خايف اشتري C3 ارجوكم ساعدوني

[AhmedDiafa]

ياريت بجد متسمعش كلام حد واسمع كلام نفسك لانك انت اللي هتركب العربية مش حد تاني انا كنت بسمع نفس الكلام دا من ناس كتير لكني قررت اجربها وفعلا لقيتها اجمل عربية في فئتها علي الاقل مش بيكانتو ولا اي تن كوري الصنع .

[farid shawky68]

لو السيارة سليمة وشركة بالكامل توكل على الله

[SALAHHAKIM]

معرفش غير ان c3 1200 بتستهلك بنزين بالقطرة خفيف جدا وشكل حلو وبتاخد 4 نجوم فى الان كاب n cap اما ال1600 الله اعلم

[عبد المنعم حازم]

المشاركة الأصلية كتبت بواسطة mohamedkamel8677 يا استاذ kokolata هرد على اسئلتك كلها اولا اللى انا قولتة دة انا مجبتوش من منتدى او من مقال لأ انا كنت بشتغل اخصائى فحص محركات ديزل فى SMC فى الدانمارك و دة توكيل يجمع فولكس فاجن و اودى و اوكتافيا و سيات يعنى فولكس و عائلتها و مر عليا عربيات من كل شكل و لون و بحكم على العربية من خلال التجربة و الواقع العملى و لو تبص على مشاركاتى مش هتلاقى فيها مثلا تقرير شامل عن العربية كذا و اقولك دى قاعدة عجلاتها اد كدة و ابعادها اد كدة .. لأ عشان سهل جدا انك تدخل على موقع الشركة المصنعة للسيارة و تاخد كل بيانتها لكن كل اللى بيتاخد و يتنقل دة ما هو الا دعاية الشركة لعربيتها و طبعا مش هيكتبولك عيوبها لأن عيوبها هتظهر لما تنزل فى الشارع و تمشى بدليل انك تسمع الشركات تقولك اية مثلا جيب ليبرتى الناس كلها عارفة ان من بعد ٢٠٠٣ افضل من قبل كدة عشان مشكلة الثبات و التنطيط على السرعات العالية هل الشركة لما صنعت الجيل الاول كانت عارفة مشاكلة و بتسمع كمان ان شركات كتير بتسحب عربيتها من السوق عشان ظهر فيها عيوب صناعة و من هنا بيكون حكمى و انا مش متابع حكاية الرالى دى عشان مليش فيها لكن هل انت شفت العربية بعد ما خرجت من الرالى و راحت على الورشة حالتها عاملة ازاى؟؟ و بعدين العربيات المصممة للرالى غير اللى احنا بنركبها ... و مع احترامى لملاك الفرنسى إلا انة اسوأ صناعة اوروبية ..و انا معاك انها عندها ثبات على الطريق و راحة فى القيادة و لكن لا تقارن بالعملاق الالمانى فولكس و يا ريت تسوق فولكس من ٩٨ و انت طالع عشان تعرف الفرق و كمان شوف فرق السعر بينهم اكيد دة مش من فراغ.. اما بخصوص الجودة فأنا قولت رأيى و مش هغيرة .. اما بالنسبة لمشاكل الصيانة فإعلم ان كل عُطل فى فولكس يُقابلة ١٠ فى بيجو و ١٥ فى سيتروين و ٢٠ فى رينو .. و انا قولت صحيح فى أحد مشاركاتى ان سعرها قليل عليها لكن لو حضرتك تكمل اللى انا قولتة هتلاقى كمان انى قولت ان الجودة و المتانة صفر و سعرها قليل بالنسبة لإمكانيتها و ذلك بفضل الارتفاع الجنونى فى اسعار السيارات فى مصر لكن على النطاق الدولى فالفرنسى يعنى صفر

التجربة خير برهان!! أنا أمتلك السيارة محل المناقشة منذ 3 سنوات وأنا المالك الثاني لها نفس الموديل سي 3 2007 1.6 وهي سيارة أقل وصف لها أنها رائعة وغيرعادية أشكر الله عليها كل يوم. أمتلك أيضا سكودا أوكتافيا كومبي مو 2005 ولا مجال لمقارنة السكودا (نفس تكنولوجيا الفولكس فاجن) من حيث الأعطال والصيانة والمصاريف فالسيتروين شبه مثالية والتكنولوجيا المثقلة بها تلك السيارة الصغيرة لا مجال لحصرها والراحة والثبات والتسارع.... وأنا عشت بألمانيا فترة وقمت باقتناء سيارات عديدة والحمدلله كالباسات مو 2004 كومبي والمرسيدس سي 220 ديزل والفورد مونديو 2010 كومبي بألمانيا وأزعم أني أقارن بعين خبيرة جدا وشكرا...

[عبد المنعم حازم]

المشاركة الأصلية كتبت بواسطة احمد الشناوى1981 أخيرا الحمد لله لقيت حد بيتكلم على العربيه من واقع تجربته الشخصيه هنا فى مصر عموما الرأى دا انا مبسوط بيه أوى لأن انا بحب شكل العربيه دى و كنت حابب أوى ان حد تكون معاه وشكر فيها وشكرا لكل الناس الى متفقه معى فى نفس الرأى.

التجربة خير برهان!! أنا أمتلك السيارة محل المناقشة منذ 3 سنوات وأنا المالك الثاني لها نفس الموديل سي 3 2007 1.6 وهي سيارة أقل وصف لها أنها رائعة وغيرعادية أشكر الله عليها كل يوم. أمتلك أيضا سكودا أوكتافيا كومبي مو 2005 ولا مجال لمقارنة السكودا (نفس تكنولوجيا الفولكس فاجن) من حيث الأعطال والصيانة والمصاريف فالسيتروين شبه مثالية والتكنولوجيا المثقلة بها تلك السيارة الصغيرة لا مجال لحصرها والراحة والثبات والتسارع.... وأنا عشت بألمانيا فترة وقمت باقتناء سيارات عديدة والحمدلله كالباسات مو 2004 كومبي والمرسيدس سي 220 ديزل والفورد مونديو 2010 كومبي بألمانيا وأزعم أني أقارن بعين خبيرة جدا وشكرا...