رابطة مالكي الكيا سيفيا فيد واستفد ( صداقة - نقل خبرات )

[Sameh Ragih]

المشاركة الأصلية كتبت بواسطة abuzaid30 السلام عليكم اعضاء رابطة مالكى سيفيا المحترمين . . . بالمره اضيف على مشكلة الاخ الكريم Sameh Ragih مايلى : استهلاك البنزين عندى 90 كم فى الصفيحه !!!!! عملت عمره للموتور من 6 اشهر وغيرت الضفيره بالكامل والعربيه اصبحت جيده جدا عدا استهلاك البنزين اللامعقول . لاحظت فى الفتره الاخيره ان العربيه لما ابطلها واعود لتشغيلها فى نفس اللحظه تغيب فى الدواره وتحتاج دقائق لتدور ولو دارت قبل 5 دقائق تبطل وحدها رغم ان الصبح بتدور عادى بدون مشاكل !!!! ارجوا من الاخوه الافاضل المشوره

شوف يا أستاذي الفاضل... أنا بعد ما سألت طوب الأرض عن موضوع البرجلة و إستهلاك البنزين لقيت إن 85% من الناس سواء فنيين أو ملاك للسيفيا إتفقوا على حاجتين.. أولاً وضع العربية على الجهاز عند مركز متخصص. ثانياً تغيير حساس الشكمان و هو المسؤول عن إستهلاك البنزين العالي و حساس الأيدل و هو بيعمل عمل بيك السلانسيه في العربيات الكاربيراتير
سواء حضرتك عملت الكلام ده الأول أو أنا عملته قبلك يا ريت نكتب النتيجة علشان كلنا نستفيد

[midohema]

افيدونى يا ملاك السيفيا ... عندى مشكلة رخمة مضايقانى جدا" ... الدركسيون لما اكسره ناحية اليمين بيرد لوحده و ده العادى ... اجى اكسره ناحية الشمال ميردش و يفضل قافش ناحية الشمال و مش عايز يرجع لوحده ... لازم ارجعه انا ... اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟

[wessamsp]

السلام عليكم يسعدني ان اكون عضو من اعضاء الكيا سيفيا --- و لسه شاري عربية موديل 2000 -- لكن عندي مشكلة ان الموتور بيرشح زيت من نحية سير الكاتينة -- علما بان الموتور شغال بشكل طبيعي من تكييف وعزم الصعود في الكباري ومنسوب زيت المحرك شبه مستقر -- اي ان الزيت ينقص بضئالة -- فارجو من خبراء السيفيا ان يقولو لي ماذا افعل--- ولكم جزيل الشكر

[hany_roland]

المشاركة الأصلية كتبت بواسطة wessamsp السلام عليكم يسعدني ان اكون عضو من اعضاء الكيا سيفيا --- و لسه شاري عربية موديل 2000 -- لكن عندي مشكلة ان الموتور بيرشح زيت من نحية سير الكاتينة -- علما بان الموتور شغال بشكل طبيعي من تكييف وعزم الصعود في الكباري ومنسوب زيت المحرك شبه مستقر -- اي ان الزيت ينقص بضئالة -- فارجو من خبراء السيفيا ان يقولو لي ماذا افعل--- ولكم جزيل الشكر

عادي جدا يا باشا ده اويل سيل كرنك عاوز يتغير مش هيعدي 20 جنيه بس بما انك لسة شاري جديد يبقي غير سيور بالمرة والكاتينة عشان المنطقة دي مقرفة في شغلها وخلي ميكانيكي كويس يعملك كل الشغل ده عشان ميخلفش التقسيمة بتاعة الكاتينة

[wessamsp]

الف شكر يا استاذ هاني