ستروين c3 مجنانى ومحتاج اعرف

[ezoo]

عايز اجيب c3 بس مستورده من فرانسا بمواصفات فرنسية بس خايف معرفش ابيعها بعد كده لانى هسافر قريب

[mahmoudnada80]

الستروين الc3
عربيه جميله و شبابي و موتورها جيد
العربيه تعتبر اخت ال206
تقريبا معظم العفشه الاماميه والخلفيه واحده
الموتور واحد برده
العربيه حاجته متوفره في الحرفيين ومش غاليه اوي بالنسبه لعربيه زي دي
يعني لا تقارن بينها وبين الكوري
وبعدين انتوا بتتكلموا علي الكبالن ليه
العربيه دي مش زي الكوري بتاكل كبالن
يعني لو جبت كبالن استيراد ( سعرها من 400 الي 600 ) ممكن تعيش معاك لغايه لما تبيع العربيه
وممكن تجيب العربيه وتبيعا وماتشتريش كبالن حتي لو قعدت معاك 4 سنين

[tofy24]

السلام عليكم بمناسبة ان البنزين هيغلى كنت عايز اعرف استهلاكها فى البنزين اد اية وشكرا

[mido finlandy]

انا معايا c3 1600 cc بتعمل 200 كيلو متر فى الصفيحة (20 لتر )

[rahieb_100]

شوف يا سيدى
مش ممكن هاتلاقى عربية الناس كلها متفقة عليها...انت تشترى العربية اللى تعجبك وتكون مقتنع بيها ساعتها هاتستحمل اللى تعملوا فيك لكن لوجبت عربية حد تانى قالك عليها وانت مش مقتنع لو الكاوتش اتخرم تبقى عربية مش كويسة !
بالنسبة للستروين او العربيات الاروبى عموما قطع غيارها مش رخيصة زى الكورى (فيرنا او لانوس مثلا).
انا معايا اكسارا معرفش C3 نظامها ايه عمرى ما قابلت مشكلة مع قطع الغيار وكله موجود. فى صينى وتايوانى وفى فرنساوى او اتحاد اوربى وكمان فى الاستيراد.
غالبا الحاجات اللى مش هاتلاقيها غير استيراد هى الكماليات زى الكاسيت مثلا