رابطة مالكي الكيا سيفيا فيد واستفد ( صداقة - نقل خبرات )

[saeedhamdy]

المشاركة الأصلية كتبت بواسطة sameh_saso السلام عليكم يا احلي مالكي للكيا سيفيا انهارده فكرت في الموضوع ده واعجبتني كتيرا هذه الفكرة وبالاخص انه يوجد خبرات كبيرة ومشاركات رائعة للاستاذ Sharooo والباشمهندس سمير وكل خبراء المنتدي هايساندونا وهايكونوا معانا ان شاء الله . وكمان هانستفيد من تجارب وخبرات الزملاء من مالكي الكيا سيفيا وكلنا نشارك بالمعلومات علشان بأذن الله هايبقي موضوع متجدد ومنظم طبعا. كلنا بنمر بتجارب واثناء تصليح اعطال العربية من ( ميكانيكا - كهرباء - عفشة - قطع غيار ) ياريت كل واحد يفتكر تجربته وينقلها سواء من تصليح وتكلفة صيانة العربية وكل حاجة علشان الكل يستفيد وبالاخص الزائرين الكرام. وكمان علشان فعلا العربية دي محترمة ولازم تاخد حقها في موقعنا الجميل . ورونا الشغل يا سيفاوية وربنا معانا

رابطة مالكى السيارة كيا سيفيا >>>>اسم جروب على الفيس بوك,,,,,,

[midohema]

محدش عنده سيفيا سليمة للبيع تكون موديل 99 او 2000 ؟؟؟

[misho2008]

المشاركة الأصلية كتبت بواسطة saeedhamdy السلام عليكم اصدقائى..............اااا اااااسمعونى فى المشكلة دى وارجو الرد اانا معايا سيفيا مو 2000 لسة من حوالى شهرين عملت ليها جوان وش السلندر عشان خرطوم المية كان اتقطع المهم الحمد لله اتعمل بعد كدة امشى بالعربية تسخن لبعد التص بشرطة او اكتر مع الرغم ان النورمال بتاعى قبل النص بشرطة الميكانيكى طلب اشترى غظاء رداتير اللى لونو اصفر وجاب نتيجة 4و5 ايام ورجعت تانى لنفس المشكلة بعد المشى ب15 او 20 كيلو او لو فى اشارات مرور تسخن لاكتر من النص وبصرراحة زهقت جدا من الموضوع وبطلت اركبها وهل الكيا سيفيا فعلا بتسخن ولا اية الموضوع لانى خلاص بفكر ابيعها من اللى انا شايفو وشكرا ليكم جميعا

شوف طرمبة الماية - المراوح - تسريب من الرداتير

[fedodedo]

السلام عليكم ..
انا معايا سفيا 2000 بعد ما عملت طقم صيانة كامل من فلاتر وزيوت وسيور وشوية حاجات فى العفشة عملت حادثة على الصحراوى واتركنت عند السمكرى والدوكو تقريباً شهر ..

وبعدين مشيت بيها كام مشوار والبطارية جيت ادور مش راضية تدور .. وكانت جديدة مبقالهاش 3 شهور ..

المهم شحنت وركبتها تانى وكام يوم ولقيتها بردو مش عايزه تدور ,, روحت جايب اول امبارح بطارية Maxxis ب 400 جنية .

ومشيت معايا زى الفل ,, المهم ركنت العربية يوم ونص ونزلت علشان ادور مش راضية تدور لحد ما جبت كهربائى عملى وصلة ودورها .

هو قالى البطارية معاها كارت شوف التاريخ اللى مختوم على الكارت فلقيته 1/6/2011

ممكن حد يقولى هل قدم انتاج البطارية ليه علاقة على كفائتها ( البطارية جافة )

واسف على الإطالة ...

[midohema]

المشاركة الأصلية كتبت بواسطة fedodedo السلام عليكم .. انا معايا سفيا 2000 بعد ما عملت طقم صيانة كامل من فلاتر وزيوت وسيور وشوية حاجات فى العفشة عملت حادثة على الصحراوى واتركنت عند السمكرى والدوكو تقريباً شهر .. وبعدين مشيت بيها كام مشوار والبطارية جيت ادور مش راضية تدور .. وكانت جديدة مبقالهاش 3 شهور .. المهم شحنت وركبتها تانى وكام يوم ولقيتها بردو مش عايزه تدور ,, روحت جايب اول امبارح بطارية Maxxis ب 400 جنية . ومشيت معايا زى الفل ,, المهم ركنت العربية يوم ونص ونزلت علشان ادور مش راضية تدور لحد ما جبت كهربائى عملى وصلة ودورها . هو قالى البطارية معاها كارت شوف التاريخ اللى مختوم على الكارت فلقيته 1/6/2011 ممكن حد يقولى هل قدم انتاج البطارية ليه علاقة على كفائتها ( البطارية جافة ) واسف على الإطالة ...

ارجو التأكد من سلامة الدينامو ... لانه ممكن يكون مبيشحنش البطارية