عضو جديد بستروين ax

[فهمى]

المشاركة الأصلية كتبت بواسطة roro2001 السلام عليكم فى حد فى هنا يعرف حد يكون فاهم فى الستروين العربيه بتسخن جدا انا ساكن فى شبرا مصر لو فى حد يعرف ميكانيكى وكهربائى حد يظبط العربيه علشان انا زهقت كل شويه اروح لحد ويعقدنى فى العربيه ويقولى مش اى حد بيشتغل فيها وايه اللى خالك تجبها وانا بصرحه العربيه عجبابى جدا بس عايز اظبطها كهرباء وميكانيكه

بعد ما تتأكد ان دورة التيريد مافيهاش هوا وأن مروحه الرادياتير بتدور بشكل طبيعى وجيد .وووووووووو........... والرادياتير ما تغيرش من 10-12 سنه يبقى كده الرادياتير مواسيره من الداخل مصديه والرادياتير الأصلي بتاعها مواسيره ما بتتسلكش والحل ايه ؟ تفك الرادياتير وتطلعه بره العربيه نصف كوب ماء بطاريه ( حامض 30%) +لتر ماء وتحطهم فى الرادياتير بعد سد مداخله وترجه رجتين تلاته لمده 10-15 ثانيه وتفرغه ها ينزل بلاوى وبعد كده غسله جيده جدا لأزاله اثر الحامض وبعد كده ركب وخد هوا ودور الحكايه دى انا عملتها لما الرادياتير جاب أخره معايا وجاب نتيجه جيده جدا وقعد بعدها سنتين مافيهوش مشكله الحراره وبعد كده انا أضطريت أغيره لأن كان فى شرخ في الفبر تحت غطاء الراديتير (من فتره قبل ما حط الحامض )كان قارفنى وكنت كل شهرين تلاته الحمه .......... او أشترى دماغك وغير الرادياتير لأن العربيات دى بقالها على الأقل 15 سنه يعنى كتر خير الرادياتير .......... طبعا مين عملى الشغلانه دى واحد معرفه صاحب ورشه عملهالى بالضرب فوق دماغه لأنه الصنايعيه اللى عنده ما بتشتغلش فى العربيه دى .

[aymangalal]

المشاركة الأصلية كتبت بواسطة فهمى بعد ما تتأكد ان دورة التيريد مافيهاش هوا وأن مروحه الرادياتير بتدور بشكل طبيعى وجيد .وووووووووو........... والرادياتير ما تغيرش من 10-12 سنه يبقى كده الرادياتير مواسيره من الداخل مصديه والرادياتير الأصلي بتاعها مواسيره ما بتتسلكش والحل ايه ؟ تفك الرادياتير وتطلعه بره العربيه نصف كوب ماء بطاريه ( حامض 30%) +لتر ماء وتحطهم فى الرادياتير بعد سد مداخله وترجه رجتين تلاته لمده 10-15 ثانيه وتفرغه ها ينزل بلاوى وبعد كده غسله جيده جدا لأزاله اثر الحامض وبعد كده ركب وخد هوا ودور الحكايه دى انا عملتها لما الرادياتير جاب أخره معايا وجاب نتيجه جيده جدا وقعد بعدها سنتين مافيهوش مشكله الحراره وبعد كده انا أضطريت أغيره لأن كان فى شرخ في الفبر تحت غطاء الراديتير (من فتره قبل ما حط الحامض )كان قارفنى وكنت كل شهرين تلاته الحمه .......... او أشترى دماغك وغير الرادياتير لأن العربيات دى بقالها على الأقل 15 سنه يعنى كتر خير الرادياتير .......... طبعا مين عملى الشغلانه دى واحد معرفه صاحب ورشه عملهالى بالضرب فوق دماغه لأنه الصنايعيه اللى عنده ما بتشتغلش فى العربيه دى .

أ/ فهمى كلامه 11111111111111++++ مظبوط 1000% يا roro2001
وماتصدقس اللى يقولك العربية وحشة او يعقدك منها... خللى اللى بيكرهك فيها يركبها لفة بس وشوف هايقولك ايه ... لان كل المعلومات الغلط عن العربية دى منقولة بالسمع من غير ماحد يجرب!!!!1العربية ممتازة بكل المقاييس بشرط العناية بيها والاهتمام بحالتها .....
واى صنايعى ميكانيكى-كهربائى-عفشجى-بتاع ريداتير... الخ ممكن يشتغل فيها ده لو عايز يشتغل فعلا
انت بس ركز واقع على كام صنايعى فى منطقتك يكونوا بيحبوا شغلهم وان شاء الله مش هتحتاج تروح لاماكن بعيدة عشان صيانة او تصليح وقطع الغيار موجودة فى الوكالة والحرفيين وعزبة شلبى والتوفيقية وجسر السويس
وربنا يوفقك
شكراً أ/ فهمى على الافادة

[spera516]

مبروك العربيه ولو الحالة ممتازه زى مابتقول 17 الف حلال فيها

بالنسبه للتكييف مش مهم وانصحك ماتفكرش تركبه لانى مش مقتنع بالتكييف لمثل هذه السيارات وبيكون حمل على الماتور

[aymangalal]

المشاركة الأصلية كتبت بواسطة spera516 مبروك العربيه ولو الحالة ممتازه زى مابتقول 17 الف حلال فيها بالنسبه للتكييف مش مهم وانصحك ماتفكرش تركبه لانى مش مقتنع بالتكييف لمثل هذه السيارات وبيكون حمل على الماتور

اختلف مع حضرتك شكلا وموضوعاً للأسباب الاتية:
- قوة الموتور 1400 CC = حوالى 70 حصان تقريبا عزم كبير بالنسبة للوزن
- وزن العربية 750كجم تقريبا = لا تحتاج عزم كبير فى السحب
- الصالون صغير نسبياً "لانها هاتش باك" =مساحة قليلة تكتفى باقل نسبة تبريد
وبناءاً على ما تقدم وتجربة شخصية لصديق مقرب "وليس تجربتى الشخصية" وبطريقة علمية نجد ان التكييف يناسب السيارة بكل المقاييس...
وخصوصا فى الايام اللى جايه بالحر اللى مايعلم بيه ربنا....هههههههههههههه

ده كان مجرد رأى

[احمد عصمت محمد]

استاذ ايمن عامل ايه فييييييييييييييييييييييين ك بقالك فتره مش سامع منك اي حاجه حمدلله على السلامه
:0369 B3~177: