تجربتي مع صيانه نيسان صنى 1000 كيلو مودرن موتورز

[mostafa mamdouh]

[إيزى موزو]

ياباشا ألف مبروك العربية
انا كمان مشترى صنى 2013 من نفس التوكيل بس بتاريخ 15 /1
من ا/ هشام مسؤل الحجز
هو انت إستلمتها بعد حجز قد إيه ؟؟؟
و بسعر كام ؟؟؟

[amourman]

هو الزيت مجانى والا بتدفع ثمنه واللا بتشتريه بمعرفتك؟؟

[alexpower]

المشاركة الأصلية كتبت بواسطة السيد هلهول انا عملت صيانه الالف كيلو بعد 20 يوم من استلامي للعربيه بمركز مودرن موتورز بالهايكستب بطريق سور المطار بتاريخ 8/1/2013 عن طريق الحجز بالتليفون والصراحه الجماعه غيرولي زيت 10000 كيلو وفلتر الزيت مجاني برسوم بسيطه 25 جنيه وناس منظمين جدا واستقبال vip وعرضوا علي تلميع السياره بالبوليش والشمع وغسيل ماكينه السياره كيميائي وتزويد الاطارات بالنيتروجين وغسيل صالون السياره والارضيه والدواسات والشنطه والتابلوه كانو كلهم بمصاريف بسيطه بم تتجاوز 210 جنيه وبتغيير الزيت والفلتر الاجمالي اصبح 255 جنيه وكان معياي واحد صاحبي وشربنا يمكن 4 مشاريب لكل واحد وفي ريسبشن استقبال للضيافه علي اعلي مستوي ومعامله فوق الممتازه وبعد مخلصت بكام يوم لقيت واحد من المركز بيتصل وبيسأل عن مستوي رضائي عن مستوي الخدمه وكمان بعدها بعشره ايام لقيت مندوبه من شركه نيسان موتورز بتتصل وبتسأل برضه عن مستوي رضائي من الخدمه ولمده حوال 5 دقائق فضلت تسألني عن مستوي الرضي من الخدمه ومن الصيانه ومن الاستقبال ومن مستوي مكان الضيافه ومن مستوي تربيط العفشه وعن استقبال مهندس الصيانه لي هل انا راضي عنه ام لا وعن مقترحاتي لتحسين الخدمه وناقص بجد وسوري يعني يمسحوا الحذاء للعميل لكي يرضي بصراحه مركز موردن موتورز محترم جدا وشركه صيانه للاهتمامها بالعملاء هي ونيسان موتورز فوق الوصف ودي شهاده قليله عليهم

الف مبروك ولو كانت متأخرة أنا كمان اشتريت نيسان الجديده بالاسكندريه ولسه مخلص صيانة ال1000 المجانيه المش مجانيه قال إيه المجاني هوا المصنعيه والتشيك علي السياره لكن المواد علي العميل ودفعت 360 جنيه سعر الفلتر والزيت بس بصراحه تعاملهم جيد جداً وغيرولي زيت 10000 كيلو وكله تمام

[heshamcar]

يا جماعة قصة الصيانة مجانية دة مش مظبوط دة كان عرض و خلص تغيير زيت 10000و فلتر ب 25 جنية
لكن الطبيعي في كل التوكيلات انك تدفع ثمن المواد المستخدمة لكن المصنعيات مجانية لصيانة الالف كيلو فقط