اريد ان اقوم بمشروع في مجال السيارات ومحتار جداً واريد نصائحكم - اول مشاركة لا تردوووني

[mando_car]

السلام عليكم ورحمة الله

اولاً وبجد فعلا عايز اشكر صاحب المكان علي انهم فعلا موفرين منتدي ملىء جدا جدا بالمعلومات ألي فادتني كتير جدا جدا . وعلي الادارة ألي قدرت تخلي المكان فعلا كأسرة واحدة .. والاعضاء ألي فعلا رجالة بلادنا وعطائهم الله ينصركم ويكرمكم امين يارب . ويجعل بلدنا فيها الخير لينا مش لغيرنا.
---
ثانياً انا متابع المنتدي من حوالي 4 شهور . وبتصفحو كل يومين تلاتة لكن مكنتش بفكر اسجل ولما سجلت مقدرتش اكتب اي حاجة لكن اتفاجئت دلوقتي وانا بعمل عملية تسجيل دخول اني ممكن اكتب مواضيع ! .
...
ثالثاً انا كنت شغال مصمم جرفكس ومطور ويب . لفترة ثلاث سنوات . لكن مع قيام الثورة . الشركة ألي كنت فيها قفلت . وطبعا مقدرش اقعد فالبيت لاني في ألتزمات زي ما انتم عارفين الدنيا .
المهم نزلت اشتغلت علي تاكس اجرة ولقيت الموضوع مربح شوية لكن متعب بصراحة واستمريت حوالي 8 شهور علي هذا المنوال .
...
رابعاً بعد رحلة الكفاح دية قررت اعمل مشروع صغير كدا برأس مالي ألي هوة 70.000 جنية في الموضوع دة وطلع قدامي اكتر من اختيار ومحتار جداً
1- اجيب تاكسي ابيض علية قسط 1000 جنية لفترة 5 سنين . واشتغل علية عادي ..
2- ازود المبلغ دة نفحة واضعها مقدم مكروباص واديلو نمر رحالات واشغلو سفر وادفع كل شهر 5 الف قسط لفترة 4 سنين
3- اجيب عربية ملاكي كاش مستعملة " زي النترا 2008 واشغلها في المطار او قدام فندق او اشغلها سفر تحمل 4 أفراد بـ 200 جنية رايح جي 400 جنية تصرف 200 بنزين و 50 عليك و وتكسب 150 .
4- اجيب عربية قسط ادفع المبلغ دة مقدم ليها 50% عشان حظر البيع وعشان الضمان لاني معنديش اي افتكاسات من أليب يقلوها غير صورة البطاقة فهي 50% . وهنا ممكن اجيب
النترا 2012 او كروز 2012 او سيراتو 2012
ولما سئلت عن النظام القسط عرفت اني هقسط الألنترا 2012 كاملة اتوماتك فتحة سقف يعني كويسة اوي هدفع المقدم ال 65000 الف وهدفع كل شهر 1570 جنية في 60 شهر يعني خمس سنين .
وقلت هنا بقا اجيبها واشغلها في شركة اتصالات او فدفوفن او بالمشوار ايجار بالسواق برضو قدام فندق ولا حاجة او في المطار سفر مثلا كل اسبوع او 10 ايام اطلع بيها طلعة للغردقة او مرسي مطروح .
...
ادي المبلغ فإيدكم وانتم اتصرفو فية . وانا قلتلكم ال 4 خيارات الي انا قدرت اجيب كل بياناتهم وسعيت فيهم بشكل كبير جدا .

بصراحة الاختيار رقم 1 . اجيب تاكسي ... شايفو اسلم حل يعني معروف شغل التاكسي فين انزل لف فالشارع هتلاقي زبون .. لكن عشان تعمل 100 جنية فاليوم ولا 120 بيطلع عينك وفية بهدلة كتييييييير محدش ينكرها . بعدين برضو عامل نفسي شوية بس مش اوي يعني إني اكون كنت مهندس وجرفكس ودلوقتي سواق تاكسي . بس مش فارقة لاني الشغل اكيد ميعبش .

الاختيار رقم 2 . جامد جدا وفية فلوس بس قطمة وسط والهاتش مفهوش معلش يعني الغلطة بفورة وخراب بيوت . و5 الف تعوور وتخوف برضو . فشايفها ميزة وشايفها تقلق .

الاختيار رقم 3 . شايف انو كويس ومقبول بس عربية مستعملة يعني مصاريف صيانة وبعدين خايف اجيب عربية محترمة ومتسدش في سفر لاني لو دخلتها سفر بتاع غارب دة . كل يوم بتاع 800 كيلو يعني قول هسافر يوم ويوم يعني فالشهر بتاع 12 الف كيلو فالعربية هتسد ولا مش هتسد مش عارف

الاختيار رقم 4 . مرتاحلو نفسياً ومقلق منو يعني من الاخر عربية جامدة وشغال سياحة راحة نفسية لكن مقلق البلد دلوقتي مفيهاش شغل سياحة اوي ومش عارف طريقة الشغل ألي انا قلتها ليها فوق دية صح ولا ممكن اتصدم بواقع مش حلو يعني مقلق من الاخر

بس بيني وبينكم عايز حد يطمني فالاختيار 4 بشىء ملموس وانا ادوس فيه هههههه .
-
اديني قلتلكم الفلوس ألي حلتي كام . والخيارات الي قدامي ورئي انا فيهم . ورئي للاسف معندوش الجرئة ياخد القرار في واحد فيهم دلوقتي محتاج معلومات اكتر تطمني او تقلقني اكتر في كل اختيار
وبصراحة مقلتش غيركم اعتبرهم اخواتي وأمنهم عن معلومات رزقي الجية .

امانة عليكم الي يرد يحط نفسو مكاني . وطبعا ال 70 الف دول مش واخدهم ورث دول بخلع الدرس علي رئي تكاسي بلدنا . واحب اوضح اني عليا ألتزمات ثابتة كل شهر حدود 1200 جنية . عشان لو حد عايز يحسبها صح بقا .

فأخر الرغي دة كلو عايز اشكركم . ويارب تكون سنة خير علينا كلنا .
اخوكم . احمد ماندو ,

[khaabas]

طيب وليه مفكرتش تعمل مشروع ولو صغير فى مجال تخصصك
انا شايف انك ركنه على جنب خالص

[ahmed_eng2001]

استخير ربنا فى الاول و فى الاخر .... كا اقتراحات حضرتك فيها مخاطرة مش قليلة .... انا ميال للاقتراح رقم 1

[mando_car]

المشاركة الأصلية كتبت بواسطة khaabas طيب وليه مفكرتش تعمل مشروع ولو صغير فى مجال تخصصك انا شايف انك ركنه على جنب خالص

مجال*تخصصي*بيرجع*للاستثما ر*الجريء*يعنى*الخسارة*لقد ر*الله*بتكون*95%:fun_3_4_ 2v[1]:*-*والمبلغ*دةانا*بدايتى*وان ا*اصلا*مغامر*بية*

[mando_car]

المشاركة الأصلية كتبت بواسطة ahmed_eng2001 استخير ربنا فى الاول و فى الاخر .... كا اقتراحات حضرتك فيها مخاطرة مش قليلة .... انا ميال للاقتراح رقم 1

ونعمة*بالله*شكرا*ليك*جد*