دخان أبيض مفاجئ من شكمان الـ 127 بعد 3 أيام من عمرة موتور.

[EgyZizo]

السيارة فيورا 127
كانت المشكلة ان الزيت بينقص والموتور بيعرق زيت من كل حتة ، والشكمان على طول فيه زيت أسود ..
الميكانيكى حل المكنة علشان يشوف الصبابات ، فلقى ان البساتم عايزة تتغير ويعمل خراطة .. وقد كان. وقال لى دى كده مش عمرة كاملة علشان فيه حاجات كويسة ومافيش داعى تتعمل.

الميكانيكى قال لى هتلاحظ ان فيه دخان أبيض مائل للزرقة من الشكمان طول ما انت ماشى فى الفترة الأولى علشان الشكمان غرقان زيت ، وبعد كده هيروق لما الزيت يطير.

بس بعد ما استلمت العمربية بـ 3 أيام وماشى بيها لقيتها بدأت تنتش مرة واحدة ورائحة دخان كثيفة وباضرب بعينى فى مراية الصالون لقيت دخان أبيض بكثافة منقطعة النظير (زى الدخان بتاع العربية اللى بترش علشان الناموس) .. وبعدها العربية بطلت فركنت ، وكان فيه قهوة مكان ما ركنت فقعدت عليها شوية.

بعد كده قمت دورت ومشيت ، لقيت التنتيش راح ، بس الدخان استمر وان كان بكثافة أقل.

وتانى يوم رحت للميكانيكى فراجع على كل حاجة وقال لى كله تمام ومافيش مشاكل بس ما ادانيش تفسير للى حصل.

والحقيقة من بعدها (فات أسبوع) الموقف ده ما اتكررش تانى.

ايه رأيكم ..

[mr_astra]

طب الزيت اهم حاجة بينقص ولا مستواة ثابت؟؟؟؟؟

[EgyZizo]

شكراً على الرد ، هابص وارد على حضرتك.

[gtr]

النتشة ما لها علاقة بالعمرة.
ما له علاقة بالنتشة:
- البوجي (الفروض تتغير كل 50 ألف كم)
- فلتر البنزين (الفروض تتغير كل 50 ألف كم)
- أسلاك البواجي (يتم فحص التوصيل عند كهربائي فاهم)
- الكويل (أيضًا يتم فحص التوصيل عند كهربائي فاهم)
- تنظيف الرشاشات أو الكربريتر.

و الدخان الأبيض إذا راح يعني خلاص ما فيه مشكلة. يعني نفس التنبيه الي نبهك عليه.

[mohameddipow]

سبحان الله وبحمده