اى سؤال بخصوص اوبل

[Ahmed_lol2007]

المشاركة الأصلية كتبت بواسطة الغضريفى انا معروض عليا اوبل استرا ب26 ونص ايه راى حضرتك فيها انا دايخ على عربيه بقالى تلات شهور اصلا ومش لاقى للاسف

الاوبل عبارة عن حالة
لو شكلها كويس ممكن تأخدها التوكيل تكشف عليها وهما هيدوك تقرير عنها وبكل اللى فيها
لكن عموما السعر مش مريح نهائى

[nassar 504]

عايز اعرف بس نص خلفى اوبل فيكترا 95 عامل كام

[shamly]

اولا مشكور ليك على موضوعك المتميز ده خصوصا انه عن ماركه سيارات عالية الدقه والتكنولوجيا بالبلدي كده (عربيه ركوبه) وفي نفس الوقت معقده ميكانيكيا ومكلفه جدا جدا
ثانيا انا حبيت اشارك بصفتي من احد مقتني هذه السيارة المعقده وهي عقدتني فعلا .
انا(اعوذ من كلمه انا) ليا رأي شخصي متواضع
1-العربيه الاوبل عموما من ارقي وادق واحسن تكنولوجيا بالعالم وتأتي بعد بي ام ومرسيدس
2-للاسف وانا بقول للاسف العربيه دي ماتنفعش مصر نهائيا لانها اكبر من انها تكون في مصر لعده اسباب منها ظروف التشغيل والطرق المصريه ومحتاجه بنزين خالى من الرصاص مش اقل من96
3-تكلفة قطع غيارها غاليه جدا لكنها معمرة ولكن وعن تجربه فيها قطع غيار بغيرها تقريبا كل سنه مثل طلمبة البنزيبن ودي ياجماعه من اهم قطع الغيار وسعرها بالوكيل الماني 1200ج برة الوكيل 800ج وبرضه حساسات زي الميه والشكمان
4- ودي بقه اخر نقطه محدش بيفهم في الالماني خالص ولو بنسبة 50%والله ياجماعه انا مابفتري على حد الناس هنا سواء وكيل او ميكانيكي مابيفهموش فيها خالص اعلى منهم بكتير (وده عن تجربه شخصيه )
حد يقولي والعربيه معاك ولا بعتها ؟
العربيه لسه معايا ومش ناوي ابعها خالص مع كل عيوبها ومشاكلها معايا بس انا ماركبتش في حياتي عربيه زيها كفايه الثبات كفايه الصاج كفايه الابواب مازالت بتفتح على 3مراحل بس نصيحه اخيرة للمقبل على شراء العربيبه اياك تشتريها الا لما تتاكد انها بلا مشاكل واتاكد من الفتيس والباور ومكنة السيارة وشكرا لكم واسف على الاطاله

[bistavros]

ياجماعة أنا لسة مشترى اوبل فكترا موديل 2001 - 1600سىسى اخدتها ب 62.5 هل السعر دا كويس .. هى فابريكة من جوة وبرة .. زى الزيرو ..... أنا عايز حد يقولى على عيوبها ونقاط الضعف اللى فيها..

[MMMMM5]

لو سمحتم عايز اعرف مكان فيشة فحص الكمبيوتر فى الاوبل 1995 مكانها فى السيارة