خايف اشتري C3 ارجوكم ساعدوني

[kokolata]

المشاركة الأصلية كتبت بواسطة يحيي خالد احمد هل هناك متخصصين لصيانه هذا الموديل وارجو كتابه ارقامهم ويا ريت رقم وعنوان مركز خدمه في القاهره يكشف علي العربيه ؟

ملف مجمع خاص بمراكز الصيانة والمتخصصين هتلاقيه فى الرابط ده
http://www.masrmotors.com/vb/showthread.php?t=24239

[mohamedkamel8677]

المشاركة الأصلية كتبت بواسطة kokolata "من قال لا اعلم فقد افتى" وقال علي رضي الله عنه: ولا يستحي من يعلم إذا سئل عما لا يعلم أن يقول الله أعلم. وقال مالك: من فقه العالم أن يقول لا أعلم فيارىت حضرتك تقولنا انت جبت كلامك ده منين هل عن تجربه ولا مقال مثلا مع العلم ان ستروين متصدره دائما سباقات الرالى باكثر من مركز مثلا فى احدى سباقات الرالى كانت السيارات الخمسه الاوائل عباره عن اربع سيارات C4 وواحده فورد, ولو جينا نتكلم عن عربيه كمثل هنكلم عن اكسارا2 والسبب انى امتلك هذا الموديل فكلامى ده عن تجربه 1- السيارة فرنسى بالكامل صناعه و تجميع 2- احد سيارات ستروين المتصدره للراليات 3- ثبات عالى على الطريق وفى المنحنيات مثل موديلات شهيره زى VW 4- خامات فرنسيه عالية الجوده (مش عارف ازاى تبقى "الضعف الشديد فى الجودة") 5- الموتور بتاعها 1600CC/16V/110hp وهوا نفس موتور C4 وموتور بيجو 307SW 6- بالنسبه "مشاكها فى الكهرباء و الالكترونيات" فتقريبا ده عيب كل السيارات الحديثه لانها تستخدم تكنولوجيا معقده وان لم يكن الشخص اللى بيشتغل فيها او بيصلحها على درايه كامله بالتكنولوجيا الخاصه بها سوف يؤدى ذلك الى حدوث مشاكل كثيره بالسياره. 7- سياره مليئه بالكمليات ووسائل الرفاهيه 8- سعرها قليل بالنسبه للامكانيات والجوده مقارنه بسيارات الموديلات الشهيره وطبعا الفضل كله فى ده يرجع لراى حضرتك وكل الناس المتفقه معاك فى الراى لان ده اعطانا فرص اننا بامكانياتنا المحدوده ان نتمتع بمثل هذا الجمال.

يا استاذ kokolata هرد على اسئلتك كلها اولا اللى انا قولتة دة انا مجبتوش من منتدى او من مقال لأ انا كنت بشتغل اخصائى فحص محركات ديزل فى SMC فى الدانمارك و دة توكيل يجمع فولكس فاجن و اودى و اوكتافيا و سيات يعنى فولكس و عائلتها و مر عليا عربيات من كل شكل و لون و بحكم على العربية من خلال التجربة و الواقع العملى و لو تبص على مشاركاتى مش هتلاقى فيها مثلا تقرير شامل عن العربية كذا و اقولك دى قاعدة عجلاتها اد كدة و ابعادها اد كدة .. لأ عشان سهل جدا انك تدخل على موقع الشركة المصنعة للسيارة و تاخد كل بيانتها لكن كل اللى بيتاخد و يتنقل دة ما هو الا دعاية الشركة لعربيتها و طبعا مش هيكتبولك عيوبها لأن عيوبها هتظهر لما تنزل فى الشارع و تمشى بدليل انك تسمع الشركات تقولك اية مثلا جيب ليبرتى الناس كلها عارفة ان من بعد ٢٠٠٣ افضل من قبل كدة عشان مشكلة الثبات و التنطيط على السرعات العالية هل الشركة لما صنعت الجيل الاول كانت عارفة مشاكلة و بتسمع كمان ان شركات كتير بتسحب عربيتها من السوق عشان ظهر فيها عيوب صناعة و من هنا بيكون حكمى
و انا مش متابع حكاية الرالى دى عشان مليش فيها لكن هل انت شفت العربية بعد ما خرجت من الرالى و راحت على الورشة حالتها عاملة ازاى؟؟ و بعدين العربيات المصممة للرالى غير اللى احنا بنركبها ... و مع احترامى لملاك الفرنسى إلا انة اسوأ صناعة اوروبية ..و انا معاك انها عندها ثبات على الطريق و راحة فى القيادة و لكن لا تقارن بالعملاق الالمانى فولكس و يا ريت تسوق فولكس من ٩٨ و انت طالع عشان تعرف الفرق و كمان شوف فرق السعر بينهم اكيد دة مش من فراغ.. اما بخصوص الجودة فأنا قولت رأيى و مش هغيرة .. اما بالنسبة لمشاكل الصيانة فإعلم ان كل عُطل فى فولكس يُقابلة ١٠ فى بيجو و ١٥ فى سيتروين و ٢٠ فى رينو .. و انا قولت صحيح فى أحد مشاركاتى ان سعرها قليل عليها لكن لو حضرتك تكمل اللى انا قولتة هتلاقى كمان انى قولت ان الجودة و المتانة صفر و سعرها قليل بالنسبة لإمكانيتها و ذلك بفضل الارتفاع الجنونى فى اسعار السيارات فى مصر لكن على النطاق الدولى فالفرنسى يعنى صفر

