ماذا تفعل لو صدمت سياره وصاحبها غير موجود ؟

[هيثمhs]

السلام عليكم ورحمة الله وبركاته

ماذا تفعل لو صدمت سياره وصاحبها كان غير موجود؟

هل بتقدر تتحمل مسؤولية خطأك -

ولا بتهرب بفعلتك -

ولا اش بتسوي -

اهم شي الصراحه يا شباب ادري كلكم بتتحملوا المسؤوليه لاكن ماقد هربت بفعلتك-

في انتضار اجاباتكم
__________منقوووووول_____ ___

[momen_bondok]

انا بصراحة كنت بعلم واحد قريبى السواقة الساعة 8 صباحا والشارع كان فاضى وفجاءة ظهر من شارع جانبى سيارة فارتبك وداس بنزين بدل الفرامل وخبط عربية مركونة ومفيش حد شافنا هو قال لى دة شرخ فى الاكصدام يعنى حاجة بسيطة وركبنا العربية ومشينا

بس انا بصراحة بعد ما طلعت البيت ضميرى كان بيقتلنى فنزلت دورت على صاحب العربية وكنت واخد فلوس معايا وعرفت انة صاحب محل البان روحت له حكيت لية اللى حصل وجة معايا شاف عربيتة وقال لى انت تاعب نفسك علشان كدة انا بصراحة ارتحت بعد ما قال انة مسامحنى

والمهم لما روحت حكيت لقريبى اللى خبط العربية الحكاية قال لى كدة تفضحنى قلت له انا شلت من عليا وعليك حِمل كبير صاحب العربية ممكن يوم القيامة يمسك فى رقبتنا
بس الحمد لله عدت على خير

[mohamedkamel8677]

المشاركة الأصلية كتبت بواسطة هيثم hs السلام عليكم ورحمة الله وبركاته ماذا تفعل لو صدمت سياره وصاحبها كان غير موجود؟ هل بتقدر تتحمل مسؤولية خطأك - ولا بتهرب بفعلتك -

حصلت معايا و كتبت ورقة برقم تليفونى و سيبتها تحت مساحة العربية و قولتلة إتصل بيا

[memodina1]

واتصل بيك ,,,,,,,,,,,,,

[Mohamed Magdy]

عملتها قبل كده
انا معايا رينو لوجان وراكن على الجنب اليمين ( الركن فى الحتة ديه مائل )
وهوصف الاول شكل الشارع
الشارع رايح جاى وفيه رصيف فى النص
على اليمين العربيات راكنة مائل , والجنب الشمال العربيات بتركن على الرصيف بشكل خطى
كده جميل قوى
وانا طالع من المكان اللى راكن فيه على اليمين فوجئت انى لزقت فى عربية من الظهر
وفوجئت ان اللى راكن شمال راكن صف تانى !!
والمعروف ان مينفعش حد يركن فى شارع 2 متر ونص صف تانى شمال
ومع ذلك معملتش عبيط وجريت رغم ان العربية صاحبها مش موجود وراكن غلط
نزلت من العربية وفضلت ادور على صحابها وسألت الناس اللى تعرفنى هناك على العربية المجهولة
وفجأة لقيت واحد طالع من عربية راكنة وراه وبيقول هى العربية بتاعتى عاملة ازمة ولا ايه
وقلتله بالنص : مفيش .. سيادتك راكن غلط ولما رجعت خبطها .. شوف هتتكلف كم وانا سداد
وكان الشاب محترم ومن العيال اللى مش فارقة معاها وبن ناس هاى يعنى
والعربية كانت ميجان هاتشباك مخبوطة فى البابين بالضبط
والراجل لما كلمته قالى فداك ولا يهمك كفاية انك وقفت ومجريتش زى ما الناس ما بتعمل
ورغم كده انزل الاقى عربيتى مخبوطة فى اماكن حساسة ومحدش بيتأسف او يسأل على صاحبها