنزين، ده مش معناه متجريش، اجري عادي بس خد وقتك عقبال ما توصل السرعة اللي انتا عاوزها

عاوز تعرف انتا بتصرف بنزين قد ايه بص على عداد ال RPM، ده احسن مؤشر ليك، كل ما يعلى كل ما تصرف بنزين اكتر

مثال:
انتا واقف اول واحد في اشارة بعديها طريق مفتوح وانتا عاوز تجري على 120 مثلا، عندك خيارين:
1- توصل 120 في نص دقيقة = يبقى لازم تدوس على العربية جامد = هاتحرق بنزين بالهبل
2- توصل 120 على 10 دقايق = معناه هتزود تاتا تاتا وال RPM مش هايزيد عن 3 مثلا طول المدة دي = استهلاك بنزين اقل

انا عربيتي غول بنزين ودي اكتر طريقة بتجيب نتيجة معايا
انا من النوع اللي بحب ادوس على العربية، بس ساعات بجرب ابقى ماشي زي التريلات عشان اوفر بنزين
بدل ما بدفع مثلا جنيه بنزين كل اسبوع، بدفع نص جنيه، بتفرق جامد معايا

[elgdawy2007]

المشاركة الأصلية كتبت بواسطة 3bd0 ببساطة شديدة انسا الزرار ده (اللمبة دايما مطفية)، وخلي رجلك دايما حنينة على دواسة البنزين، ده مش معناه متجريش، اجري عادي بس خد وقتك عقبال ما توصل السرعة اللي انتا عاوزها عاوز تعرف انتا بتصرف بنزين قد ايه بص على عداد ال RPM، ده احسن مؤشر ليك، كل ما يعلى كل ما تصرف بنزين اكتر مثال: انتا واقف اول واحد في اشارة بعديها طريق مفتوح وانتا عاوز تجري على 120 مثلا، عندك خيارين: 1- توصل 120 في نص دقيقة = يبقى لازم تدوس على العربية جامد = هاتحرق بنزين بالهبل 2- توصل 120 على 10 دقايق = معناه هتزود تاتا تاتا وال RPM مش هايزيد عن 3 مثلا طول المدة دي = استهلاك بنزين اقل انا عربيتي غول بنزين ودي اكتر طريقة بتجيب نتيجة معايا انا من النوع اللي بحب ادوس على العربية، بس ساعات بجرب ابقى ماشي زي التريلات عشان اوفر بنزين بدل ما بدفع مثلا جنيه بنزين كل اسبوع، بدفع نص جنيه، بتفرق جامد معايا

تخيل الراجل ده بيتكلم صح!! بس فى نقطه انسى الزرار ده انا غير متفق معاه لان لو حتنسى الزرار ده يبقى ببساطه كان من باب اولى متعملش من اساسه بس لو انت من نوع الناس اليى بتنسى فعلا يبقى يفضل طبعا انك متستخدمهوش خالص لكن لو ذاكرتك قويه اوى يبقى تطفيه على طول بعد سرعه 90 او 100 بالكتير عشان تدى السرعه الرابعه فى الموتور غير كده طول منتا ماشى فى وسط البلد عادى وسرعتك محدوده خليه مقفول يعنى اللمبه تنور فى التابلوه لان ده بيدى عزم فى الموتور وهو عموما الاوفر درايف بيتفعل بالفعل بعد ما السياره تسخن يعنى سرعتك تبدأ من 50 او 55 كيلو بعد متعدى بقى 100 كيلو اطفيه بحيث تلغى اللمبه الموجوده فى التابلوه انها تنور وبكده تبقى فعلت الاوفر درايف لو انت بتنسى يبقى خليه شغال ودوس الزر عشان يطفى فى التابلوه وتفعل الاوفر درايف ساعتها عشان تسمح للفتيس ينقل للسرعه الرابعه والاخيره ودمتم بخير وفايده الاوفر درايف ده انه بيدى عزم للسياره فى حاله تجاوز سياره اخرى او فى حاله طلوع مطلع وانت محمل مثلا او فى حاله عاوز عزم للسياره وراكب معاك ناس كتير جواها او فى حاله ان ضغطك على دواسه البنزين جامد وبتحتاج عزم شديد لاى سبب كان غير كده ممكن تطفيه فى غير الاحوال المذكوره اعلاه بس زى مقال لك الاخ الفاضل متقرصش على السياره جامد واتركها تاخد سرعتها بالتدريج عشان متستهلكش بنزين بس موضوع الار بى ام ده ممكن يعلى عن 3 بس حيستهلك بنزين وعندك لغايه 6.5 مسموح بيه بعد6.5 حتدخل على العلامه الحمراء ودى معناها انك كده حتدمر الفتيس لا قدر الله ويتحرق على طوووووول او تدمر موتور لا سمح الله

[acounter01]

المشاركة الأصلية كتبت بواسطة ShekeeS دة موضوع للاوفر درايف والموضوع منقول للامانه مرة كمان علشان الحبايب 1- اللمبة منورة=الزرار مقفول=العربية مبتجيبش رابع وبتشتغل اول وتانى وتالت بس=حرق على التالت=سحب عالى=صوت موتور عالى بعد سرعة 80=استهلاك بنزين عالى 2-اللمبة مطفية=الزرار مفتوح=العربية بتجيب رابع وبتشتغل على كل النقلات اول وتانى وتالت ورابع=سحب متوسط على السرعات تحت 120=صوت موتور هادى=استهلاك اقل للمحرك 3-الوضع الطبيعى اللى مفروض تمشى عليه معظم الوقت ان تكون اللمبة مطفية، يعنى لمبة ال d فقط هى اللى تكون منورة فى التابلوه منقول

الف شكر علي النبذه المختصره وربنا يبارك لك

[moodey]

متشكرين يا شباب الله يخليكم أصل الواحد إشترى هيونداى فيرنا أتوماتيك إمبارح وسألت الموزع أيه فايدة الأوفر دريف أفتى أنك تخليه منور فى التابلوة يعنى تخليه مطفى على طول والواحد قلق وحسيت أنه مش فاهم حاجة وبيزحلقنى رجعت أتصلت بالصيانة النهاردة الجمعة علشان كانوا الموزع كان قافل لقيته بيقولى خليه شغال يعنى أطفى اللمبة اللى فى التابلوة و حسيت برضه أنه مش فاهم بسى الشرح بتاعكم فهمنى أنا حاسخن السيارة وهو مطفى يعنى اللمبة شغالة ولما أتحرك بالسيارة أشغله يعنى أولع اللمبة مش كدهة ولا أيه وألف شكر كمان مرة طيب ليا إستفسار أنا فى فترة التليين أشغله فى التحرك عادى ولا أطفيه
مع الشكر