[ayman abdelrazek]

المشاركة الأصلية كتبت بواسطة mohamedkamel8677 السيتروين كلة مشاكل و مشاكلة اكتر من بيجو و السبب فى كدة رداءة الخامات و الضعف الشديد فى الجودة و مشاكها فى الكهرباء و الالكترونيات متتعدش حتى الموتور ممكن فجأة و بدون مقدمات تلاقية مطلع اصوات غريبة هاهاهاها نصيحة إبعد عن الفرنسى

ياراجل ده انت طيب اوىىىىىىىىىى
رداءة الخامات الله يسامحك
كلامك ده معناه حاجه من اتنين
1- انك متعرفش العربيه الستروين نهائيا ولا عمرك دخلتها ولا سمعت عنها
2-انك تكون راكب بنتلى او مازيراتى او ممكن استون مارتن

[mohamedkamel8677]

المشاركة الأصلية كتبت بواسطة ayman abdelrazek ياراجل ده انت طيب اوىىىىىىىىىى رداءة الخامات الله يسامحك كلامك ده معناه حاجه من اتنين 1- انك متعرفش العربيه الستروين نهائيا ولا عمرك دخلتها ولا سمعت عنها 2-انك تكون راكب بنتلى او مازيراتى او ممكن استون مارتن

عشان مفيش فى مصر سيارات جودة عالية بما فية الكفاية فأنتم بتقارنم فى افضل الاسوء و ممكن يكون حضرتك مش عارف تركب عربية محترمة نظرا لارتفاع اسعارهم و بالتالى مش عارف تقارن .. انصحك انك تقارن دايما بين الفرنسى و الكورى و الصينى لكن ابعد عن العملاق الالمانى عشان كبير اوى و مش اى حد يركبة و لا اى حد يتكلم علية

[ayman abdelrazek]

المشاركة الأصلية كتبت بواسطة mohamedkamel8677 عشان مفيش فى مصر سيارات جودة عالية بما فية الكفاية فأنتم بتقارنم فى افضل الاسوء و ممكن يكون حضرتك مش عارف تركب عربية محترمة نظرا لارتفاع اسعارهم و بالتالى مش عارف تقارن .. انصحك انك تقارن دايما بين الفرنسى و الكورى و الصينى لكن ابعد عن العملاق الالمانى عشان كبير اوى و مش اى حد يركبة و لا اى حد يتكلم علية

وضح بالفعل من كلامك انك ماعندكش اى درايه بالسيارات الفرنسيه لأنك وضعتها فى مقارنه مع السيارات الكورى والصينى ونحن بالفعل نلتمس اليك العذر على هذا
والنصيحه لك فلا تنصحنى ولا تكترث بنصحى
ونصيحتى انا لك ان تقوى معلوماتك الضحله فى السيارات الفرنسيه حتى تتحدث عن علم وعن درايه كافيه
اما بالنسبه للعملاق الالمانى اللى بتتكلم عليه فده مش موضوعنا عندك مواضيع كتير للمقارنه اللى من النوع ده ممكن تتكلم فيها